ໂຮງຮຽນເຫຼົ່າຮົບຊ່າງແສງ-506 ເປີດບັ້ນອົບຮົມ-ຫັດແອບປະຈຳປີ 2023

ວັນທີ 3 ມີນາ 2023, ໂຮງຮຽນເຫຼົ່າຮົບຊ່າງແສງ-506 ໄດ້ເປີດບັ້ນອົບຮົມ -ຫັດແອບ ການເມືອງ, ການທະຫານ, ພະລາທິການ – ເຕັກນິກປະຈໍາປີ 2023 ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ວັນທອງ ບຸດຕະວົງ ກໍາ ມະການຄະນະພັກກຊວງປ້ອງກັນປະ ເທດ ຮອງຫົວໜ້າກົມໃຫ່ຍເສນາທິການກອງທັບ, ມີຄະນະພັກ-ຄະນະບັນຊາ ພະນັກງານ-ນັກຮົບ,ບັນດາພະແນກການກົມຊ່າງແສງ, ກົມອົບຮົມເຂົ້າຮ່ວມ.

ສະຫາຍ ພັນໂທ ບຸນທັນ ພະສະຫວັດ ຮອງອໍານວຍການ ຫົວໜ້າພະແນກອົບຮົມໂຮງຮຽນເຫຼົ່າຮົບຊ່າງແສງ-506 ໄດ້ຜ່ານແຜນການຈັດຕັ້ງປະຕິບັດການອົບຮົມ-ຫັດແອບ ການການເມືອງ, ການທະຫານ ພະລາທິການ – ເຕັກນິກປະຈໍາປີ 2023, ໂດຍປະຕິບັດຕາມແຜນການອົບຮົມ-ຫັດແອບວ່າ: ໂດຍປະຕິບັດຕາມຄໍາສັ່ງແນະນໍາຂອງກົມອົບຮົມ ກົມໃຫ່ຍເສນາທິການກອງທັບໃຫ້ຖືກຕ້ອງ ແລະ ຈັດຕັ້ງປະຕິບັດຢ່າງມີປະສິດຕິຜົນ, ສໍາລັບເນື້ອໃນການອົບຮົມ-ຫັດແອບປະກອບມີ 4 ພາກຄື: ອົບຮົມພາກຄວາມຮູ້ທົ່ວໄປ 40 ວັນ, ອົບຮົມວຽກງານການເມືອງຮັບໃຊ້ສູ້ຮົບ 15 ວັນ, ອົບຮົມວຽກງານພະລາທິການຮັບໃຊ້ສູ້ຮົບ 15 ວັນ, ອົບຮົມວຽກງານເຕັກນິກຮັບໃຊ້ສູ້ຮົບ 15 ວັນ ແລະ ອົບຮົມວິຊາສະເພາະເຫຼົ່າຮົບຊ່າງແສງ 100 ວັນ, ກໍານົດເວລາອົບຮົມ-ຫັດແອບລວມທັງໝົດ 185 ວັນ,ມີຈໍານວນພົນເຂົ້າຮ່ວມອົບຮົມ-ຫັດແອບ 227 ສະຫາຍ. ເຊິ່ງໄດ້ແບ່ງອອກເປັນ 2 ໄລຍະຄື: ໄລຍະທີ 1 ແຕ່ເດືອນ ກຸມພາ – ເດືອນ ພຶດສະພາ 2023 ,ໄລຍະທີ 2 ແຕ່ເດືອນ ກໍລະກົດ – ເດືອນຕຸລາ 2023 ຈຶ່ງຈະສໍາເລັດ. ທັງນີ້ກໍ່ເພື່ອເປັນຍົກລະດັບຄວາມຮູ້,ຄວາມສາມາດ ດ້ານສີລະປະຍຸດ,ຢຸດທະວີທະຫານຮາບໃຫ້ນາຍ ແລະ ພົນທະຫານຢູ່ພາຍໃນກົມກອງຕົນໃຫ້ຄວາມສໍານິ,ສຳນານມີໄຫວພິກຄ່ອງແຄ້ວ ເພື່ອຮັບຮັບການກຽມພ້ອມສູ້ຮົບ.

ໂດຍ: ເກນ ວິໄລສານ.