ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໂຮງຮຽນ ກ້າວໜ້າ ໄຂສົກຮຽນໃໝ່ 2020-2021 ແລະ ໃສ່ໃຈປ້ອງກັນພະຍາດໂຄວິດ-19

ໂຮງຮຽນອະນຸບານ, ປະຖົມ ແລະ ມັດທະຍົມກ້າວໜ້າ ຊຶ່ງເປັນໂຮງຮຽນພາກເອກະຊົນ ຕັ້ງຢູ່ບ້ານສີສະຫວາດເມືອງ ຈັນທະບູລີ, ນະຄອນຫລວງວຽງຈັນ ໄຂສົກຮຽນໃໝ່ 2020-2021, ພ້ອມກັບການເອົາໃຈໃສ່ສືບຕໍ່ປະຕິບັດມາດຕະການປ້ອງ ກັນພະຍາດໂຄວິດ-19 ທີ່ຂັ້ນເທີງວາງອອກຢ່າງເຂັ້ມງວດ ເພື່ອເຮັດໃຫ້ການຮຽນ-ການສອນດໍາເນີນໄປດ້ວຍດີ ແລະ ຮັບປະກັນບໍ່ໃຫ້ມີພະຍາດໂຄວິດ-19 ເກີດຂຶ້ນ.

ອາຈານ ບຸນໄຫວ ຫລວງລາດ, ຜູ້ອໍານວຍການໂຮງຮຽນອະນຸບານ, ປະຖົມ ແລະ ມັດທະຍົມກ້າວໜ້າ ໃຫ້ສໍາພາດວ່າ: ສົກຮຽນໃໝ່ 2020-2021 ທາງໂຮງຮຽນຈະຈັດການຮຽນ-ການສອນຕາມຫລັກສູດທີ່ກະຊວງສຶກສາ ທິການ ແລະ ກິລາ ວາງອອກໃຫ້ຄົບທຸກວິຊາ, ພ້ອມນີ້ ໄດ້ເອົາໃຈໃສ່ເປັນພິເສດໃນການຮັກສາຄວາມສະອາດອາຄານສະຖານທີ່, ຫ້ອງຮຽນ, ໂຕະ, ຕັ່ງ ແລະ ສະຖານທີ່ຕ່າງຯ ພາຍໃນໂຮງຮຽນຢ່າງຕໍ່ເນື່ອງ, ພ້ອມນີ້ ໄດ້ສ້າງບ່ອນລ້າງມືດ້ວຍສະບູໃນໂຮງຮຽນ, ຫ້າມນັກຮຽນຢູ່ຊຸມນຸມກັນເປັນຈຳນວນຫລາຍ, ການຮັກສາໄລຍະຫ່າງ ແລະ ອື່ນຯ ເພື່ອປ້ອງກັນພະຍາດໂຄວິດ-19 ຕາມມາດຕະການໃໝ່ ຫລື New Normal ຕາມທີ່ຂັ້ນເທິງວາງອອກ. ຄຽງຄູ່ກັນນີ້ ກ່ອນໜ້າເປີດສົກຮຽນໃໝ່ຢ່າງເປັນທາງການໄດ້ຈັດຊຸດຝຶກອົບຮົມ, ຍົກລະດັບຄວາມຮູ້ ໃຫ້ຄູ-ອາຈານ ແລະ ອື່ນໆ ເພື່ອສ້າງຄວາມເຂັ້ມແຂງ ໃຫ້ແກ່ໂຮງຮຽນ ກໍຄື ເຮັດໃຫ້ການເປີດສົກຮຽນໃໝ່ມີຄຸນນະພາບດີຂຶ້ນກ່ວາເກົ່າ, ຮັກສາໄດ້ຄວາມເປັນລະບຽບຮຽບຮ້ອຍ, ສະຫງົບ, ປອດໄພ ແລະ ດຳເນີນການຮຽນ-ການສອນ ໃຫ້ບັນລຸຕາມຄາດໝາຍທີ່ວາງໄວ.

ອາຈານ ບຸນໄຫວ ຫລວງລາດ ໃຫ້ຮູ້ຕື່ມວ່າ: ສໍາລັບສົກຮຽນ 2020-2020 ໂຮງຮຽນອະນຸບານ, ປະຖົມ ແລະ ມັດທະຍົມກ້າວໜ້າ ຈະມີນັກຮຽນບໍ່ເຖິງ 1.000 ກ່ວາ, ທຽບໃສ່ສົກ 2019-2020 ຫລຸດລົງຫລາຍສົມຄວນ ເນື່ອງຈາກມີນັກຮຽນນັກຮຽນມາລົງທະບຽນເຂົ້າຮຽນໃໝ່ບໍ່ຫລາຍ ແຕ່ການຍົກຍ້າຍອອກຈາກໂຮງຮຽນເພື່ອໄປເຂົ້າຢູ່ໂຮງ ຮຽນຂອງລັດມີຫລາຍ. ສ່ວນຄູ-ອາຈານສອນພາຍໃນໂຮງຮຽນ ມີທັງໝົດ 50 ກວ່າຄົນ, ມີ 30 ກວ່າຫ້ອງ ນອກຈາກສອນຕາມຫລັກສູດ ທີ່ກະຊວງສຶກສາທິການ ແລະ ກິລາ ວາງອອກແລ້ວ ໂຮງຮຽນຍັງໄດ້ເນັ້ນໜັກ ການຮຽນ-ການສອນພາສາອັງກິດເພີ່ມຕື່ມສໍາລັບຊັ້ນປະຖົມສຶກສາ, ມີນະໂຍບາຍ ສຳລັບນັກຮຽນທີ່ຮຽນເກັ່ງ ດ້ວຍການຮຽນຟີ (ບໍ່ໄດ້ເສຍຄ່າຮຽນໝົດປີ), ເສັງໄດ້ອັນດັບ 1 ຂັ້ນນະຄອນຫລວງ ແມ່ນຈະບໍ່ໄດ້ຈ່າຍຄ່າຮຽນ, ເສັງໄດ້ອັນດັບ 1 ຂັ້ນເມືອງ ຫລຸດຄ່າຮຽນ 50% ແລະ ເກັ່ງຮອບດ້ານ ຫລຸດຄ່າຮຽນ 10%.

ໃນໂອກາດໄຂສົກຮຽນໃໝ່ 2020-2020 ຜູ້ອໍານວຍການໂຮງຮຽນອະນຸບານ, ປະຖົມ ແລະ ມັດທະຍົມກ້າວໜ້າ ຍັງຝາກເຖິງພໍ່ແມ່ຜູ້ປົກຄອງນັກຮຽນນັກຮຽນຂອງໂຮງຮຽນກ້າວໜ້າທຸກຄົນ ຈົ່ງໃຫ້ຄວາມໝັ້ນໃຈໃນການຮັກສາຄວາມສະອາດ ກໍ່ຄື ການຮຽນ-ການສອນຂອງໂຮງ ຮຽນ ເພາະທາງໂຮງຮຽນເອົາໃຈໃສ່ເປັນພິເສດ. ຂະນະດຽວກັນ ທ່ານໄດ້ຮຽກຮ້ອງມາຍັງພໍ່ແມ່ຜູ້ປົກຄອງນັກຮຽນ ຈົ່ງເອົາໃຈໃສ່ເປັນເຈົ້າການຊຸກຍູ້ສົ່ງເສີມ ແລະ ບອກສອນລູກຫລານຂອງຕົນຮ່ວມກັນເພື່ອໃຫ້ຕັ້ງໃຈສຶກສາຮ່ຳຮຽນເຝິກຝົນຫຼໍ່ຫຼອມຕົນເອງໃຫ້ກາຍເປັນນັກຮຽນດີ, ຮຽນເກັ່ງ ແລະ ມີລະບຽບວິໄນ, ກາຍເປັນລູກຄຳຮູ້ຂອງພໍ່ແມ່, ເປັນນັກຮຽນດີ-ຮຽນເກັ່ງຂອງຄູ ແລະ ເປັນຜູ້ສືບທອດທີ່ດີຂອງປະເທດຊາດໃນອານາຄົດ, ໄປພ້ອມຯ ກັບຕ້ອງເອົາໃຈໃສ່ເຂົ້າຮຽນປົກກະຕິແບບໃໝ່ ຫລື New Normal ດ້ວຍການປະຕິບັດລະບຽບ.