ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໂຮງຮຽນ ມສ ແຂວງ ສະຫຼອງວັນຄູແຫ່ງຊາດ ຄົບຮອບ 26 ປີ

ພິທີສະເຫຼີມສະຫຼອງວັນຄູແຫ່ງຊາດ ຄົບຮອບ 26 ປີ ( 7 ຕຸລາ 1994 – 7 ຕຸລາ 2020 ) ຂອງໂຮງຮຽນ ມັດທະຍົມ ສົມບູນ ແຂວງອຸດົມໄຊ ໄດ້ຈັດຂຶ້ນໃນຕອນເຊົ້າວັນທີ 6 ຕຸລານີ້ ຢູ່ທີ່ສະໂມສອນຂອງໂຮງຮຽນ ໂດຍການເປັນປະທານຂອງ ທ່ານ ພອນໄຊ ໄຊດວງຕາ ອຳນວຍການໂຮງຮຽນ ມສ ແຂວງ, ມີ ທ່ານ ສົມຈິດ ປັນຍາສັກ ຮອງເຈົ້າແຂວງອຸດົມໄຊ, ທ່ານ ສົມສັກ ສຸພິໄລ ຫົວຫນ້າພະແນກ ສຶກສາທິການ ແລະ ກິລາແຂວງ, ມີປະທານສະມາຄົມພໍ່ແມ່ນັກຮຽນ, ຄະນະອຳນວຍການ, ພະນັກງານ ຄູ – ອາຈານ, ອົງການປົກຄອງບ້ານ, ຜູ້ປົກຄອງ ນັກຮຽນ ແລະ ນ້ອງນັກຮຽນ ເຂົ້າຮ່ວມ.

ການຈັດພິທີສະເຫຼີມສະຫຼອງໃນຄັ້ງນີ້ ກໍເພື່ອເປັນການລະນຶກ ແລະ ຫວນຄືນມູນເຊື້ອ ອັນດີງາມ ຂອງນາຍຄູຄຳ ທີ່ເສຍສະຫລະເລືອດເນື້ອ ເພື່ອຊາດໃນພາລະກິດການສຶກສາ ໄລຍະຕໍ່ສູ້ຕ້ານການຮຸກຮານ ຂອງພວກຈັກກະພັດຕ່າງດ້າວ. ທັງເປັນການເຊີດຊູ ບົດບາດຂອງຄູ ເນື່ອງຈາກຄູໄດ້ເປັນສ່ວນສຳຄັນທີ່ເຮັດໃຫ້ ທຸກຄົນມີການສຶກສາ, ມີຄວາມສະຫລຽວສະຫລາດ ແລະ ສາມາດນຳພາປະເທດຊາດ ໃຫ້ຈະເລີ່ນຮຸ່ງເຮືອງໄດ້, ຄຳວ່າ ຄູ ແມ່ນບຸກຄົນທີ່ມີຄວາມຮູ້, ຄວາມສາມາດ ແລະ ສາມາດຖ່າຍທອດ ໄປສູ່ບຸກຄົນອື່ນ ແລະ ສາມາດນຳໄປຈັດຕັ້ງປະຕິບັດຕົວຈິງໄດ້.

ພິທີດັ່ງກ່າວ ໄດ້ຮັບຊົມການສະແດງສິລະປະວັນນະຄະດີ ຈາກນ້ອງນັກຮຽນ, ການອວຍພອນຄູ, ມອບຊໍດອກໄມ້ ແລະ ຂອງຂວັນໃຫ້ແກ່ຄູ ລວມທັງ ຮັບຟັງປະຫວັດຄວາມເປັນມາຂອງວັນຄູແຫ່ງຊາດ ແລະ ປະຫວັດຄວາມເປັນມາຂອງໂຮງຮຽນ ມສ ແຂວງ.

ຈາກນັ້ນ ພິທີໄດ້ມີການປະດັບຫລຽນໄຊ, ຫລຽນກາ ແລະ ໃບຍ້ອງຍໍຜົນງານໃຫ້ແກ່ ກົມກອງ ແລະ ພະນັກງານ ຄູ – ອາຈານ, ອາດີດພະນັກງານ ຄູ ແລະ ສະມາຄົມພໍ່ແມ່ນັກຮຽນ ຜູ້ທີ່ມີຜົນງານດີເດັ່ນ ໃນການປະກອບສ່ວນ ເຂົ້າໃນວຽກງານການຮຽນ – ການສອນ ໃນໄລຍະຜ່ານມາຕື່ມອີກ.

 

ກວດແກ້ໂດຍ: ອ່ຽງຄຳ ວິລະສັກ