ວັນທີ 29 ພຶດສະພາ 2024 ນີ້ ທີມງານອົງການກາແດງແຫ່ງຊາດ, ໄດ້ນໍາເອົາອຸປະກອນທາງການແພດ ແລະເຄື່ອງບຳລຸງບໍລິຈາກເລືອດ ໄປມອບໃຫ້ ໂຮງໝໍຊຸມຊົນ ເມືອງໂພນທອງ ແຂວງຫຼວງພະບາງ ມີ ທ່ານ ສົມວອນ ແກ້ວຄຳພອນ ສະມາຊິກສະພາປະຊາຊົນແຂວງປະຈຳເມືອງ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ. ອຸປະກອນທາງການແພດ ທີ່ໄດ້ນໍາມາມອບໃຫ້ໃນຄັ້ງນີ້ປະກອບມີເຊັ່ນ: ຕູ້ເກັບຮັກສາເລືອດ 1 ໜ່ວຍ, ເຄື່ອງບຳລຸງບໍລິຈາກເລືອດ 1 ໜ່ວຍ, ເຄື່ອງປິ້ນກວດວິເຄາະເລືອດ 1 ໜ່ວຍ, ອຸປະກອນຂົນສົ່ງເລືອດ, ເຄື່ອງຕັດສາຍເລືອດ, ເຄື່ອງອຸປະກອນນໍາໃຊ້ໃນຫ້ອງວິເຄາະ, ຖົງເຈາະເລືອດ ແລະສາຍສົ່ງເລືອດ, ເຄື່ອງບຳລຸງຮັກສາເມື່ອມີຜູ້ບໍລິຈາກເລືອດ ແລະອຸປະກອນທາງການແພດອື່ນໆ ອີກຈຳນວນໜຶ່ງ ລວມເປັນມູນຄ່າທັງໝົດຈຳນວນ 132 ລ້ານ 8 ແສນກີບ, ໂອກາດນີ້ ທ່ານ ສົມວອນ ແກ້ວຄໍາພອນ ໄດ້ກ່າວຂອບໃຈຢ່າງສຸງຕໍ່ອົງການກາແດງແຫ່ງຊາດ ແລະອົງການກາແດງແຂວງ ທີ່ຖືເອົາບັນຫາສຸຂະພາບຂອງປະຊາຊົນເປັນສິ່ງສຳຄັນສະເໝີ ໂດຍໄດ້ນຳເອົາອຸປະກອນການແພດ ມາຊ່ວຍເຫຼືອເມືອງໂພນທອງ ເຊິ່ງອົງການປົກຄອງເມືອງ ຈະນຳເອົາອຸປະກອນທີ່ໄດ້ຮັບ ໄປນໍາໃຊ້ເຂົ້າໃນວຽກງານວິຊາສະເພາະ ໃຫ້ເກີດຜົນປະໂຫຍດສູງສຸດ, ເຮັດປະຊາຊົນພາຍໃນເມືອງໂພນທອງ ໄດ້ຮັບການບໍລິການຢ່າງທົ່ວເຖິງ.
ຂ່າວ: ສົມເພັດ ໄຊມີກອນ ຖວທ ເມືອງໂພນທອງ
