ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ່ 20 ທັນວາ 2023 ນີ້ ທີ່ໂຮງໝໍແຂວງຫຼວງພະບາງ ໄດ້ມີພິທີມອບ-ຮັບ ແລະເປີດການນຳໃຊ້ເຄື່ອງຜະລິດອົກຊີແຊນທາງການແພດ ເຄື່ອງທີ 3 ແລະ 4 ໂດຍການສະໜັບສະໜຸນຈາກ ອົງການອະນາໄມໂລກ (WHO), ໃຫ້ແກ່ໂຮງໝໍແຂວງຫຼວງພະບາງ ແລະແຂວງອຸດົມໄຊ, ມີ ທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ພ້ອມດ້ວຍ ທ່ານ ນາງ ຢູລີ ພາກ ຫົວໜ້າປະສາງງານດ້ານລະບົບສາທາລະນະສຸກ ຕາງໜ້າອົງການອະນາໄມໂລກ, ແຂກຮັບເຊີນ ແລະພະນັກງານແພດເຂົ້າຮ່ວມ. ພິທີໄດ້ມີການປະກອບຄຳເຫັນ ຈາກຕາງໜ້າການນຳຂອງແຂວງຫຼວງພະບາງ, ໂຮງໝໍແຂວງຫຼວງພະບາງ-ແຂວງອຸດົມໄຊ ແລະຕາງໜ້າອົງການອະນາໄມໂລກ, ຈາກນັ້ນ ທ່ານ ບຸນແຝງ ພູມມະໄລສິດ ໄດ້ມີຄຳເຫັນວ່າ: “ການຊ່ວຍເຫຼືອ ຂອງອົງການອະນາໄມໂລກໃນການຕິດຕັ້ງ ແລະເປີດການນຳໃຊ້ເຄື່ອງຜະລິດອົກຊີແຊນຢູ່ທີ່ໂຮງໝໍແຂວງຫຼວງພະບາງ ແລະແຂວງອຸດົມໄຊ ມີຄວາມສຳຄັນຫຼາຍໃນການສ້າງຄວາມເຂັ້ມແຂງໃຫ້ແກ່ພື້ນຖານໂຄງລ່າງສຳລັບການປິ່ນປົວຮັກສາສຸຂະພາບ, ການປັບປຸງຄວາມອາດສາມາດໃນການໂຕ້ຕອບ ໃນສະຖານະການສຸກເສີນ, ການຍົກລະດັບຄຸນນະພາບ ໂດຍລວມຂອງການປິ່ນປົວຮັກສາສຸຂະພາບ ຢູ່ໃນ 2 ແຂວງ ແລະການຫຼຸດຜ່ອນຄ່າໃຊ້ຈ່າຍສຳລັບການປິ່ນປົວ ຂອງຄົນເຈັບທີ່ມາໃຊ້ບໍລິການ.
ເຄື່ອງຜະລິດອົກຊີແຊນທີ່ມອບໃນຄັ້ງນີ້ ແມ່ນສ່ວນໜຶ່ງຂອງການຊ່ວຍເຫຼືອ ຈາກອົງການອະນາໄມໂລກ ທີ່ມີມູນຄ່າ 1 ລ້ານ 7 ແສນໂດລາສະຫະລັດ ຫຼື ຫຼາຍກວ່າ 33 ຕື້ ກີບ ເຊິ່ງຈະສາມາດສະໜອງອົກຊີແຊນໄດ້ສູງເຖິງ 75.000 ບັ້ງຕໍ່ປີ ເພື່ອຊ່ວຍເຫຼືອຄົນເຈັບຫຼາຍສິບພັນຄົນ, ທັງສາມາດຊ່ວຍເຫຼືອຄົນເຈັບຫຼາຍພັນຄົນ, ຊ່ວຍຫຼຸດຜ່ອນຄ່າໃຊ້ຈ່າຍຂອງໂຮງໝໍ ໃນການຊື້ອົກຊີຈາກບ່ອນອື່ນເຂົ້າມາບໍລິການ ແລະຈະຊ່ວຍທັງຄົນເຈັບ ທີ່ເຂົ້າຮັບການຜ່າຕັດ, ແມ່ ແລະເດັກເກີດໃໝ່, ຄົນເຈັບທີ່ເປັນພະຍາດຫົວໃຈວາຍ, ພະຍາດຫອບຫືດ ຫຼື ອັກເສບປອດ ໃນລະດັບທີ່ດີຂື້ນ.
May be an image of 1 person, dais, hospital and text
May be an image of 1 person, dais and text