ພີທີໂຮມຊຸມນຸມສະເຫລີມສະຫລອງວັນສ້າງຕັ້ງແຂວງອຸດົມໄຊ ວັນທີ15ກໍລະກົດ 1962 ຄົບຮອບ60ປີ ເເລະວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນເເຂວງອຸດົມໄຊ ວັນທີ 4ເມສາ 1962 ຄົບຮອບ60ປີ ຈັດຂື້ນໃນຕອນເຊົ້າວັນທີ 15ກໍລະກົດ 2022 ຢູ່ສະໂມສອນໃຫຍ່ຂອງເເຂວງ ພາຍໃຕ້ການເປັນປະທານຂອງ ທ່ານ ບຸນຄົງ ຫລ້າຈຽມພອນ ກໍາມະການສໍາຮອງສູນກາງພັກ ເລຂາຄະນະບໍລີຫານງານພັກເເຂວງ ເຈົ້າແຂວງໆອຸດົມໄຊ,ໃຫ້ກຽດເຂົ້າຮ່ວມມີ ທ່ານ ບຸນທອງ ຈິດມະນີ ກໍາມະການກົມເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ, ທ່ານຄໍາພັນ ເຜີຍຍະວົງ ຄະນະເລຂາທິການສູນ ກາງພັກ ຫົວຫນ້າຄະນະໂຄສະນາອົບຮົມສູນກາງພັກ,ທ່ານ ບຸນປອນ ບຸດຕະນະວົງ.ອະດີດກຳມະການກົມການເມືອງສູນກາງພັກ, ອະດີດຮອງນາຍົກລັດຖະມົນຕີ,ອະດີດຮອງປະທານສະພາແຫ່ງຊາດ ມີບັນດາຄະນະບໍລິຫານງານພັກເເຂວງ,ອະດີດການນໍາຂັ້ນສູງຂອງເເຂວງ,ພະເເນກການຕ່າງໆອ້ອມຂ້າງເເຂວງ ພ້ອມດ້ວຍພາກສ່ວນກ່ຽວຂ້ອງ.
ໂອກາດນີ້ ທ່ານບຸນຄົງ ຫລ້າຈຽມພອນ ໄດ້ມີຄໍາເຫັນກ່າວປາໄສຕໍ່ພິທີໂຮມຊຸມນຸມສະເຫລີມສະຫລອງວັນສ້າງຕັ້ງແຂວງອຸດົມໄຊວັນທີ15ກໍລະກົດ1962ຄົບຮອບ60ປີ ເເລະວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນເເຂວງອຸດົມໄຊ ວັນທີ4ເມສາ1962ຄົບຮອບ60ປີບາງຕອນສໍາຄັນທ່ານກ່າວວ່າ:ການຈັດງານໃນຄັ້ງນີ້ ເຮັດໃຫ້ຈົດຈໍາເຖິງ ເຫດການສໍາຄັນດ້ານປະຫວັດສາດອັນລະອິດລະ ອ້ຽວ ແລະ ຫວນຄືນມູນເຊື້ອແຫ່ງການກຳເນີດ, ເຕີບໃຫຍ່ຂະຫຍາຍຕົວ ໃນພາລະກິດປົກປັກຮັກສາ, ພັດທະນາແຂວງ, ພັດທະນາກຳລັງປ້ອງກັນຄວາມສະຫງົບແຂວງອຸດົມໄຊ ເຊີ່ງພວກເຮົາມີ ຄວາມເອກອ້າງທະນົງໃຈ ຕໍ່ການເຕີບໃຫຍ່ຂະຫຍາຍຕົວ ແລະ ຜົນສຳເລັດອັນສຳຄັນໃນຫຼາຍດ້ານທີ່ ຍາດມາໄດ້ໃນ 60 ປີທີ່ຜ່ານມາ ເຊີ່ງເເຂວງໃນເມື່ອກ່ອນເປັນກິ່ງແຂວງໄຊຍະພູມ ຂຶ້ນກັບແຂວງຫຼວງພະບາງ ຊຶ່ງ ປະກອບມີ 3 ເມືອງ ຄືເມືອງໄຊ, ເມືອງຮຸນ ແລະ ເມືອງປາກທາ ມີສຳນັກງານຕັ້ງຢູ່ເມືອງໄຊ ເປັນດິນແດນທີ່ມີມູນເຊື້ອປະຕິວັດອັນອົງອາດກ້າຫານ, ເດັດດ່ຽວໜຽວແໜ້ນ, ມີຂະບວນການ ປະຕິວັດຕໍ່ສູ້ປົດປ່ອຍຊາດ ພາຍໃຕ້ການນຳພາ ຂອງພັກກອມມູນິດອິນດູຈີນ ມາແຕ່ກ່ອນ ຊຸມປີ 1945, ຕໍ່ມາກໍໄດ້ກາຍເປັນເຂດທີ່ໝັ້ນອັນແຂງແກ່ນ ຂອງການປະຕິວັດລາວ, ພາຍຫຼັງເມືອງໄຊໄດ້ ຮັບການປົດປ່ອຍໃນວັນທີ 15 ເມສາ ປີ 1961, ສູນກາງພັກໄດ້ຕົກລົງເອົາກິ່ງແຂວງໄຊຍະພູມ ສ້າງຕັ້ງເປັນແຂວງຢ່າງເປັນທາງການໃນວັນທີ 15 ກໍລະກົດ ປີ 1962 ຊຶ່ງເອີ້ນວ່າ: “ແຂວງລ້ານຊ້າງ” ຮອດປີ 1965 ແຂວງລ້ານຊ້າງ ໄດ້ປ່ຽນຊື່ມາເປັນ “ແຂວງເມືອງໄຊ” ແລະ ມາຮອດປີ 1967 ແຂວງ ເມືອງໄຊ ໄດ້ປ່ຽນຊື່ມາເປັນ “ແຂວງອຸດົມໄຊ” ຈົນເຖິງປັດຈຸບັນ.
ທ່ານ ບຸນຄົງ ຫລ້າຈຽມພອນ ກ່າວຕື່ມວ່າ:ການສ້າງຕັ້ງແຂວງອຸດົມໄຊ ເປັນຂີດໝາຍປະຫວັດສາດອັນສຳຄັນ ແຫ່ງການເຕີບໃຫຍ່ຂະຫຍາຍຕົວຂອງແຂວງອຸດົມໄຊ ນັບ ແຕ່ນັ້ນມາ ຂະບວນການປົກປັກຮັກສາ ແລະ ພັດທະນາແຂວງອຸດົມໄຊ ໄດ້ກ້າວຂຶ້ນສູ່ຄຸນນະພາບໃໝ່ ແລະ ສາມາດຍາດໄດ້ຜົນສຳເລັດ ອັນໃຫຍ່ຫຼວງ ໃນຫຼາຍດ້ານ ເມື່ອທົບທວນຄືນເສັ້ນທາງແຫ່ງການປົກປັກຮັກສາ ແລະ ພັດທະນາແຂວງອຸດົມໄຊ,ຍິ່ງມີຄວາມອາໄລອາວອນຄິດຮອດຄິດເຖິງ ແລະ ຈາລຶກເຖິງຜົນງານ ຄຸນງາມຄວາມດີ ຂອງນັກຮົບປະຕິວັດ-ອະດີດການນຳ, ສະມາຊິກພັກ, ພະນັກງານ, ກຳລັງປະກອບອາວຸດ ແລະ ປະຊາຊົນ ບັນດາເຜົ່າ ທີ່ໄດ້ເສຍສະຫຼະເລືອດເນື້ອເເລະຊີວິດ ເພື່ອພາລະກິດປະຕິວັດປົກປັກຮັກສາ ແລະ ສ້າງສາພັດທະນາ ແຂວງອຸດົມໄຊ ພ້ອມດຽວກັນນີ້ ພວກເຮົາມີຄວາມເອກອ້າງທະ ນົງໃຈທີ່ເຫັນວ່າຕະຫຼອດໄລຍະ 60 ປີທີ່ຜ່ານມາ ຄະນະພັກ-ຄະນະນໍາ ແຕ່ລະຮຸ່ນແຕ່ລະສະໄໝ ໄດ້ມີຄວາມຕັດສິດໃຈອັນສູງ ຜ່ານຜ່າອຸປະສັກ ຄວາມຫຍຸ້ງຍາກນາໆປະການ, ເສີມ ຂະຫຍາຍນໍ້າໃຈຮັກຊາດຈິດໃຈເອກະລາດ ເປັນເຈົ້າຕົນເອງ ສ້າງຄວາມເຂັ້ມແຂງດ້ວຍຕົນເອງ, ສຸມທຸກກຳລັງແຮງສັງລວມ ເຂົ້າໃນການປົກປັກຮັກສາຄວາມເປັນເອກະລາດ ອະທິປະໄຕ ແລະ ຜືນແຜ່ນດິນອັນຄົບຖ້ວນ ໄວ້ຢ່າງໝັ້ນຄົງ, ສ້າງສາພັດທະນາທາງດ້ານເສດ ຖະກິດ-ສັງຄົມໃນແຕ່ລະ ໄລຍະ ຕາມແນວທາງນະໂຍບາຍຂອງພັກ,ເຮັດໃຫ້ແຂວງ ມີຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍໃນສັງຄົມ, ເສດຖະກິດສືບຕໍ່ຂະຫຍາຍຕົວຢ່າງຕໍ່ເນື່ອງ, ສາມາດ ປັບປຸງຊີວິດການເປັນຢູ່ຂອງປະຊາຊົນບັນດາເຜົ່າ ໃຫ້ນັບມື້ນັບດີຂື້ນເປັນກ້າວໆ, ເຮັດໃຫ້ໂສມໜ້າ ໃໝ່ຂອງແຂວງອຸດົມໄຊ ໄດ້ມີການຫັນປ່ຽນຢ່າງຕັ້ງໜ້າໃນຫຼາຍດ້ານ,ການສະເຫຼີມສະຫຼອງວັນສ້າງຕັ້ງແຂວງອຸດົມໄຊ ຄົບຮອບ 60 ໃນຄັ້ງນີ້ ຍັງກົງກັບ ປີແຫ່ງ ຄວາມສາມັກຄີ, ມິດຕະພາບ ລາວ – ຫວຽດນາມ, ຫວຽດນາມ – ລາວ ຄືວັນ ວັນເຊັນສົນທິ ສັນຍາມິດຕະ ພາບ ແລະ ການຮ່ວມມື ຄົບຮອບ 45 ປີ ແລະ ວັນສ້າງຕັ້ງສາຍພົວພັນການທູດ ຄົບ ຮອບ 60 ປີ ຊຶ່ງຕະຫຼອດໄລຍະຜ່ານມາ ແຂວງອຸດົມໄຊ ໄດ້ມີການພົວພັນມິດຕະພາບ ແລະ ການ ຮ່ວມມືຮອບດ້ານກັບ 8 ແຂວງ, 1 ນະຄອນ ແລະ ກອງບັນຊາການທະຫານເຂດ II ຂອງ ຫວຽດນາມ ຄຽງຄູ່ກັບການ ຫວນຄືນ ມູນເຊື້ອວັນສ້າງຕັ້ງແຂວງອຸດົມໄຊ ຄົບຮອບ 60 ປີນີ້, ຍັງລະນຶກເຖິງ ມູນເຊື້ອ ວັນສ້າງຕັ້ງກຳລັງປ້ອງກັນຄວາມສະຫງົບ ແຂວງຄົບຮອບ 60 ປີໃນວັນທີ 4 ເມສາ ປີ 1962 ເຊີ່ງການຈັດງານໂຮມຊຸມນຸມສະເຫລີມສະຫລອງວັນສ້າງຕັ້ງແຂວງອຸດົມໄຊວັນທີ15ກໍລະກົດ1962ຄົບຮອບ60ປີ ເເລະວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນເເຂວງອຸດົມໄຊ ວັນທີ4ເມສາ1962ຄົບຮອບ60ປີ ໃນຄັ້ງນີ້ ເເຂວງອຸດົມໄຊ ຍັງໄດ້ຈັດຫລາຍກີດຈະກໍາ ປີ່ນອ້ອມ ໂດຍສະເພາະການຈັດພິທີ ວາງພວງມາລາຢູ່ອານຸສາວະລີນັກຮົບນີລະນາມ ເເລະ ວາງກະຕ່າດອກໄມ້ຢູ່ອະນຸສອນສະຖານປະທານໄກສອນ ພົມວິຫານຜູ້ນາທີ່ເເສນເຄົສລົບຮັກຂອງປວງຊົນລາວທັງຊາດ ທີ່ຕັ້ງຢູ່ເທດສະບານເເຂວງ ຂອງການນໍາຂັ້ນສູງຂອງເເຂວງ,ການເເຂ່ງຂັນກີລາ,ເເຂ່ງຂັນ ສີລະປະວັນນະຄະດີ,ວາງສະເເດງສີນຄ້າເເລະຮູບພາບ ລວມເຖີງການປະດັບປະດາພາຍໃນເທດສະບານເເຂວງ ໃຫ້ມີຄວາມສວຍງາມ ເພື່ອສ້າງເຮັດໃຫ້ການສະເຫລີມສະຫລອງວັນສ້າງຕັ້ງເເຂວງອຸດົມໄຊຄົບຮອບ60ປີ ມີບັນຍາກາດຟົດຟື້ນມ່ວນຊື່ນ.
ໃນພິທີທີ່ມີຄວາມຫມາຍຄວາມສໍາຄັນໃນຄັ້ງນີ້ ຍັງໄດ້ຈັດພິທີປະດັບຫລຽນໄຊອິດສະຫລະຊັ້ນ3ຂອງປະທານປະເທດເເລະໃນຢັ້ງຢືນໃຫ້ເເຂວງອຸດົມໄຊຕື່ມອີກ ເພື່ອເປັນສີ່ງຢັ້ງຢືນເຖີງຜົນງານຂອງເເຂວງທີ່ໄດ້ປະກອບສ່ວນສໍາຄັນເຂົ້າໃນພາລະກິດຕໍ່ສູ້ກູ້ຊາດໃນເມື່ອກ່ອນ ກໍ່ຄື ພາລະກິດປົກປັກຮັກເເລະສ້າງສາພັດທະນາປະເທດຊາດໃນປັດຈຸບັນ ເປັນກຽດປະດັບຫລຽນໄຊອິດສະຫລະຊັ້ນ3ໂດຍ ທ່ານບຸນທອງຈິດມະນີ ກໍາມະການກົມເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ເເລະ ຕາງຫນ້າຄະນະພັກ ຄະນະນໍາຂອງເເຂວງຂື້ນຮັບຫລຽນໄຊອິດສະຫລະຊັ້ນ3ໃນຄັ້ງນີ້ ໂດຍທ່ານ ບຸນຄົງຫລ້າ ຈຽມພອນ ກໍາມະການສໍາຮອງສູນກາງພັກ ເລຂາຄະນະບໍລິຫານງານພັກເເຂວງ ເຈົ້າເເຂວງໆອຸດົມໄຊ. .
ຂ່າວ: ເດດອາລຸນ
ພາບ: ຄໍາກອງ
