ໃນວັນທີ 30 ເມສາ 2021 ຮສ. ດຣ. ພູທອນ ເມືອງປາກ ຫົວໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ຮອງລັດຖະມົນຕີ, ກະຊວງສາທາລະນະສຸກ ພ້ອມດ້ວຍ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ໄດ້ຖະແຫຼງຂ່າວຕໍ່ສື່ມວນຊົນກ່ຽວກັບ: ສະພາບການລະບາດຂອງພະຍາດ COVID-19 ຢູ່ ສປປ ລາວ
ສປປ ລາວ ໃນວັນທີ 29 ເມສາ 2021 ໄດ້ເກັບຕົວຢ່າງມາກວດວິເຄາະທັງໝົດ 4,841 ຄົນ ຜົນກວດວິເຄາະ ແມ່ນພົບຜູ້ຕິດເຊື້ອໃໝ່ 85 ຄົນ, ໃນນັ້ນມີ
o ນະຄອນຫຼວງ 69 ຄົນ,
o ບໍ່ແກ້ວ 7 ຄົນ
o ສະຫວັນນະເຂດ 3 ຄົນ,
o ວຽງຈັນ 2 ຄົນ,
o ໄຊຍະບູລີ 2 ຄົນ,
o ຈຳປາສັກ 1 ຄົນ,
o ອຸດົມໄຊ 1 ຄົນ
ມາຮອດປະຈຸບັນ ສປປ ລາວ ມີ ຕົວເລກຜູ້ຕິດເຊື້ອສະສົມທັງໝົດ 757 ຄົນ, ບໍ່ມີຜູ້ເສຍຊີວີດ, ປິ່ນປົວຫາຍດີ 51 ຄົນ,
o ຍັງນອນຕິດຕາມປິ່ນປົວຢູ່ສະຖານທີ່ປິ່ນປົວຢູ່ສະຖານທີ່ທີ່ຄະນະສະເພາະກິດກຳນົດໄວ້ ຈຳນວນ 706 ຄົນ, ລາຍລະອຽດດັ່ງນີ້:
– ນະຄອນຫຼວງວຽງຈັນ 508 ຄົນ (ໃໝ່ 69)
– ແຂວງຈຳປາສັກ 93 ຄົນ (ໃໝ່ 1), ສຳລັບຄົນເຈັບແຂວງເຊກອງ ແມ່ນ ນອນປິ່ນປົວຢູ່ແຂວງຈຳປາສັກ
– ແຂວງສະຫວັນນະເຂດ 25 ຄົນ (ໃໝ່ 3)
– ແຂວງບໍ່ແກ້ວ 31 ຄົນ (ໃໝ່ 7)
– ແຂວງສາລະວັນ 5 ຄົນ
– ແຂວງອຸດົມໄຊ 4 ຄົນ (ໃໝ່ 1)
– ແຂວງຫຼວງນ້ຳທາ 6 ຄົນ
– ແຂວງວຽງຈັນ 10 ຄົນ (ໃໝ່ 2) (ຄົນເຈັບຂອງແຂວງວຽງຈັນ1 ຄົນມາປີ່ນປົວໃນ ນະຄອນຫຼວງວຽງຈັນ
– ຜົ້ງສາລີ 3 ຄົນ
– ແຂວງຫຼວງພະບາງ 14 ຄົນ
– ແຂວງໄຊຍະບູລີ 3 ຄົນ (ໃໝ່ 2)
– ແຂວງບໍລິຄຳໄຊ 2 ຄົນ
– ແຂວງຄຳມ່ວນ 1 ຄົນ
– ແຂວງຊຽງຂວາງ 1 ຄົນ
ຄົນເຈັບທຸກຄົນ ແມ່ນມີສຸຂະພາບຮ່າງກາຍ ແລະ ສຸຂະພາບຈິດ ສົມບຸນ ປົກກະຕິ ແລະ ທຸກຄົນແຂງແຮງດີ
ສະພາບການເດີນທາງເຂົ້າ ສປປ ລາວ
ວັນທີ 29 ເມສາ ທົ່ວປະເທດມີຜູ້ເດີນທາງເຂົ້າມາ ທັງໝົດ 2,620 ຄົນ:
– ຈຸດຜ່ານດ່ານ ລາວ – ໄທ ທັງໝົດ 1,468 ຄົນ;
– ຈຸດຜ່ານດ່ານ ລາວ – ຈີນ ທັງໝົດ 19 ຄົນ;
– ຈຸດຜ່ານດ່ານ ລາວ – ຫວຽດນາມ ທັງໝົດ 983 ຄົນ;
– ຜ່ານດ່ານສະໜາມບີນວັດໄຕສາກົນ 150 ຄົນ (ຄົນລາວ 39 ຄົນ ແລະ ຕ່າງປະເທດ 111 ຄົນ)
• ທຸກຄົນທີ່ເຂົ້າມາທາງຈຸດຜ່ານແດນ ໃນມື້ວານນີ້ ແມ່ນ
o ໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້
o ໄດ້ເກັບຕົວຢ່າງທຸກໆຄົນມາກວດຫາເຊື້ອ COVID-19;
o ນຳສົ່ງໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້
2. ສະພາບຂອງສູນຈຳກັດບໍລິເວນ
ປະຈຸບັນ ທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 57 ສູນ, ມີຜູ້ຈຳກັດບໍລິເວນທັງໝົດ 3,756 ຄົນ, ທຸກຄົນແມ່ນໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19.
 ສຳລັບລາຍລະອຽດ ຂອງຜູ້ຕິດເຊື້ອໃໝ່ 85 ຄົນ (ກໍລະນີຢັ້ງຢືນທີ 673-757)
• ສຳລັບຜູ້ຕິດເຊື້ອໃໝ່ຢູ່ແຂວງຈຳປາສັກ, ສະຫວັນນະເຂດ, ບໍ່ແກ້ວ, ອຸດົມໄຊ, ໄຊຍະບູລີ ແລະ ແຂວງວຽງຈັນ ແມ່ນລ້ວນແລ້ວແຕ່ມີປະຫວັດສຳຜັດກັບກໍລະນີຕິດເຊື້ອຜ່ານມາຄືກັນ
• ສ່ວນ 69 ຄົນທີ່ຕິດເຊື້ອໃໝ່ຢູ່ນະຄອນຫຼວງວຽງຈັນ ກໍ່ລ້ວນແລ້ວແຕ່ເປັນຜູ້ທີ່ສຳຜັດໃກ້ຊິດກັບຜູ້ຕິດເຊື້ອທີ່ກ່ຽວພັນກັບກໍລະນີທີ່ 59 ເຊັ່ນກັນ
– ສຳລັບສະຖານທີ່ທີ່ບັນດາຜູ້ຕິດເຊື້ອໄດ້ເດີນທາງໄປລ້ວນແລ້ວແຕ່ແມ່ນບ່ອນດຽວກັບຜູ້ຕິດເຊື້ອເກົ່າ ແລະ ອີກບ່ອນໃໝ່ທີ່ຢາກແຈ້ງໃຫ້ບັນດາທ່ານຊາບແມ່ນສຳລັບຜູ້ທີ່ເດີນທາງໄປຍັງສະຖານທີ່ເຫຼົ່ານີ້ເຊັ່ນ:
– ວັນທີ່ 14 ເມສາ 2021 ຮ້ານຄາລາໂອເກະວີກຕໍ, ສາມແຍກນາໄຊ
– ວັນທີ່ 16 ເມສາ 2021 : ສົງນ້ຳພະວັດໄຕໃຫ່ຍ, ວັດໄຕນ້ອຍ, ວັດໂຊກໄຊ, ວັດປ່າໜອງບົວທອງ
– ຮ້ານຂາຍຂອງກີນສຸກຕະຫຼາດໂພນຕ້ອງ, ເມືອງຈັນທະບູລີ, ນະຄອນຫຼວງວຽງຈັນ
– ວັນທີ່ 19 ເມສາ 2021 ບໍ່ແຮ່ຄຳບໍລີສັດດາລີ ສສ ຫວຽດນາມບ້ານ ຫ້ວຍຄຳ, ເມືອງສັງທອງ
– ວັນທີ 17 -18 ເມສາ 2021: ໂຮງໝໍມະໂຫສົດ
– ວັນທີ່ 19 ເມສາ 2021 ໂຮງໝໍ 103 ບ່ອນສ່ອງລັງສີ
– ໂຮງພີມເທບປັນຍາການພີມ, ບ້ານ ຈອມມະນີໃຕ້, ເມືອງ ໄຊເສດຖາ, ນະຄອນຫຼວງວຽງຈັນ
– ແມ່ນໃຫ້ບຸກຄົນດັ່ງກ່າວຈົ່ງຮີບຮ້ອນໄປເກັບຕົວຢ່າງຊອກຫາເຊື້ອຕາມສະຖານທີ່ກຳນົດໄວ້
 ນອກຈາກນີ້ ຂໍຮຽກຮ້ອງມາຍັງບັນດາທ່ານທີ່ມີລາຍຊື່ຂ້າງລຸ່ມທີ່ໄດ້ໄປເກັບຕົວຢ່າງກວດວິເຄາະຫາເຊື້ອພະຍາດ COVID-19 ໃນນະຄອນຫຼວງວຽງຈັນທີ່ໃຫ້ຂໍ້ມູນບໍ່ລະອຽດແມ່ນໃຫ້ຮີບຮ້ອນໂທປະສານຫາ ທ່ານ ດຣ. ນາງ ວຽງສາຄອນ ຫຼວງປະດິດ ເບີໂທ 020 94095533 ແລະ ເບີ 020 55663579 ລາຍຊື່ລະອຽດຄື:
1. ທ້າວໂລ້ ຈັນທະພູມ ອາຍຸ 27 ປີ
2. ທ້າວ ມີນຕາ ອາຍຸ 23 ປີ
3. ນາງນົກແກ້ວ ອາຍຸ 18 ປີ
4. ທ້າວ ວຽງໄຊ ຢູ່ບ້ານຍອດອູ ເມືອງຍອດອູ ແຂວງ ຜົ້ງສາລີ
ໃຫ້ບຸກຄົນດັ່ງກ່າວຈົ່ງຮີບຮ້ອນໂຕໂທກັບເບີດັ່ງກ່າວ ຫຼື ແຈ້ງຕໍ່ອຳນາດການປົກຄອງບ້ານຂອງທ່ານເພື່ອຕິດຕໍ່ຫາພະນັກງານແພດໝໍດ່ວນ, ຖ້າຫາກທ່ານໃດຮັບຮູ້ແລ້ວບໍ່ຮີບຮ້ອນມາສະເໜີໂຕ ຫຼື ຈົງໃຈລົບຫຼີກແມ່ນຈະຖືກປະຕິບັດລະບຽບວິໄນຕາມກົດໝາຍບ້ານເມືອງ.
ຂໍ້ແນະນຳ
ບັນດາທ່ານທີ່ນັບຖື ແລະ ຮັກແພງທັງຫຼາຍ,
• ໃນສະພາບປະຈຸບັນເຫັນວ່າ ສປປ ລາວເຮົາ ຍັງມີທ່າອ່ຽງຈະມີການຕິດເຊື້ອໃໝ່ເພີ້ມຂຶ້ນ ຢ່າງຕໍ່ເນື່ອງໃນແຕ່ລະມື ທັງຢູ່ນະຄອນຫຼວງ ແລະ ບັນດາແຂວງ ໃນທົ່ວປະເທດ ນັບແຕ່ຕົ້ນເດືອນເມສາ 2021 ມາຮອດມື້ນີ້ ເຫັນວ່າມີຜູ້ຕິດເຊື້ອໃໝ່ເຖີງ 709 ຄົນ ເຊີ່ີງຖືວ່າເປັນໂຕເລກຕິດເຊື້ອສູງໃນປະເທດເຮົາ ຖ້າທຽບໃສ່ປີ 2020 ; ແລະ ບາງປະເທດໃກ້ຄຽງທີ່ມີຊາຍແດນຕິດກັບປະເທດເຮົາກໍ່ຍັງມີສະພາບການລະບາດໃນຊູມຊົນ ແລະ ມີລາຍງານຜູ້ຕິດເຊື້ອໃໝ່ເພີ່ມຂື້ນແຕ່ລະວັນ ສົມທົບກັບ ແຕ່ລັະວັນຍັງມີ ຜູ້ເດີນທາງເຂົ້າມາສປປລາວຈາກປະເທດທີ່ມີການລະບາດຂອງພະຍາດ ເຮັດໃຫ້ ສປປລາວ ມີທ່າອ່ຽງຈະມີການຕິດເຊື້ອໃໝ່ເພີ້ມຂຶ້ນ ຢ່າງຕໍ່ເນື່ອງໃນແຕ່ລະມື
• ຕໍ່ກັບສະພາບດັ່ງກ່າວ ຂ້າພະເຈົ້າຈຶ່ງຂໍຮຽກຮ້ອງມາຍັງ ອຳນາດການປົກຄອງທຸກຂັ້ນໃຫ້ຕິດຕາມເອົາໃຈໃສ່ ກວດກາການຈັດຕັ້ງປະຕິບັດຂອງແຈ້ງການດັ່ງກ່າວໂດຍສະເພາະການເຄື່ອນ ໄຫວໄປມາຂອງປະຊາຊົນທີ່ຫ້າມອອກຈາກເຮືອນ ແລະ ຫ້າມການເດີນທາງຖ້າບໍ່ມີຄວາມຈຳເປັນ, ໃຫ້ຕິດຕາມກວດກາຜູ້ທີ່ກັບມາຈາກປະເທດທີ່ມີການລະບາດຂອງພະຍາດ COVID-19, ຖ້າມີການພົບເຫັນການເຂົ້າມາ ແບບຜິດກົດໝາຍ ກໍໃຫ້ຮີບຮ້ອນແຈ້ງຄະນະສະເພາະກິດຂັ້ນຂອງຕົນທັນທີ ເພື່ອນຳເອົາຜູ້ກ່ຽວໄປກວດຫາເຊື້ອພະຍາດ ແລະ ຈຳກັດບໍລິເວນ ຕາມລະບຽບການ,
• ບັນຫາສຳຄັນອີກອັນໜື່ງໃນປະຈຸບັນ ກໍ່ຄືຜູ້ທີ່ໄດ້ສຳຜັດກັບກໍລະນີຕິດເຊື້ອ ແມ່ນຕ້ອງໄດ້ໄປກວດຫາເຊື້ອພະຍາດ COVID-19 ຕາມຈຸດບໍລິການກວດທີ່ ທາງຄະນະສະ ເພາະກິດກຳນົດໄວ້ ໂດຍໃຫ້ໃສ່ຜ້າປິດປາກ-ດັງ, ຮັກສາໄລຍະຫ່າງກັບຄົນອື່ນ ແລະ ພາຍຫຼັງເກັບຕົວຢ່າງແລ້ວ ແມ່ນໃຫ້ກັບທີ່ພັກຂອງຕົນເອງທັນທີ ພ້ອມທັງ ແຍກໂຕເອງອອກຈາກຄົນໃກ້ຊິດ ແລະ ຄົນ ໃນຄອບຄົວ ແລະ ຈຳກັດບໍລິເວນ ຢູ່ສະຖານທີ່ພັກເຊົາຂອງຕົນເອງເທົ່ານັ້ນ ( ເຮືອນ, ໂຮງແຮມ, ຫໍພັກ, ສະຖານທີ່ທີ່ຈັດກຽມໄວ້ ) ເປັນເວລາ 14 ວັນ ໂດຍໃຫ້ຕິດຕາມວັດແທກອຸນຫະພູມຮ່າງກາຍທຸກມື້ ແລະ ໂດຍປະຕິບັດຮັກສາໄລຍະຫ່າງກັບບຸກຄົນອື່ນຕາມມາດຕະການທີ່ຄະນະສະເພາະກິດ ວາງອອກ
• ອີກປະການໜື່ງເຫັນວ່າການເຄື່ອນໄຫວຂອງຫຼາຍກໍລະນີ ແມ່ນໄດ້ໄປຄລີກນິກກວດພະຍາດເອກະຊົນ ໄປຊື້້ຢາຢູ້ຮ້ານຂາຍຢາ ນອກນີ້ຍັງໄປຕະຫຼາດ ຈຶ່ງຢາກເນັ້ນໜັກໃຫ້ບັນດາທ່ານມີສະຕິ ປະຕິບັດມາດຕະການປ້ອງກັນຢ່າງເຄັ່ງຄັດ
• ໃນການກວດກາຂໍ້ມູນຕົວຈິງເຫັນວ່າບາງທ່ານມາກວດຫຼາຍກວ່າ 1 ຮອບ, ພວກເຮົາເຂົ້າໃນຄວາມກັງວົນຂອງບັນດາທ່ານ ເມື່ອຕ້ອງລໍຖ້າຜົນກວດ ສະນັ້ນມື້ນີ້ຂ້າພະເຈົ້າຈິ່ງຢາກຂໍຄວາມຮ່ວມມືນຳບັນດາທ່ານວ່າ ພາຍຫຼັງເກັບຕົວຢ່າງຮອບທຳອິດແລ້ວ ຂໍໃຫ້ທ່ານສືບຕໍ່ຈຳກັດບໍລິເວນຕົນເອງໃຫ້ຄົບ 14 ວັນ ນັບຈາກມື້ທີ່ມາກວດ ເງື່ອນໄຂດຽວທ່ານທີ່ຄວນມາເກັບຕົວຢ່າງເທື່ອທີ 2 ແມ່ນເມື່ອທ່ານມີອາການໃດໜຶ່ງໃນໄລຍະຈຳກັດບໍລິເວນເທົ່ານັ້ນ.
o ຫາກໃນໄລຍະຈຳກັດບໍລິເວນ ທ່ານຫາກມີອາການໃດໜຶ່ງເຊັ່ນ: ໄຂ້, ໄອ, ບໍ່ສູນເສຍການຮັບກິ່ນ ຫຼື ລີ້ນບໍ່ໄດ້ຮັບລົດຊາດ ໃຫ້ທ່ານກັບມາກວດຄືນ ພ້ອມທັງບອກຂໍ້ມູນກ່ຽວກັບວັນທີທີ່ກວດເທື່ອທຳອິດ.
o ຫາກບັນດາທ່ານມາກວດເທື່ອສອງ ໂດຍທີ່ບໍ່ເຂົ້າກັບເງື່ອນໄຂໃນຂ້າງຕົ້ນ ກໍ່ຈາກເປັນການເພີ່ມພາລະ ແລະ ເປັນການຊິ້ນເປືອງຊັບພະຍາກອນ ບໍ່ວ່າຈະເປັນງົບປະມານ ກໍ່ຄືບຸກຄະລາກອນດ້ານສາທາລະສຸກ, ທີ່ສຳຄັນທີ່ສຸດ ແມ່ນທ່ານກຳລັງເຮັດໃຫ້ການອອກຜົນຂອງຕົວຢ່າງອື່ນໆ ຊ້າລົງອີກ.
• ດັ່ງທີ່ໄດ້ແຈ້ງໃຫ້ບັນດາທ່ານຮັບຊາບ ວ່າທາງສູນວິເຄາະ ແລະ ລະບາດວິທະຍາຂອງພວກເຮົາ ແຈ້ງຜົນກວດໃຫ້ແກ່ຜູ້ທີ່ຕິດເຊື້ອເທົ່ານັ້ນ ຫາກກວດພົບເຊື້ອທາງທີມງານເຮົາຈະໂທແຈ້ງ ແລະ ເກັບກຳຂໍ້ມູນເພີ່ມເຕີມ ແລະ ແຈ້ງປະສານຫາທີມງານປິ່ນປົວ ເພື່ອຮັບທ່ານ ໄປປິ່ນປົວຢູ່ສູນທີ່ກຳນົດໄວ້ ແລະ ໃຜທີ່ເປັນຜູ້ສຳຜັດໃກ້ຊິດກັບຜູ້ຕິດເຊື້ອ ແມ່ນສາມາດມາກວດໄດ້ ຕາມເວລາ ແລະ ສະຖານທີ່ ທີ່ແຈ້ງໄວ້ນີ້.
• ສິ່ງສຳຄັນທີ່ສຸດ ແມ່ນ ທ່ານ ຕ້ອງໄດ້ ກຳຈັດບໍລິເວນຕົນເອງ ໃຫ້ຄົບ 14 ວັນ ຕາມການແນະນໍາຂອງຄະນະສະພາະກິດ.
• ຄຽງຄູ່ກັບການປະຕີບັດມາດຕະການຢ່າງເຂັ້ມງວດແລ້ວ ກໍຂໍໃຫ້ພໍ່ແມ່ປະຊາຊົນ ແລະ ທຸກ ພາກສ່ວນ ທີ່ນອນໃນກຸ່ມເປົ້າໝາຍຕ້ອງໄດ້ສັກວັກຊີນ COVID-19 ຈົ່ງພ້ອມໃຈກັນໄປຮັບການສັກຢາວັກຊີນຕາມສະຖານທີ່ບໍລິການທີ່ໄດ້ກຳນົດໄວ້ ເພື່ອປ້ອງກັນຕົວທ່ານເອງ, ຄອບຄົວຂອງທ່ານ ແລະ ປະຊາຊົນລາວເຮົາທຸກຄົນ ຈາກພະຍາດໂຄວິດ-1
• ນັບແຕ່ມື້້ນີ້ວັນສຸກ ທີ 30 ເມສາ ນອກຈາກໂຮງໝໍພິດຕະພາບ ແລະໂຮງໝໍເຊດຖາທິລາດ ແລ້ວ ພວກເຮົາຈະຫຼຸດຈໍານວນຈຸດບໍລິການເກັບຕົວຢ່າງກວດໂຄວິດ-19 ແມ່ນ 3 ແຫ່ງ ຄືເກົ່າ:
o ມສ ສີໂຄດ
o ມສ ລາວ-ຫວຽດ
o ເດີ່ນກິລາເຈົ້າອະນຸ
ສຳລັບເວລາເກັບຕົວຢ່າງ ແມ່ນຍັງຄືເກົ່າ ຕອນເຊົ້າ ເວລາ 9-12 ໂມງ ທຸກໆວັນ.
• ທ້າຍສຸດນີ້ ຂ້າພະເຈົ້າເຊື່ອໜັນວ່າບົນພື້ນຖານຄວາມສາມັກຄີ ເປັນຈິດນຶ່ງໃຈດຽວຂອງປະຊາຊົນລາວທັງໝົດ ພວກເຮົາຈະພ້ອມໃຈກັນຕໍ່ສູ້ຕ້ານກັບພະຍາດ COVID-19 ແລະ ສາມາດ ຜ່ານວິກິດການສະພາບລະບາດຂອງພະຍາດໃນຄັ້ງນີ້ພ້ອມກັນ
• ເພື່ອໃຫ້ທ່ານສາມາດຮັບຂໍ້ມູນຂ່າວສານທີ່ຖືກຕ້ອງ ແລະ ເປັນທາງການຂໍໃຫ້ທ່ານຕິດ
ຕາມຂໍ້ມູນຂ່າວສານ ທີ່ເປັນທາງການໄດ້:
o ຈາກເວັບໄຊ້ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ພະຍາດໂຄວິດ-19 covid19.gov.la
o ເຟດບຸກຂອງສູນຂ່າວສານການແພດ ແລະ ສຸຂະສຶກສາ, ກະຊວງສາທາລະ
ນະສຸກ
o ເວັບໄຊ້ຂອງກົມຄວບຄຸມພະຍາດຕິດຕໍ່, ກະຊວງສາທາລະນະສຸກcdc.gov.la
o ແລະ ສາມາດໂທສອບຖາມ ສາຍດ່ວນ 166 ຫຼື 165 ສຳລັບສູນກາງ ແລະ ສາຍດ່ວນແຂວງ (ລະຫັດແຂວງ ຕາມດ້ວຍ 166 ຫຼື 165).
• ກ່ອນຂະຈົບການລາຍງານຂ່າວໃນມື້ນີ້ ຂ້າພະເຈົ້າຕາງໜ້າໃຫ້ທີມແພດໝໍ ຂໍສະແດງຄວາມຂອບໃຈ ແລະຮູ້ບຸນຄຸນມາຍັງພໍ່ແມ່ປະຊາຊົນ ແລະ ທຸກພາກສ່ວນ ໃນສັງຄົມທີ່ໄດ້ໃຫ້ສະໜັບສະໜູນ ເຄື່ອງບໍລິໂພກ ອຸບປະໂພກ ແລະອາຫານເຂົ້າກ່ອງ ໃຫ້ແກ່ທີມງານແພດໝໍທີ່ປະຕິບັດໜ້າທີ່ຢູ່ໃນແຕ່ລະຂັ້ນ
Loading...