ກອງປະຊຸມຄົບຄະນະກາງສະໄໝຄະນະບໍລິຫານງານ ສູນກາງສະຫະພັນກຳມະບານລາວສະໄໝທີ VIII ໄຂຂຶ້ນໃນຕອນເຊົ້າວັນທີ 20 ທັນວາ 2023 ທີ່ສູນຝຶກອົບ ຮົມສາກົນ ລາວ-ຍິ່ປຸ່ນ, ນະຄອນຫລວງວຽງຈັນ ພາຍໃຕ້ການເປັນປະທານຂອງ ທ່ານ ເລັດ ໄຊຍະພອນ, ກໍາມະການສູນກາງພັກ, ປະທານສູນກາງສະຫະ ພັນກຳມະ “ບານລາວ. ມີບັນດາຄະນະບໍລິຫານງານສູນກາງສະຫະ ພັນກຳມະບານລາວ ແລະ ແຂກຮັບເຊີນເຂົ້າຮ່ວມ.
ກອງປະຊຸມຄັ້ງນີ້ ຈະສະຫຼຸບ, ຕີລາຄາຜົນຂອງການຈັດຕັ້ງປະຕິ ບັດມະຕິກອງປະຊຸມໃຫຍ່ຜູ້ແທນກໍາມະບານລາວ ທົ່ວປະເທດ ຄັ້ງທີ VIII ກາງສະໄໝ, ແຜນພັດທະນາວຽກງານກໍາມະບານ ຄັ້ງ ທີ IV ໃນ 9 ແຜນງານ 51 ໂຄງການ ໃນໄລຍະກາງສະໄໝ 2021-2023 ແລະ ກໍານົດທິດທາງແຜນການ ທ້າຍສະໄໝ 2023-2025 ແລະ ບັນ ດາໜ້າວຽກທີ່ສໍາຄັນທີ່ຕ້ອງໄດ້ພ້ອມ ກັນຈັດຕັ້ງປະຕິບັດໃນປີຕໍ່ໜ້າ; ພ້ອມກັນນັ້ນ ກໍຈະໄດ້ຮັບຟັງການປະກອບຄໍາເຫັນຈາກພາກສ່ວນຕ່າງໆ, ຜ່ານບົດສຳຫຼວດຂອງຄະ ນະບໍລິຫານງານສູນກາງສະຫະພັນກຳມະບານລາວສະໄໝທີ 8 ແລະ ບັນດາເນື້ອໃນເອກະ ສານທີ່ສໍາຄັນຈຳນວນໜຶ່ງຂອງສະຫະ ພັນກຳມະບານລາວ ລວມມີ:
– ຮ່າງບົດສະຫຼຸບການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ ແທນກຳມະບານລາວ ທົ່ວປະ ເທດ ຄັ້ງທີ VIII ກາງສະໄໝ 2021-2023 ແລະ ທິດທາງແຜນການ ທ້າຍສະໄໝ 2023-2025.
– ຮ່າງບົດສະຫຼຸບການຈັດຕັ້ງປະຕິບັດແຜນພັດທະນາວຽກງານກຳມະບານລາວ 5 ປີ ຄັ້ງທີ IV ໄລຍະ ກາງສະໄໝ 2021-2023 ແລະ ວຽກງານຈຸດສຸມ 2023-2025.
– ຮັບຟັງການປະກອບຄໍາເຫັນ ຈາກສະຫະພັນກຳມະບານ 08 ພາກສ່ວນ.
– ຈະໄດ້ພ້ອມກັນດໍາເນີນຊີວິດການເມືອງການນໍາພາ-ຊີ້ນໍາຂອງຄະນະບໍລິຫານງານ ສູນກາງສະຫະພັນກໍາມະບານລາວ ສະໄໝທີ 8 ກາງສະໄໝຜ່ານມາ.
ນອກຈາກນີ້ ກອງປະຊຸມຈະໄດ້ຮັບຟັງການໂອ້ລົມຈາກກໍາມະ ການກົມການເມືອງສູນກາງພັກເພື່ອ ເປັນການຊີ້ທິດເຍືອງທາງໃນການສືບຕໍ່ໃນການຈັດຕັ້ງປະຕິບັດໄລ ຍະທ້າຍສະໄໝ 2023-2025.
ທ່ານ ເລັດ ໄຊຍະພອນ, ກໍາມະການສູນກາງພັກ, ປະທານສູນ ກາງສະຫະພັນກຳມະ ບານລາວ ກ່າວໄຂກອງປະຊຸມວ່າ: ກອງປະ ຊຸມຄັ້ງນີ້ ມີຄວາມໝາຍຄວາມສໍາຄັນ ແລະ ສະແດງໃຫ້ເຫັນເຖິງຄວາມເອົາໃຈໃສ່ຕໍ່ວຽກງານຂອງອົງການຈັດຕັ້ງກຳມະບານ ໃນຖານະທີ່ເປັນອົງການຕົວແທນແຫ່ງການປົກປ້ອງ, ສິດ ແລະ ຜົນ ປະໂຫຍດອັນຊອບທຳຂອງສະມາຊິກກໍາມະບານ, ກຳມະກອນ ແລະ ຜູ້ອອກແຮງງານ, ພ້ອມນີ້ ທ່ານໄດ້ຮຽກຮ້ອງມາຍັງບັນດາສະຫາຍຄະນະບໍລິຫານງານສູນກາງສະຫະພັນກໍາມະບານລາວ, ແຂກຮັບເຊີນ ແລະ ຜູ້ແທນກອງປະຊຸມ ຈົ່ງເຊີດຊູຄວາມຮັບ ຜິດຊອບສູງ ແລະ ພ້ອມກັນສຸມທຸກສະຕິປັນຍາໃນການຄົ້ນຄວ້າປະກອບຄໍາຄິດຄໍາເຫັນໃສ່ບັນດາເນື້ອໃນເອກະສານສໍາຄັນເພື່ອເຮັດໃຫ້ເນື້ອໃນກອງປະຊຸມບັນລຸຕາມຄາດໝາຍທີ່ວາງໄວ້ ເພື່ອແນໃສ່ເຮັດໃຫ້ການປະຕິບັດວຽກງານຂອງອົງການສະຫະກໍາມະບານລາວນັບມື້ດີຂຶ້ນກວ່າເກົ່າ.
ສໍາລັບກອງປະຊຸມຄົບຄະນະກາງສະໄໝຄະນະບໍລິຫານງານ ສູນກາງສະຫະພັນກຳ ມະບານລາວສະໄໝທີ VIII ຈະດໍາເນີນໄປຮອດມື້ອື່ນຈິ່ງຈະສໍາເລັດ.
ຂ່າວ: BT
ພາບ: ບຸນຕອມ
