ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 2 ສະໄໝທີ XI ໄດ້ໄຂ້ຂື້ນຢູ່ທີ່ຫ້ອວປະຊຸມ ສູນກາງແນວລາວສ້າງຊາດ, ນະຄອນຫຼວງວຽງຈັນ ໃນລະຫວ່າງວັນທີ 11-13 ມັງກອນ 2023, ພາຍໃຕ້ການເປັນປະທານຂອງ ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ,
ເຂົ້າຮ່ວມມີບັນດາ ຄະນະສູນກາງແນວລາວສ້າງຊາດ, ພະເຖລະນຸເຖລະ, ປະທານແນວລາວສ້າງຊາດປະຈຳກະຊວງ, ປະທານແນວລາວສ້າງຊາດບັນດາແຂວງທົ່ວປະເທດ, ຕາງໜ້າສູນກາງແນວລາວສ້າງຊາດຢູ່ຕ່າງປະເທດ ແລະ ແຂກຖືກເຊີນ.
ກອງປະຊຸມຄັ້ງນີ້ບັນດາຜູ້ແທນກອງປະຊຸມຈະໄດ້ຮັບຟັງບົດການລາຍງານ ແລະ ທິດທາງພັດທະນາໃນຕໍ່ໜ້າ ແລະ ພ້ອມກັນປະກອບຄຳຄິດຄຳເຫັນ ໂດຍສະເພາະ ກ່ຽວກັບການຕີລາຄາການຈັດຕັ້ງປະຕິບັດ ກອງປະຊຸມຄັ້ງທີ XI ໃນໄລຍະ 1 ປີຜ່ານມາ ແລະ ກຳນົດທິດທາງແຜນວຽກຈຸດສຸມໃນຕໍ່ໜ້າ, ການຈັດຕັ້ງປະຕິບັດແຜນພັດທະນາອົງການແນວລາວສ້າງຊາດ, ຮ່າງມະຕິກ່ຽວກກັບວຽກງານການສ້າງລາຍຮັບເພີ່ມຂອງແນວລາວສ້າງຊາດໃນໄລຍະໃໝ່,
ກ່ຽວກັບຮ່າງບົດລາຍງານສາສະໜາທີ່ຈະລາຍງານຕໍ່ຄະນະເລຂາທິການສູນກາງພັກ, ການຄົ້ນຄວ້າສ້າງຕັ້ງສະມາຄົມຊາວກະສິກອນ, ບົດຮຽນຄະນະທີ່ປຶກສາ ເສດຖະກິດ – ກອງທຶນກ່ຽວກັບການສ້າງຕັ້ງກອງທຶນສາມັກຄີ ແລະ ພັດທະນາອົງການແນວລາວສ້າງຊາດ, ການກະກຽມກອງປະຊຸມພົບປະພີ່ນ້ອງເຊື້ອຊາດລາວຢູ່ຕ່າງປະເທດ ຄັ້ງທີ I
ແລະ ພ້ອມດຽວກັນນັ້ນ ຈະໄດ້ຜ່ານລາຍຊື່ ແລະ ຮັບຮອງເອົາການຄັດເລືອກແຕ່ງຕັ້ງກຳມະການສູນກາງແນວລາຍສ້າງຊາດ ປ່ຽນແທນ.
ພາບແລະຂ່າວ : ພ.ບົວທອງ
