ກອງປະຊຸມໃຫຍ່ຄັ້ງທີ II ຂອງອົງຄະນະພັກກະຊວງພາຍໃນ ຈັດຂຶ້ນໃນວັນທີ 22 ທັນວາ 2020 ທີ່ຫ້ອງປະຊຸມກະຊວງພາຍໃນ, ນະ ຄອນຫລວງວຽງ ຈັນ ພາຍໃຕ້ການເປັນປະທານຂອງ ສະຫາຍ ທອງຈັນ ມະນີໄຊ, ເລຂາຄະ ນະພັກ, ລັດຖະມົນຕີກະຊວງພາຍໃນ ໂດຍການເຂົ້າຮ່ວມຂອງ ສະຫາຍ ວິໄລ ຫລ້າຄໍາຟອງ, ຄະນະເລຂາທິການສູນ ກາງພັກ, ລັດຖະມົນຕີກະຊວງ ປ້ອງກັນຄວາມ ສະ ຫງົບ, ພ້ອມດ້ວຍສະມາຊິກ ພັກສົມບູນ 180 ສະຫາຍ, ຍິງ 55 ສະຫາຍ ທີ່ຕາງໜ້າທີ່ຕາງໜ້າໃຫ້ແກ່ສະມາຊິກພັກພາຍ ໃນກະ ຊວງພາຍ ໃນ ທັງໝົດ 270 ສະຫາຍ ຈາກ 14 ໜ່ວຍພັກ ແລະ ແຂກຮັບເຊີນ ເຂົ້າຮ່ວມ.
ກອງປະຊຸມ ໄດ້ພິຈາລະນາຮັບຮອງເອົາບົດລາຍງານການເມືອງ, ບົດສໍາຫລວດການນໍາພາລວມຂອງຄະນະບໍ ລິຫານງານພັກ ກະ ຊວງ ພາຍໃນ ສະ ໄໝທີ I, ປ່ອນບັດເລືອກຕັ້ງເອົາຄະນະພັກກະຊວງ ພາຍໃນ ສະໄໝທີ II ເພື່ອເປັນຫລັກແຫລ່ງແກ່ນ ສານໃນ ການສືບຕໍ່ຊີ້ນໍາ-ນໍາພາວຽກ ງານຂອງກະຊວງພາຍໃນ ໃນຊຸມປີຕໍ່ໜ້າ. ພ້ອມນີ້ ກອງປະ ຊຸມຍັງ ໄດ້ປ່ອນບັດເລືອກຕັັ້ງ ຜູ້ແທນ ສົມບູນ ແລະ ສຳຮອງ ເພື່ອເຂົ້າຮ່ວມກອງປະຊຸມໃຫຍ່ ຄັັ້ງທີ XI ຂອງພັກທີ່ຈະໄຂຂຶ້ນໃນຕໍ່ໜ້າ. ນອກຈາກນີ້ ກອງປະຊຸມ ໄດ້ ຮັບ ຟັງການໂອ້ ລົມຈາກ ສະຫາຍ ວິໄລ ຫລ້າຄໍາຟອງ ຄະນະເລຂາທິການສູນກາງພັກທີ່ຕາງໜ້າໃຫ້ສູນກງພັກ ເພື່ອຊີ້ທິດ ເຍື່ອງທາງໃຫ້ ແກ່ການເຄື່ອນໄຫວຂອງອົງຄະນະພັກກະຊວງພາຍໃນ ໃຫ້ນັບມື້ດີຂຶ້ນກວ່າເກົ່າ.
ສະຫາຍ ທອງຈັນ ມະນີໄຊ ໄດ້ຂຶ້ນສະເໜີລາຍງານການເມືອງຕໍ່ກອງປະ ຊຸມ ທີ່ໄດ້ຕີລາຄາການນໍາພາຈັດຕັ້ງປະຕິ ບັດມະຕິ ກອງ ປະຊຸມໃຫຍ່ຄັ້ງທີ I ຂອງອົງຄະນະພັກກະ ຊວງພາຍໃນ ໄລຍະ 5 ປີ (2016-2020) ຊຶ່ງໄດ້ຮັບການຈັດຕັ້ງປະຕິບັດໃນແຕ່ລະດ້ານ ເປັນຕົ້ນ: ດ້ານການກໍ່ສ້າງ ແລະ ປັບປຸງພັກ: ຄະນະພັກກະຊວງໄດ້ນໍາພາຊີ້ນໍາບັນດາໜ່ວຍພັກຮາກຖານກໍານົດແຜນການ ແລະ ກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ພ້ອມທັງຊຸກຍູ້ຕິດຕາມການ ຈັດຕັ້ງປະຕິບັດແຜນການດັ່ງກ່າວ ແລະ ໄດ້ຮັບ ການປະເມີນຜົນໃນແຕ່ລະປີ, ຊຶ່ງມີຫຼາຍໜ່ວຍພັກ ໄດ້ຮັບການຢັ້ງຢືນເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ປະ ເມີນ ແລ້ວໄດ້ຫຼາຍກວ່າ 90% ຂອງຈໍານວນໜ່ວຍພັກທັງ ໝົດ. ໄດ້ເອົາໃຈໃສ່ຕໍ່ການກໍ່ສ້າງ ແລະ ຂະຫຍາຍພັກໂດຍ ຜ່ານຂະບວນ ການ ກໍ່ສ້າງມະຫາຊົນທີ່ມີຄວາມກ້າວໜ້າ, ມີຄວາມຈົງຮັກພັກດີ, ມີຄວາມຮູ້-ຄວາມສາມາດ ເຂົ້າໃນຖັນແຖວຂອງພັກ ເພື່ອເພີ່ມກໍາລັງ ແຮງໃຫ້ແກ່ການຈັດຕັ້ງພັກ ແລະ ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງ ການຂອງໜ້າທີ່ການເມືອງໃນໄລຍະໃໝ່.
ວຽກງານປັບປຸງກົງຈັກການຈັດຕັ້ງລັດ: ກົງຈັກການຈັດ ຕັ້ງລັດຢູ່ແຕ່ລະຂັ້ນໄດ້ຮັບການປັບປຸງຕາມທິດກະທັດຮັດ ໜັກແໜ້ນ ເຂັ້ມແຂງ ມີປະສິດ ທິຜົນ ໂປ່ງໃສ ຮັບໃຊ້ປະຊາ ຊົນຢ່າງແທ້ຈິງ ທັງແທດເໝາະ ແລະ ສອດຄ່ອງກັບເງື່ອນ ໄຂໃນປະຈຸບັນ, ໃນນັ້ນໄດ້ ປັບປຸງພາລະບົດບາດ-ໜ້າທີ່ຂອງບັນດາກະຊວງ-ອົງການຄືນໃໝ່ ຕາມຄໍາສັ່ງແນະນໍາເລກທີ 03/ນຍ ວ່າດ້ວຍການປັບປຸງ ຄຸນນະ ພາບການເຄື່ອນໄຫວຂອງກົງຈັກການຈັດຕັ້ງ ແລະ ການບັນຈຸລັດ ຖະກອນໃໝ່ ເຮັດໃຫ້ຈໍານວນກົງຈັກບໍລິຫານລັດຂັ້ນກົມ ແລະ ຂັ້ນພະແນກຢູ່ຂັ້ນສູນກາງ, ຂັ້ນຂະແໜງ ແລະ ໜ່ວຍງານຢູ່ຂັ້ນທ້ອງ ຖິ່ນຫຼຸດລົງ ເຊັ່ນ: ກ່ອນການປັບປຸງ, ຂັ້ນກົມ ແລະ ທຽບເທົ່າ ມີທັງໝົດ 513 ຫົວໜ່ວຍ, ຂັ້ນພະແນກ ມີ 3.437 ຫົວໜ່ວຍ; ພາຍຫຼັງປັບປຸງ: ຂັ້ນກົມ ແລະ ທຽບເທົ່າມີ 496 ຫົວໜ່ວຍ, ພະແນກ 2.358 ຫົວໜ່ວຍ. ໄດ້ຄົ້ນຄວ້າປັບປຸງກົງຈັກ ແລະ ບຸກຄະລາກອນຂອງບັນດາດ່ານຊາຍແດນ ແລະ ສະ ໜາມບິນສາກົນ ສໍາເລັດ 26 ດ່ານໃນຈໍານວນທັງໝົດ 27 ດ່ານທົ່ວປະເທດ. ຕໍາແໜ່ງງານຂອງບັນດາກະຊວງ-ອົງການ ແລະ ທ້ອງຖິ່ນ ຖືກຮັບ ຮອງ ເປັນ ຈໍານວນ 314 ກົມຖອງ (ພາກສ່ວນ) ໃນນັ້ນຂັ້ນສູນກາງມີ 65 ກົມກອງ, ຂັ້ນແຂວງ ມີ 57 ກົມກອງ ແລະ ຂັ້ນເມືອງມີ 151 ກົມກອງ.
ວຽກງານນິຕິກໍາ ແລະ ລະບຽບບໍລິຫານລັດ: 5 ປີທີ່ຜ່ານມາ, ກະຊວງພາຍໃນ ຮ່ວມກັບບັນດາຂະແໜງການ ແລະ ອົງການທີ່ກ່ຽວ ຂ້ອງ ຄົ້ນຄວ້າສ້າງ ແລະ ປັບປຸງນິຕິກໍາ ແລະ ລະບຽບບໍລິຫານຕ່າງໆ, ຊຶ່ງມີນິຕິກໍາຈໍານວນ 48 ສະບັບ ໃນຈໍານວນ 80 ໄດ້ຮັບ ການ ສ້າງ ແລະ ປັບປຸງ, ປະ ເມີນຜົນໄດ້ຮັບແລ້ວ ເທົ່າກັບ 65% ຂອງແຜນການ ເຊີ່ງມີນິຕິກໍາທີ່ສໍາຄັນ ເຊັ່ນ: ກົດ ໝາຍວ່າດ້ວຍ ການ ປົກຄອງທ້ອງຖິ່ນ, ກົດໝາຍວ່າດ້ວຍພະນັກງານ-ລັດ ຖະກອນ, ກົດໝາຍວ່າດ້ວຍທະບຽນຄອບຄົວ (ສະບັບປັບປຸງ), ກົດ ໝາຍ ວ່າດ້ວຍເອກະສານ ແລະ ອື່ນໆ. ບັນດາກົດໝາຍ ແລະ ນິຕິກໍາຕ່າງໆໄດ້ກາຍ ເປັນເຄື່ອງມືທີ່ສໍາ ຄັນໃນການຄຸ້ມ ຄອງລັດ-ຄຸ້ມ ຄອງ ສັງຄົມ.
ວຽກງານການປົກຄອງທ້ອງຖິ່ນ: ກົງຈັກການບໍລິຫານລັດຂັ້ນແຂວງ, ຂັ້ນເມືອງ ແລະ ຂັ້ນບ້ານ ໄດ້ຮັບການປັບປຸງພາລະບົດບາດ, ສິິດ-ໜ້າທີ່ ໃນການຄຸ້ມຄອງບໍລິຫານລັດຢູ່ທ້ອງຖິ່ນຕາມທິດສາມສ້າງຢ່າງເປັນລະບົບ ໂດຍສ້າງໃຫ້ແຂວງ ສາມາດປະຕິບັດພາ ລະ ບົດບາດເປັນຫົວໜ່ວຍຍຸດ ທະສາດໄດ້ເປັນຢ່າງດີ, ປັບປຸງຂັ້ນເມືອງໃຫ້ສອດຄ່ອງກັບ ເງື່ອນໄຂຂອງ ແຕ່ລະເມືອງ ເພື່ອສ້າງ ຄວາມ ເຂັ້ມແຂງຮອບດ້ານ, ອົງການປົກຄອງບ້ານໄດ້ຮັບການປັບປຸງຕາມ 05 ໜ່ວຍງານ ໃຫ້ມີຄວາມໜັກແໜ້ນກາຍເປັນຈຸດ ສຸມຂອງ ການພັດທະນາ. ການສ້າງຕັ້ງ 03 ນະຄອນ (ຫຼວງພະບາງ, ໄກສອນ ພົມ ວິຫານ ແລະ ປາກເຊ) ແມ່ນຜົນສໍາເລັດຕົວຈິງ ໃນການ ຜັນຂະຫຍາຍກົດ ໝາຍວ່າດ້ວຍການປົກຄອງທ້ອງຖິ່ນ. ເຂດແດນເຊື່ອມຕໍ່ລະຫວ່າງນະ ຄອນຫຼວງກັບແຂວງ ແລະ ແຂວງກັບ ແຂວງ ກໍໄດ້ຮັບການປັບປຸງແກ້ໄຂເທື່ອລະກ້າວ, ຊຶ່ງມາຮອດປະຈຸບັນ ສາມາດແກ້ໄຂໄດ້ ຈໍານວນ 07 ເສັ້ນ (ໃນນີ້ແຂວງ ແກ້ໄຂ ກັນເອງມີ 01 ເສັ້ນ, ຮ່ວມກັນແກ້ໄຂສາມຝ່າຍ ມີ 06 ເສັ້ນ).
ວຽກງານສາມສ້າງ: ກະຊວງພາຍໃນ ໄດ້ປະຕິບັດໜ້າທີ່ປະສານງານກັບບັນດາຂະແໜງການເພື່ອຊຸກຍູ້, ຕິດຕາມ ແລະ ແນະ ນໍາບັນດາກະຊວງ-ອົງ ການ ແລະ ທ້ອງຖິ່ນປັບ ປຸງພາລະບົດບາດ ສິດ-ໜ້າທີ່ຂອງບັນດາພະແນກສາຍຕັ້ງຂອງກະຊວງຢູ່ທ້ອງຖິ່ນ ແລະ ພາລະບົດບາດຂອງອົງການປົກຄອງທ້ອງຖິ່ນແຕ່ລະຂັ້ນຕາມທິດສາມສ້າງໃຫ້ເໝາະ ສົມ, ຊຶ່ງໄດ້ຄົ້ນຄວ້າ ສະເໜີ ລັດຖະ ບານອອກຄໍາສັ່ງເລກທີ 34/ນຍ ວ່າດ້ວຍທິດທາງ, ເປົ້າໝາຍ ແລະ ມາດຕະການກ່ຽວກັບວຽກງານສາມສ້າງ. ສະເພາະກະຊວງພາຍໃນ ກໍໄດ້ອອກຂໍ້ຕົກລົງເລກທີ 572/ພນ ກ່ຽວກັບມາດຕະຖານສ້າງແຂວງເປັນຫົວ ໜ່ວຍຍຸດທະສາດ, ເມືອງ ເປັນຫົວ ໜ່ວຍເຂັ້ມແຂງຮອບດ້ານຂອງຂະ ແໜງພາຍໃນ.
ວຽກງານຄຸ້ມຄອງລັດຖະກອນ: ໄດ້ຫັນເຂົ້າສູ່ການຄຸ້ມ ຄອງດ້ວຍລະບຽບກົດໝາຍ ແລະ ເປັນທັນສະໄໝເທື່ອລະກ້າວ ໂດຍໄດ້ສ້າງ, ປັບປຸງນິຕິກຳ ແລະ ລະບຽບການຄຸ້ມ ຄອງລັດຖະກອນ ເພື່ອເປັນບ່ອນອີງໃຫ້ແກ່ບັນດາກະຊວງ, ອົງ ການຂັ້ນສູນກາງ ແລະ ອົງ ການປົກຄອງທ້ອງຖິ່ນ ປະຕິ ບັດຢ່າງເປັນເອກະພາບໃນຂອບເຂດທົ່ວປະເທດ ເປັນຕົ້ນ: ໄດ້ປະກາດໃຊ້ກົດ ໝາຍວ່າດ້ວຍພະນັກ ງານ-ລັດຖະກອນ ສະບັບເລກທີ 74/ສພຊ, ລົງວັນທີ 15 ທັນວາ 2015, ດຳລັດລູ່ມກົດໝາຍ 5 ສະບັບ ແລະ ນິຕິກຳຕ່າງໆ ກ່ຽວ ກັບວຽກງານຄຸ້ມຄອງລັດຖະກອນ ຫຼາຍກວ່າ 40 ສະບັບ.ໃນໄລຍະປີ 2015-2020 ລັດຖະບານໄດ້ອະນຸມັດຕົວເລກລັດຖະກອນໃໝ່ ຈຳນວນ 21.500 ຄົນ ເພື່ອທົດແທນຈຳ ນວນລັດຖະ ກອນທີ່ອອກທຸກຮູບການ ແລະ ຕຳແໜ່ງງານຫວ່າງທີ່ຈຳເປັນເທົ່ານັ້ນ, ປະຈຸບັນ ຈຳນວນພະນັກງານ-ລັດຖະ ກອນທົ່ວປະເທດມີທັງໝົດ 178.821 ຄົນ ຍິງ 83.852 ຄົນ, ຈໍານວນ ລັດຖະກອນທັງ ໝົດ ທຽບໃສ່ພົນ ລະເມືອງໃນປະຈຸບັນ ເທົ່າກັບ 2,47%.
ນອກຈາກນີ້ ສະຫາຍເລຂາຄະນະພັກ, ລັດຖະມົນຕີກະ ຊວງພາຍໃນ ຍັງໄດ້ຍົກຜົນສໍາເລັດໃນອີກຫລາຍດ້ານ, ລວມທັງຈຸດ ອ່ອນຂໍ້ ຄົງຄ້າງ, ສາຍເຫດທີ່ພາໃຫ້ມີດ້ານດີ-ດ້ານຂໍ້ຄົງຄ້າງ,ບົດຮຽນທີ່ຖອດຖອນໄດ້, ທິດທາງລວມ ແລະ ໜ້າທີ່ໃນການນໍ າພາຂອງອົງ ຄະ ນະພັກກະຊວງພາຍ ໃນ 5 ປີຕໍ່ໜ້າ (2021-2025) ລວມເຖີງການເພີ່ມທະວີວຽກງານກໍ່ສ້າງພັກ ຍົກສູງການນໍາພາຂອງ ອົງຄະນະ ພັກກະຊວງພາຍໃນ ຕື່ມອີກ.
ຂ່າວ: ບຸນຕຽງ ຈັນທະວົງ
ພາບ: ສຸກສະຫວັນ ຜາດີ
Loading...