ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໄຂກອງປະຊຸມໃຫຍ່ຜູ້ແທນອົງຄະນະພັກເມືອງຊຽງເງີນ ຄັ້ງທີ່ VI

ກອງປະຊຸມໃຫຍ່ຜູ້ແທນ ຄັ້ງທີ VI ຂອງອົງຄະນະພັກເມືອງຊຽງເງິນ ໄດ້ໄຂຂື້ນໃນວັນທີ່ 26 ພຶດສະພານ2020 ພາຍໃຕ້ຄໍາຂວັນ ” ເພີ່ມທະວີຄວາມສາມັກຄີເປັນເອກະພາບ, ຍົກສູງບົດບາດ ແລະ ຄວາມສາ ມາດນໍາພາຂອງອົງຄະນະພັກ, ສ້າງເງື່ອນໄຂ ກ້າວຂຶ້ນເປັນເມືອງເຂັ້ມແຂງຮອບດ້ານ ” ມີສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ, ພ້ອມດ້ວຍການນຳຂອງແຂວງ, ຄະນະບໍລິຫານງານພັກເມືອງ, ຜູ້ແທນສົມບູນ ເຂົ້າຮ່ວມ.

 

ສະຫາຍ ຄຳຄ່ອງ ພົມມະປັນຍາ ກຳມະການພັກແຂວງ ຮັກສາການເລຂາຄະນະບໍລິຫານງານພັກເມືອງ ໄດ້ກ່າວເປີດກອງປະຊຸມ ພ້ອມທັງຜ່ານຮ່າງລາຍງານການເມືອງຕໍ່ກອງປະຊຸມວ່າ: ຕະຫຼອດ ໄລຍະ 05 ປີແຫ່ງການຈັດຕັ້ງປະຕິບັດມະຕິ X ຂອງພັກ, ມະຕິ VII ຂອງອົງຄະນະພັກແຂວງ ແລະມະຕິ V ຂອງອົງຄະນະພັກເມືອງຊຽງເງິນ ເຮັດໃຫ້ທົ່ວເມືອງມີຄວາມສະຫງົບ, ຄວາມເປັນລະບຽບຮຽບຮ້ອຍ ໂດຍພື້ນຖານ, ລະບົບການເມືອງໄດ້ຮັບການປັບປຸງດີຂຶ້ນ, ການພັດທະນາເສດຖະກິດ-ສັງຄົມຂອງເມືອງ ມີການຂະຫຍາຍຕົວຢ່າງຕໍ່ເນື່ອງໃນລະດັບ 9,93% ຕໍ່ປີ, ການພັດທະນາຊົນນະບົດ ແລະ ແກ້ໄຂຄວາມທຸກຍາກ ໄດ້ຮັບການເອົາໃຈໃສ່ ແລະດໍາເນີນໄປດ້ວຍຫຼາຍຮູບແບບ, ຜ່ານການປະເມີນຕາມດໍາລັດ 309 ຂອງນາຍົກລັດຖະມົນຕີ ປັດຈຸບັນຄອບຄົວທຸກຍາກຫຼຸດລົງ ຍັງເຫຼືອ 2,83%. ຄອບຄົວພັດທະນາເພີ່ມຂຶ້ນກວມ 88,29%, ບ້ານພັດທະນາ ກວມ 77,55% ການສ້າງບ້ານໃຫ່ຍເປັນຕົວເມືອງນ້ອຍ ໄດ້ດໍາເນີນການໄປຢ່າງຕໍ່ເນື່ອງ ເປັນຕົ້ນແມ່ນບ້ານສວນຫຼວງ, ບ້ານກີ່ວກະຈໍາ ແລະບ້ານພູຊ້າງ.

 

ກອງປະຊຸມຄັງນີ້ ຜູ້ເຂົ້າຮ່ວມໄດ້ຮັບຟັງການຜ່ານແຜນພັດທະນາເສດຖະກິດ-ສັງຄົມຂອງເມືອງ ໃນ 5 ປີຜ່ານມາ ແລະແຜນການ 5 ປີຕໍ່ໜ້າ, ຮັບຟັງການປະກອບຄຳເຫັນຂອງບາງຕົວແບບ, ຮັບຟັງການຜ່ານບົດສຳຫຼວດ ການນຳພາລວມ ແລະກ່າວລາໜ້າທີ່ ຂອງຄະນະບໍລິຫານງານພັກເມືອງຊຸດເກົ່າ, ພ້ອມທັງດຳເນີນການປ່ອນບັດເລືອກຕັ້ງເອົາຄະນະບໍລິຫານງານພັກເມືອງຊຸດໃໝ່ ແລະປ່ອນບັດເລືອກຕັ້ງເອົາຜູ້ແທນອົງຄະນະພັກເມືອງ ໄປຮ່ວມກອງປະຊຸມໃຫຍ່ຜູູ້ແທນອົງຄະນະພັກແຂວງ ຕື່ມອີກ ໂດຍຈະດຳເນີນເປັນເວລາ 2 ວັນຈື່ງຈະສຳເລັດ.

 

ຂ່າວ;ພາບ: ອາພຸດເດດ ບຸບຜາ