ກອງປະຊູມໃຫຍ່ຄັ້ງທີ VIII ຂອງຜູ້ແທນອົງຄະນະພັກແຂວງຫລວງນໍ້າທາ ໄຂຂຶ້ນຢ່າງເປັນທາງການໃນຕອນເຊົ້າວັນທີ 29 ກໍລະກົດ 2020 ໂດຍການເປັນປະທານຂອງ ສະຫາຍ ເພັດຖາວອນ ພິລະວັນ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງຫລວງນໍ້າທາ, ໃຫ້ກຽດເຂົ້າຮ່ວມໂດຍ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການ ເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ. ມີຜູ້ແທນສົມບູນເຂົ້າຮ່ວມ 247 ສະຫາຍ.
ສະຫາຍ ເພັດຖາວອນ ພິລະວັນ ໄດ້ກ່າວວ່າ: ກອງປະຊູມໃຫຍ່ຄັ້ງນີ້ ຈະໄດ້ພ້ອມກັນລົງເລິກສັງເກດຕີລາຄາການຈັດຕັ້ງປະຕິບັດມະຕິກອງປະຊູມໃຫຍ່ຄັ້ງທີ VII ຂອງອົງຄະນະພັກແຂວງ ແລະ ແຜນພັດທະນາເສດຖະກິດ-ສັງຄົມ 5 ປີ 2016-2020 ການຊີ້ນຳໆພາຢ່າງຮອບດ້ານຂອງຄະນະບໍລິຫານງານພັກແຂວງ ຕະຫລອດໄລຍະ 5 ປີ ຜ່ານມາ ພ້ອມທັງຕົກລົງຢ່າງເປັນເອກະພາບ ຮັບຮອງເອົາທິດທາງຫນ້າທີ່ ແລະ ຄາດໝາຍສູ້ຊົນໃນ 5 ປີຕໍ່ໜ້າ ເພື່ອສ້າງພື້ນຖານອັນໜັກແໜ້ນ ເຮັດໃຫ້ແຂວງຫລວງນໍ້າທາ ກ້າວຂຶ້ນເປັນແຂວງພັດທະນາໃນລະດັບດີ ແລະ ຮັ່ງມີເຂັ້ມແຂງໃນອານາຄົດ.
ນອກຈາກນີ້ ກອງປະຊຸມຍັງຈະໄດ້ພ້ອມກັນເລືອກຕັ້ງເອົາຄະນະບໍລິຫານງານພັກແຂວງ ຄັ້ງທີ VIII ເພື່ອເປັນຫລັກແຫລ່ງແກນນໍາໃນການສືບຕໍ່ນຳພາ ພາລະກິດອັນຫນັກຫນ່ວງ ທີ່ປະຊາຊົນບັນດາເຜົ່າພາຍໃນແຂວງຫລວງນໍ້າທາ ມອບຫມາຍໃຫ້.

Cr: ອຸ້ມ

Loading...