ໄຟຟ້າລາວ ກຽມຄວາມພ້ອມຮັບໃຊ້ກອງປະຊຸມສຸດຍອດອາຊຽນ

ເພື່ອຮັບປະກັນການສະໜອງໄຟຮັບໃຊ້ກອງປະຊຸມສຸດຍອດອາຊຽນ ທີ່ ສປປ ລາວ ໄດ້ຮັບກຽດເປັນເຈົ້າພາບ ແລະ ສະໜອງພະລັງງານໄຟຟ້າໃຫ້ມີຄວາມສະຖຽນລະພາບ.

ເມື່ອບໍ່ດົນມານີ້ ລັດວິສາຫະກິດໄຟຟ້າລາວ ສາຂານະ ຄອນຫຼວງ2 ຮ່ວມກັບ ຝ່າຍຄຸ້ມຄອງລະບົບໄຟຟ້າພາກກາງ, ຝ່າຍວາງແຜນ – ບັນຊາລະບົບໄຟຟ້າ ແລະ ຝ່າຍພັດທະນາ – 0&M ໄດ້ປະຕິບັດວຽກບຳລຸງຮັກສາອຸປະກອນສະຖານີໄຟຟ້າພາກແຮງສູງ 115kV ຢູ່ທີ່ ສະຖານີໄຟຟ້າໂຄກສະອາດ ເມືອງໄຊທານີ ນະຄອນຫລວງວຽງຈັນ ປະກອບດ້ວຍ 03 ໜ້າວຽກຫຼັກມີຄື:

1. ປະຕິບັດວຽກແກ້ໄຂຈຸດຮ້ອນ ຈຸດຕໍ່ DS Phase B ເບື້ອງ Main Bus ສາຍສົ່ງ Line1 ໂຄກສະອາດ-ນາບົງ

2. ປ່ຽນຖ່າຍອຸປະກອນທີ່ເກົ່າແກ່ທີ່ໃຊ້ງານມາດົນ

3. ບຳລຸງຮັກສາອຸປະກອນສະຖານີອີກຈຳນວນໜື່ງ

ການປະຕິບັດວຽກໃນຄັ້ງນີ້ ເພື່ອຮັບປະກັນລະບົບໄຟໃຫ້ມີຄວາມສະຖຽນລະພາບປາສະຈາກບັນຫາໄຟຕົກ-ໄຟມອດໃນຕໍ່ໜ້າ.

ທີ່ມາ: ລັດວິສາຫະກິດໄຟຟ້າລາວ ສາຂານະຄອນຫລວງ2