ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນລະຫວ່າງວັນທີ 30 ເມສາ-3 ພຶດສະພາ 2024, ທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ ພ້ອມດ້ວຍບັນດາການນຳຂັ້ນແຂວງ ແລະ ພະແນກການກ່ຽວຂ້ອງ ໄດ້ຮີບຮ້ອນລົງເຄື່ອນ ໄຫວຊຸກຍູ້, ປຸກລະດົມ ອຳນາດການປົກຄອງຂັ້ນເມືອງ, ການຈັດຕັ້ງບ້ານ ແລະ ພໍ່ແມ່ປະຊາຊົນ ໃນເຂດທີ່ເກີດມີໄຟໄໝ້ປ່າ ໂດຍສະເພາະ ໃນເຂດເມືອງບົວລະພາ ຈຸດບໍລະເວນອຸທິຍານແຫ່ງຊາດ ຫີນໜາມໜໍ່ ກໍໄດ້ເກີດມີໄຟໄໝ້ລາມປ່າເປັນບາງຈຸດ ໃນໄລຍະ 3-4 ວັນທີ່ຜ່ານມາ ເພື່ອລະດົມທຸກພາກສ່ວນ ແລະ ທຸກກຳລັງ ພ້ອມກັນມອດໄຟ ເພື່ອບໍ່ໃຫ້ມີການໄໝ້ລາມອອກເປັນບໍລິເວນກວ້າງພ້ອມທັງໄດ້ປະສານສົມທົບກັບກຳລັງທະຫານອາກາດ ກະຊວງປ້ອງກັນປະເທດ ນຳໃຊ້ເຮືອບິນ ຂຶ້ນບິນມອດໄຟ ແລະ ສຳຫລວດເນື້ອທີ່ປ່າໄມ້ໃນເຂດດັ່ງກ່າວ ເພື່ອຊອກຫາວິທີປ້ອງກັນ ແລະ ດ້ວຍຄວາມເປັນຫ່ວງເປັນໃຍຕໍ່ການດຳລົງຊີວິດ ການເປັນຢູ່ຂອງພໍ່ແມ່ປະຊາຊົນ ໂດຍສະເພາະໃນໄລຍະລະດູແລ້ງນີ້ ອາກາດມີຄວາມຮ້ອນອົບເອົ້າສູງ ເປັນຕົ້ນເຫດເຮັດໃຫ້ເກີດໄຟໄໝ້ລາມປ່າໄດ້ງ່າຍ
ມາຮອດປັດຈຸບັນສະພາບໄຟໄໝ້ປ່າໃນເຂດດັ່ງກ່າວແມ່ນໄດ້ມອດລົງ ແລະ ກັບສູ່ສະພາບປົກກະຕິແລ້ວ.
ຂ່າວ: ກອງຄໍາ