ເຈົ້າໜ້າທີ່ຕໍາຫຼວດພະແນກຈະລາຈອນ ປກສ ແຂວງ ບໍລິຄໍາໄຊໄດ້ລາຍງານໃຫ້ຮູ້ວ່າ ໃນລະຫວ່າງວັນທີ 29 ທັນວາ ປີ 2023- 01 ມັງກອນ 2024 ເຊິ່ງເປັນໄລຍະທີ່ ມີການສະເຫຼີມສະຫຼອງສົ່ງ
ທ້າຍປີເກົ່າ 2023-ຕ້ອນຮັບປີໃໝ່
2024 . ທົ່ວແຂວງ ບໍລິຄໍາໄຊ ມີອຸປະຕິເຫດຕາມທ້ອງຖະໜົນ ເກີດຂື້ນ 12 ຄັ້ງ: ສ້າງຄວາມເສຍຫາຍ ມີຄົນໄດ້ຮັບບາດເຈັບທັງໝົດ 17 ຄົນ ແລະ ເສຍຊີວິດ 2 ຄົນ; ມີພາຫານະເປ່ເພທັງໝົດ 18 ຄັນ, ສາເຫດທີ່ເກີດອຸປະຕິເຫດແມ່ນເກີດຈາກຜູ້ຂັບຂີ່ລະເມີດ ກົດລະບຽບຈະລາຈອນ ເຊັ່ນ: ໃຊ້ຄວາມໄວເກີນກຳນົດ 04 ຄັ້ງ, ການແຊງລົດຂື້້ນໜ້າບໍ່ຮັບປະກັນ 01ຄັ້ງ, ບໍ່ປ່ອຍສິດ 03 ຄັ້ງ, ປະເມີນມູນຄ່າຄວາມເສຍຫາຍທີ່ເກີດຂື້ນທັງໝົດ ປະມານ 250,000,000 ກີບ.
ເຈົ້າໜ້າທີ່ຕໍາຫຼວດຈະລາຈອນ ປກສ ແຂວງ ບໍລິຄໍາໄຊ ຈຶ່ງຮຽກຮ້ອງມາຍັງບັນດາຜູ້ຂັບຂີ່ທຸກໆ ຄົນຈົ່ງເອົາໃຈໃສ່ປະຕິບັດກົດລະບຽບຈະລາຈອນໃຫ້ເຂັ້ມງວດ, ຮັກສາມາລະຍາດເຊິ່ງກັນ ແລະ ກັນ ທັງນີ້້ກໍ່ເພື່ອປ້ອງກັນຕົນເອງ ແລະ ເພື່ອນຮ່ວມໃຊ້ລົດໃຊ້ຖະໜົນໃຫ້ມີຄວາມປອດໄພ ຫຼີກລ່ຽງຈາກການບາດເຈັບທາງດ້ານສຸຂະພາບ ແລະ ສູນເສຍທາງດ້າບຊັນສີນ ແລະ ຊີວິດຈາການເກີດອຸປະຕິເຫດ ທັງເປັນການປະກອບສວ່ນຢ່າງຕັ້ງໜ້າເຮັດໃຫ້ບັນຫາການເກີດອຸປະຕິເຫດຢູ່ແຂວງ ບໍລິຄໍາໄຊ ຫຼຸດໜ້ອຍຖອຍລົງເທື່ອລະກ້າວ.
