ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໄລຍະ 22 ມື້ ສປປ ລາວ ບໍ່ມີຜູ້ຕິດເຊື້ອພະຍາດໂຄວິດ19 ເພີ່ມ.

ສຈ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການ ຄະນະສະເພາະກິດ ຄວບຄຸມພະຍາດໂຄວິດ 19 ຖະແຫລງຕອນບ່າຍວັນທີ 4 ພຶດສະພານີ້ ເຖິງສະພາບການຄວບຄຸມພະຍາດໂຄວິດ 19 ວ່າ: ມື້ຜ່ານມາໄດ້ເກັບຕົວຢ່າງມາກວດທັງໝົດ 39 ຄົນ, ໃນນັ້ນ ມີກໍລະນີສົງໄສ 14 ຄົນ ແລະ ແຮງງານລາວທີ່ກັບມາຈາກປະເທດໄທ 25 ຄົນ.ຜົນກວດທັງໝົດ 39 ຄົນ ຂອງມື້ວານນີ້ ບໍ່ພົບເຊື້ອໃໝ່. ໝາຍຄວາມວ່າໃນວັນທີ 3 ພຶດສະພາ 2020 ບໍ່ມີກໍລະນີໃໝ່.

ນັບແຕ່ເດືອນມັງກອນ ຮອດ ວັນທີ 3 ພຶດສະພາ 2020 ໄດ້ເກັບຕົວຢ່າງມາກວດທັງໝົດ ມີ 2,223 ຕົວຢ່າງ, ກວດພົບເຊື້ອສະສົມ 19 ຄົນ (22 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).

ປະຈຸບັນ ມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍມິດຕະພາບ 9 ຄົນ ທັງໝົດເຫັນວ່າ ມີອາການເບົາບາງ ແລະ ຍັງຕິດຕາມເພື່ອກວດວິເຄາະຢັ້ງຢືນການບໍ່ພົບເຊື້ອ; ຮັບເອົາຜູ້ທີ່ອອກໂຮງໝໍນ້ຳເບີ 14 ກັບເຂົ້າມາຕິດຕາມອາການຢູ່ໂຮງໝໍ, ແຕ່ວ່າໄດ້ແຍກໄວ້ຢູ່ຕຶກແຍກປ່ຽວໜຶ່ງຕ່າງຫາກ ບໍ່ໄດ້ໄປປົນກັບຜູ້ຕິດເຊື້ອ 9 ຄົນທີ່ກຳລັງປິ່ນປົວຢູ່ນັ້ນ, ໝາຍວ່າປະຈຸບັນນີ້ມີຜູ້ຕິດຕາມຢູ່ໂຮງໝໍມິດຕະພາບ 10 ຄົນ. .

– ຮອດເວລາ 14.45 ໂມງ ວັນທີ 4 ພຶດສະພານີ້ທົ່ວໂລກມີຜູ້ຕິດເຊຶ້ອທັງໝົດ 3.564.758 ຄົນ (ເພີ່ມ 76.364 ຄົນ) ເສຍຊີວິດ 248.660ຄົນ ,ປົວດີ 1.124.945 ຄົນ. – ຈີນແຜ່ນດິນໃຫຍ່ : ຕິດເຊື້ອ 82.880 ຄົນ , ເສຍຊີວິດ 4.633 ຄົນ, ປົວດີ 77.766 ຄົນ

– ອາເມລິກາ : ຕິດເຊື້ອ 1.185.529 ຄົນ ຫຼາຍເປັນອັນດັບ 1 ຂອງໂລກ (ເພີ່ມ 25.419 ຄົນ) ເສຍຊີວິດ 68.323 ຄົນ (ເພີ່ມ 1.221 ຄົນ)

– ຫວຽດນາມ : ຕິດເຊື້ອ 271 ຄົນ(ເພີ້ມ 1ຄົນ ) ປົວດີ 219ຄົນ (ບໍ່ມີຜູ້ເສຍຊີວິດ)

– ໄທ : ຕິດເຊື້ອ 2.987 ຄົນ (ເພີ່ມຂຶ້ນ 18 ຄົນ) ປົວດີ 2.740 ຄົນ ເສຍຊີວິດ  54 ຄົນ