ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໄລຍະ4 ເດືອນ ເມືອງເງິນ ສາມາດຈັດເກັບລາຍຮັບ ເຂົ້າງົບປະມານໄດ້ 261 ລ້ານກວ່າກີບ

ກອງປະຊຸມສະຫຼຸບການຈັດຕັ້ງປະຕິບັດການຈັດເກັບລາຍຮັບຂອງຂະແໜງການ, ກົມກອງ ປະຈຳ 4 ເດືອນຕົ້ນປີ 2020 ໄດ້ຈັດຂຶ້ນໃນຕອນເຊົ້າຂອງວັນທີ 21 ພຶດສະພາ 2020 ນີ້ ຢູ່ທີຫ້ອງປະຊຸມຫ້ອງການ-ການເງິນ ເມືອງເງິນ ແຂວງ ໄຊຍະບູລີ ພາຍໃຕ້ການເປັນປະທານຂອງທ່ານ ທະວິສັກ ໄຊຍະວົງ ຮອງເຈົ້າເມືອງ-ເມືອງເງິນ, ມີບັນດາຫົວໜ້າ-ຮອງຫົວໜ້າ ຫ້ອງການ, ກົມກອງ ແລະ ພະນັກງານວິຊາການທີ່ເຮັດວຽກງານການເງິນແຕ່ລະຂະແໜງການທີ່ມີລາຍຮັບຈຳນວນ 13 ຂະແໜງການເຂົ້າຮ່ວມ.

ທ່ານ ອານິວັດ ພີມສະຫວັດ ຫົວໜ້າໜ່ວຍງານອາກອນເມືອງ ໄດ້ຂຶ້ນຜ່ານບົດສະຫຼຸບການການຈັດຕັ້ງປະຕິບັດການຈັດເກັບລາຍຮັບຂອງຂະແໜງການ, ກົມກອງ ປະຈຳ 4 ເດືອນຕົ້ນປີ 2020. ສະເພາະລາຍຮັບ ຈາກຂະແໜງການທີ່ມີລາຍຮັບທົ່ວເມືອງ ຈຳນວນ 13 ຂະແໜງການ. ແຜນການລວມໝົດ ປີ 2020 ໃຫ້ໄດ້ 661.670.000 ກີບ ໃນນີ້:

  • ຄ່າທຳນຽມ 83.170.000 ກີບ
  • ຄ່າບໍລິການ 236.000.000 ກີບ
  • ກອງທຶນຢາ 330.000.000 ກີບ
  • ຂາຍສິດນຳໃຊ້ທີ່ດິນ 10.000.000 ກີບ
  • ຄ່າຊັບພະຍາກອນ(ຊັບສິນ) 2.500.000 ກີບ

ຜ່ານການຈັດຕັ້ງປະຕິບັດ ໃນ 4 ເດືອນສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 261.555.000 ກີບ ທຽບໃສ່ແຜນການປີ ປະຕິບັດໄດ້ 39,52% ທຽບໃສ່ໄລຍະດຽວກັນ ປະຕິບັດໄດ້ 147,13%.ໃນນີ້:

  • ຄ່າທຳນຽມ 50.282.000 ກີບ
  • ຄ່າບໍລິການ 126.994.000 ກີບ
  • ກອງທຶນຢາ 83.419.000 ກີບ
  • ຂາຍສິດນຳໃຊ້ທີ່ດິນ 200.000 ກີບ
  • ຄ່າຊັບພະຍາກອນ(ຊັບສິນ) 660.000 ກີບ

ໃນວາລະດຳເນີນກອງປະຊຸມຕາງໜ້າແຕ່ລະຂະແໜງການ ກໍ່ໄດ້ສົນທະນາແລກປ່ຽນບົດຮຽນເຊິ່ງກັນ ແລະ ກັນ ໂດຍສະເພາະບັນຫາທີ່ຍັງຄົງຄ້າງໃນການຈັດເກັບລາຍຮັບ ບໍ່ໄດ້ຕາມແຜນການທີ່ວາງໄວ້ ແລະ ຊອກຫາວິທີແກ້ໄຂໃນຕໍ່ໜ້າ.

ໂດຍ: ສຸລິຍາ ແສງເດືອນ