ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

“ໜຶ່ງແລວ ໜຶ່ງເສັ້ນທາງ” ໄດ້ອຳນວຍເສັ້ນທາງໃໝ່ໃຫ້ແກ່ການປະຕິຮູບລະບົບການບໍລິຫານທົ່ວໂລກ.

ເດືອນກັນຍາ ແລະ ເດືອນຕຸລາ 2013, ໃນໂອກາດທີ່ ທ່ານ ສີຈີ້ນຜິງ ປະທານປະເທດ ສປ ຈີນ ຢ້ຽມຢາມກາຊັກສະຖານ ແລະ ອິນໂດເນເຊຍ, ທ່ານໄດ້ສະເໜີຂໍ້ລິເລີ່ມກ່ຽວກັບການສ້າງເຂດເສດສະຖານເສັ້ນທາງສາຍໄໝ ແລະ ເສັ້ນທາງສາຍໄໝທາງທະເລ ໃນສັດຕະວັດທີ 21 ອອກມາ. ໃນກອງປະຊຸມລະນຶກການຄົບຮອບ 5 ປີ ຂອງວຽກງານກໍ່ສ້າງ “ໜຶ່ງແລວ ໜຶ່ງເສັ້ນທາງ” ທີ່ຈັດຂຶ້ນຢູ່ນະຄອນຫຼວງປັກກີ່ງໃນຫວ່າງມໍ່ໆນີ້, ທ່ານ ສີຈີ້ນຜິງ ກ່າວວ່າ: ການສ້າງ “ໜຶ່ງແລວ ໜຶ່ງເສັ້ນທາງ” ໄດ້ໄປຕາມຄວາມຮຽກຮ້ອງຕ້ອງການພາຍໃນຂອງການປະຕິຮູບລະບົບການບໍລິຫານທົ່ວໂລກ, ອັນໄດ້ສະແດງໃຫ້ເຫັນເຖິງແນວຄິດກ່ຽວກັບປະຊາຊົນຮ່ວມຊາຕາກຳທີ່ຮ່ວມທຸກຮ່ວມສຸກນຳກັນ ແລະ ແບ່ງກັນຫາບແບກໜ້າທີ່ຮັບຜິດຊອບ ແລະ ໄດ້ອຳນວຍແນວຄິດໃໝ່ ແລະ ແຜນການໃໝ່ໃຫ້ແກ່ການປະຕິຮູບລະບົບບໍລິຫານທົ່ວໂລກໃຫ້ສົມບູນຂຶ້ນຕື່ມ.

ຄຳກ່າວຂອງ ທ່ານ ສີຈີ້ນຜິງ ດັ່ງກ່າວໄດ້ອະທິບາຍຢ່າງເລິກເຊິ່ງຕໍ່ຄວາມໝາຍດ້ານເລື່ອງຄວາມເປັນຈິງ ແລະ ດ້ານປະຫວັດສາດຂອງຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ຄື: ຂໍ້ລິເລີ່ມນີ້ບໍ່ພຽງແຕ່ຈະຊຸກຍູ້ໃຫ້ຈີນຮ່ວມມືກັບທົ່ວໂລກໃນດ້ານເສດຖະກິດທໍ່ນັ້ນ, ທັງຈະຊຸກຍູ້ການປະຕິຮູບລະບົບການບໍລິຫານທົ່ວໂລກ ແລະ ການສ້າງປະຊາຄົມຮ່ວມຊາຕາກຳທົ່ວມວນມະນຸດ. ທີ່ຈິງແລ້ວ, ໃນໄລຍະຕົ້ນແຫ່ງການສະເໜີຂໍ້ລິເລີ່ມນີ້ອອກເມື່ອ 5 ປີກ່ອນ, ທົ່ວໂລກອາດຈະຍັງບໍ່ທັນຄາດຄະເນເຖິງກຳລັງແຮງບົ່ມຊ້ອນ ແລະ ຄຸນຄ່າອັນລໍ້າເລີດຂອງຂໍ້ລິເລີ່ມນີ້. ມາຮອດຊູ່ມື້ນີ້, ທົ່ວໂລກໄດ້ມີ 100 ກວ່າປະເທດ ແລະ ອົງການຈັດຕັ້ງສາກົນຕັ້ງໜ້າສະໜັບສະໜູນ ແລະ ເຂົ້າຮ່ວມ “ໜຶ່ງແລວ ໜຶ່ງເສັ້ນທາງ” ແລ້ວ, ມູນຄ່າການຄ້າດ້ານສິນຄ້າລະຫວ່າງຈີນກັບບັນດາປະເທດໃນຂອບ “ໜຶ່ງແລວ ໜຶ່ງເສັ້ນທາງ” ໄດ້ຫຼາຍກວ່າ 5 ພັນຕື້ໂດລາສະຫະລັດ, ການລົງທຶນໂດຍກົງຫຼາຍກວ່າ 60 ຕື້ໂດລາສະຫະລັດ ແລະ ໄດ້ສ້າງອາຊີບ 2 ແສນກວ່າຕຳແໜ່ງ; ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ໄດ້ຮັບການລະບຸໄວ້ໃນມະຕິຂອງສະມັດຊາໃຫຍ່ສະຫະປະຊາຊາດ ແລະ ສະພາຄວາມໝັ້ນຄົງ ສປຊ ທົ່ວປະຊາຄົມໂລກໄດ້ຍອມຮັບ.

ທ່ານ ມາຕິນ ຢັກ ສາດສະດາຈານຂອງມະຫາວິທະຍາໄລແຄັມບຣິດຈ໊ ຂອງອັງກິດກ່າວວ່າ: ຈີນໄດ້ດຶງດູດໃຈຫຼາຍປະເທດທົ່ວໂລກ, ເພາະວ່າປະເທດເຫຼົ່ານີ້ໄດ້ເຫັນຄວາມອາດເປັນໄປໄດ້ອັນໃໝ່ນີ້ກໍ່ຄື ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ໄດ້ສະໜອງແນວຄິດໃໝ່ທີ່ປຶກສາຫາລືຮ່ວມກັນ, ສ້າງສາຮ່ວມກັນ ແລະ ຊົມໃຊ້ຮ່ວມກັນ ໃຫ້ແກ່ການປະຕິຮູບລະບົບການບໍລິຫານທົ່ວໂລກ. ປັດຈຸບັນ, ທົ່ວໂລກກຳລັງເກີດຄວາມຂັດແຍ້ງກັນດ້ານການຄ້າ ແລະ ສ້າງກຳແພງພາສີຂຶ້ນເລື້ອຍໆ, ຂະບວນໂລກາພິວັດດ້ານເສດຖະກິດ ແລະ ລະບຽບການຫຼາຍຝ່າຍກຳລັງຖືກກະທົບ, ທັດສະນະ ແລະ ພຶດຕິກຳຂອງການບໍລິຫານໃນແຕ່ກ່ອນ ບໍ່ສາມາດຕອບສະໜອງຄວາມຕ້ອງການແຫ່ງການປ່ຽນແປງຂອງສະຖານະພາບການເມືອງເສດຖະກິດສາກົນ. ມະນຸດເຮົາຈະເດີນໄປສູ່ທິດໃດ? ທາງອອກຢູ່ໃສ? ເຊິ່ງບັນຫາເຫຼົ່ານີ້ຂໍໃຫ້ມະນຸດເຮົາຈົ່ງໄປຄົ້ນຫາໂດຍຜ່ານຈາກທັດສະນະຄະຕິທີ່ປຶກສາຮ່ວມກັນ, ສ້າງສາຮ່ວມກັນ ແລະ ຊົມໃຊ້ຮ່ວມກັນ, ອາດຈະເປັນໄປໄດ້.

ການປຶກສາຮ່ວມກັນ ຄືທຸກວຽກໃຫ້ທຸກຝ່າຍປຶກສາຫາລືກັນ, ບໍ່ຄວນໃຫ້ຝ່າຍໃດໜຶ່ງເປັນຜູ້ຊີ້ຂາດຕັດສິນ, ນີ້ໄດ້ສະແດງໃຫ້ເຫັນເຖິງ “ຄວາມສະເໝີພາບ” ທີ່ເປັນຂໍ້ສຳຄັນໃນການບໍລິຫານທົ່ວໂລກໃນຍຸກນີ້. ປັດຈຸບັນ, ບັນດາປະເທດທີ່ພວມພັດທະນາລ້ວນແຕ່ມີຄວາມຕ້ອງການຢ່າງແຮງກ້າໃນການເລັ່ງລັດສ້າງສາຫັ່ນເປັນອຸດສາຫະກຳ ແລະ ຫັ່ນເປັນຕົວເມືອງ, ບັນລຸຄວາມເປັນເອກະລາດດ້ານເສດຖະກິດ ແລະ ສ້າງຊາດໃຫ້ຈະເລີນ, ແຕ່ຍ້ອນຝ່າຍຕາເວັນຕົກເປັນຝ່ານທີ່ວາງລະບຽບການສາກົນ ແລະ ຈຳກັດສິດປະກອບຄຳເຫັນໃນອົງການກອງທຶນເງິນຕາສາກົນ (IMF) ທະນາຄານໂລກ ແລະ ອົງການຈັດຕັ້ງສາກົນອື່ນໆ, ເຮັດໃຫ້ປະເທດທີ່ພວມພັດທະນາຢ່າງພຽງພໍ. ຈີນສະເໜີຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ອອກ ໄດ້ເນັ້ນຫຼັກການປຶກສາຫາລືຮ່ວມກັນ, ສ້າງທະນາຄານລົງທຶນກໍ່ສ້າງພື້ນຖານໂຄງລ່າງອາຊີ, (AIIB) ກອງທຶນເສັ້ນທາງສາຍໄໝ ແລະ ອື່ນໆ, ກໍ່ແມ່ນເພື່ອຫວັງຢາກໃຫ້ປະເທດທັງໝົດມີສິດປະກອບຄຳເຫັນ ແລະ ສິດການພັດທະນາຢ່າງສະເໝີພາບກັນ ບົນພື້ນຖານທີ່ເຄົາລົບຄວາມຮຽກຮ້ອງຕ້ອງການໃນການພັດທະນາຂອງປະເທດທີ່ລຽບຕາມ “ໜຶ່ງແລວ ໜຶ່ງເສັ້ນທາງ”, ເຮັດແນວນີ້ມີຜົນດີຕໍ່ການຍົກເລີກຄວາມເປັນໃຈກາງ, ລົບລ້າງແນວຄິດທີ່ເປັນເຈົ້າອຳນາດໃຫ້ຝ່າຍໃດຝ່າຍໜຶ່ງ.

ການສ້າງສາຮ່ວມກັນກໍ່ຄື ຕ້ອງການໃຫ້ໝົດທຸກຄົນເຂົ້າຮ່ວມການສ້າງສານຳກັນ, ບໍ່ສ້າງເປັນກຸ່ມ, ນີ້ແມ່ນສະແດງໃຫ້ເຫັນເຖິງ “ການເປີດປະຕູ” ທີ່ເປັນຂໍ້ສຳຄັນທີ 2 ຂອງການບໍລິຫານທົ່ວໂລກໃນສະໄໝນີ້. ຕະຫຼອດໄລຍະ 5 ປີມາ,  “ໜຶ່ງແລວ ໜຶ່ງເສັ້ນທາງ” ເຖິງຈະຖືກຝ່າຍຕາເວັນຕົກວິຈານເລື້ອຍໆກໍ່ຕາມ ແຕ່ພຶດຕິກຳຕົວຈິງໄດ້ຢັ້ງຢືນໃຫ້ເຫັນວ່າ “ໜຶ່ງແລວ ໜຶ່ງເສັ້ນທາງ” ບໍ່ແມ່ນກຸ່ມກ້ອນ ແຕ່ແມ່ນການຮັບເອົາເພື່ອນມິດໃນວົງກວ້າງ ເຊິ່ງໄດ້ເຊື່ອມຕໍ່ກັບ “ສະຫະພັນເສດຖະກິດເອີລົບອາຊີ” ທີ່ສະເໜີໂດຍຣັດເຊຍ, “ແຜນການລວມແຫ່ງການສ້າງອາຊຽນເຊື່ອມຈອດເປັນອັນໜຶ່ງອັນດຽວກັນ”, “ໃຈກາງເສດຖະກິດພາກເໜືອອັງກິດ” ຂອງອັງກິດ, “ວິໄສທັດ 2030” ຂອງຊາວອາຣັບບີ ຊາອຸດິດ ແລະ “ແຜນການລົງທຶນເອີລົບ”, ເຮັດໃຫ້ໂຄງການຮ່ວມມືສາກົນທີ່ສຳຄັນຕ່າງໆເຊັ່ນ: ທາງລົດໄຟຈີນ-ເອີລົບ, ທ່າກຳປັ່ນເບເລເອຟສຂອງເກຼັກ, ທໍ່ສົ່ງອາຍແກສທຳມະຊາດຈີນ-ມ້ຽນມ້າ ແລະ ສວນອຸດສາຫະກຳຈີນ-ເລລາລຸດຊີ ໄດ້ນຳເອົາຜົນປະໂຫຍດແທ້ຈິງມາໃຫ້ຈີນ ແລະ ປະເທດຕ່າງໆກໍ່ຄື ປະເທດ ແລະ ປະຊາຊົນທີ່ຢູ່ລຽບຕາມເສັ້ນທາງດັ່ງກ່າວ. ເໝືອນດັ່ງ ທ່ານ ສີຈີ້ນຜິງ ເນັ້ນໜັກວ່າ: ການສ້າງ “ໜຶ່ງແລວ ໜຶ່ງເສັ້ນທາງ” ຮ່ວມກັນ ແມ່ນຂໍ້ລິເລີ່ມດ້ານການຮ່ວມມືເສດຖະກິດ, ບໍ່ແມ່ນສ້າງພັນທະມິດດ້ານການເມືອງ ຫຼື ການທະຫານກັບປະເທດອ້ອມຂ້າງ; ແມ່ນຂະບວນວິວັດທີ່ເປີດປະຕູທີ່ມີຄວາມໂອບເອື້ອຍອາລີ, ບໍ່ແມ່ນການປິດປະຕູໄວ້ເພື່ອສ້າງກຸ່ມພັນທະມິດຈີນ, ບໍ່ຫຼີ້ນເກມທີ່ຍາດເອົາຜົນປະໂຫຍດຈາກຄວາມເສຍຫາຍຂອງຄົນອື່ນ, ຂໍແຕ່ວ່າປະເທດໃດຢາກເຂົ້າຮ່ວມ ຈີນກໍ່ຕ້ອນຮັບເຊັ່ນກັນ. ເປັນອັນແນ່ນອນແລ້ວວ່າທັງໝົດເຫຼົ່ານີ້ແມ່ນໄດ້ກະທົບເຖິງລະບຽບການທີ່ຂົ່ມເຫັງຜູ້ອ່ອນແອກວ່າຂອງປະເທດຈຳນວນໜຶ່ງ.

ການຊົມໃຊ້ຮ່ວມກັນ ໝາຍເຖິງວ່າທຸກຝ່າຍຊົມໃຊ້ໝາກຜົນແຫ່ງການພັດທະນາ, ຈະບໍ່ໃຫ້ຜູ້ໃດເປັນຜູ້ຊະນະເລີດ ແລະ ກວມເອົາຜົນປະໂຫຍດທັງໝົດໄປ, ນີ້ໄດ້ສະແດງໃຫ້ເຫັນເຖິງ “ສົ່ງຜົນປະໂຫຍດໃຫ້ທົ່ວເຖິງ” ທີ່ເປັນຂໍ້ສຳຄັນທີ 3 ໃນການບໍລິຫານທົ່ວໂລກ. ທ່ານປະທານ ສີຈີ້ນຜິງ ເຄີຍກ່າວຫຼາຍເທື່ອວ່າ “ໜຶ່ງແລວ ໜຶ່ງເສັ້ນທາງ” ແມ່ນລິເລີ່ມຈາກປະເທດຈີນ, ແຕ່ໂອກາດ ແລະ ໝາກຜົນແມ່ນຢູ່ນຳທົ່ວໂລກ. ໃນເວລາກ່າວສູນທອນພົດໃນຫວ່າງມໍ່ໆນີ້, ທ່ານ ສີຈີ້ນຜິງ ກ່າວເປັນພິເສດວ່າ ຕ້ອງຊຸກຍູ້ໃຫ້ການສ້າງສາ “ໜຶ່ງແລວ ໜຶ່ງເສັ້ນທາງ” ລົງສູ່ລວງເລິກຢ່າງແທ້ຈິງ, ເນັ້ນການສ້າງໂຄງການທີ່ເອົາໃຈໃສ່ນຳໂຄງການທີ່ຕ້ອງການດ່ວນ, ນຳຊີວິດການເປັນຢູ່ຂອງປະຊາຊົນ, ສ້າງຜົນປະໂຫຍດໃຫ້ແກ່ປະຊາຊົນປະເທດຕ່າງໆ, ເຊິ່ງຈຸດປະສົງກໍ່ແມ່ນເພື່ອສ້າງຄວາມຜາສຸກໃຫ້ແກ່ປະຊາຊົນຢູ່ບັນດາປະເທດລຽບຕາມເສັ້ນທາງນີ້ໃຫ້ຫຼາຍເທົ່າທີ່ຈະຫຼາຍໄດ້. ເປັນອັນແນ່ນອນແລ້ວວ່າ ທັງໝົດເຫຼົ່ານີ້ແມ່ນໄດ້ປະລະແນວຄິດທີ່ຫຼີ້ນເກມທີ່ຍາດເອົາຜົນປະໂຫຍດຈາກຄວາມເສຍຫາຍຂອງຄົນອື່ນ.

ໃນໄລຍະ 5 ປີມານີ້ ການສ້າງສາທີ່ນຳເອົາຜົນປະໂຫຍດຮ່ວມກັນ ບໍ່ພຽງແຕ່ຊຸກຍູ້ໃຫ້ທົ່ວໂລກຮ່ວມມືກັນດ້ານເສດຖະກິດ ແລະ ກໍ່ໄດ້ທຳການຊອກຄົ້ນເປັນຢ່າງດີ ຕໍ່ການສ້າງລະບົບບໍລິຫານທົ່ວໂລກໃຫ້ຄົບຖ້ວນສົມບູນ. ຈະເດີນໄປສູ່ຂັ້ນຕອນຕໍ່ໄປແນວໃດ? ທ່ານປະທານ ສີຈີ້ນຜິງ ຊີ້ອອກວ່າ: ຕ້ອງຊຸກຍູ້ໃຫ້ “ໜຶ່ງແລວ ໜຶ່ງເສັ້ນທາງ” ພັດທະນາດ້ວຍຄຸນນະພາບດີ ແລະ ໃຫ້ໄດ້ຮັບໝາກຜົນແທ້ຈິງຫຼາຍກວ່າເກົ່າ. ຂໍແຕ່ວ່າປະເທດຕ່າງໆເຄົາລົບຫຼັກການປຶກສາຮ່ວມກັນ, ສ້າງສາຮ່ວມກັນ ແລະ ຊົມໃຊ້ຮ່ວມກັນ, “ໜຶ່ງແລວ ໜຶ່ງເສັ້ນທາງ” ຍອມຈະນຳເອົາຫຼາຍສິ່ງຫຼາຍຢ່າງມາໃຫ້ທົ່ວໂລກກໍ່ຄື ປະຊາຊົນປະເທດຕ່າງໆໃນໂລກ, ເພີ່ມພະລັງແຮງອັນໃໝ່ໃຫ້ແກ່ການສ້າງລະບົບບໍລິຫານທົ່ວໂລກໃຫ້ສົມບູນຂຶ້ນຕື່ມ. ສ່ວນແນວຄິດທີ່ແປກປະຫຼາດຂອງຝ່າຍຕາເວັນຕົກທີ່ມີຕໍ່ “ໜຶ່ງແລວ ໜຶ່ງເສັ້ນທາງ” ກໍ່ຈະຫຼົ້ມແຫຼວຢ່າງອັດຕະໂນມັດໄດ້.