ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ໝາກຖົ່ວລຽນເປັນຢາ

ໝາກຖົ່ວລຽນເປັນໝາກໄມ້ທີ່ມີນ້ຳຕານຫລາຍ ແລະ ອຸດົມໄປດ້ວຍທາດຄໍເລັດສະຕໍຣອນ ເຊິ່ງບໍ່  ເໝາະກັບຜູ້ທີ່ເປັນພະຍາດເບົາຫວານນັ້ນແຕ່ວ່າ ມັນກໍ່ມີຄຸນປະໂຫຍດຫລາຍຢ່າງຕໍ່ກັບຮ່າງກາຍຂອງເຮົາ ເນື່ອງຈາກວ່າໝາກຖົ່ວລຽນກໍມີສັບພະຄຸນເປັນຢາຫລາຍຢ່າງເຊັ່ນ:

  • ຮາກ: ເປຶອກຂອງຮາກຕົ້ນໝາກຖົ່ວລຽນມີລົດຝາດ ແລະ ຂົມມີສັບພະຄຸນຊ່ວຍແກ້ໄຂ້ ແລະ ແກ້ຖອກທ້ອງໄດ້.
  • ໃບ: ໃບມີລົດຂົມມີສັບພະຄຸນເຮັດໃຫ້ນ້ຳໜອງແຫ້ງ ແລະ ຂັບໄລ່ພະຍາດ.
  • ເປືອກ: ມີລົດຝາດເຊິ່ງມີສັບພະຄຸນຊ່ວຍເຮັດໃຫ້ບາດແຜເຊົາໄວ, ຊ່ວຍຫຍຸດນ້ຳເຫລືອງໃນບາດ, ແກ້ຝິ, ໄລ່ຍຸງ ແລະ ແມງໄມ້ນຳອິກ.
  • ນວນ: ນວນເຫລືອງໆຂອງໝາກຖົ່ວລຽນມີລົດຫວານສາມາດທາຮັກສາໂຣກຜິວໜັງໄດ້, ເຮັດໃຫ້ຝິແຫ້ງ ແລະ ຂັບຜິດອອກຈາກຜິວໜັງ.

ນອກນັ້ນຍັງສາມາດນຳມາປຸງແຕ່ງເປັນຢາຮັກສາຜິວໄດ້ເຊິ່ງວິທີປຸງແຕ່ງເຮັດຄືດັ່ງນີ້: ໃຊ້ນວນໝາກຖົ່ວລຽນສຸກ ຫລື ນວນດິບກໍ່ໄດ້. ຈາກນັ້ນເອົາມາຊອຍເປັນຕ່ອມນ້ອຍໆປະມານ 3-5 ບ່ວງແກງ ( ຫລື ກະເອົາໃຫ້ພໍດີງາມ ) ນຳມາປັ່ນປະສົມກັບດິນສໍພອງ ( ຫີນປູນ ຫລື ແຮ່ທາດດິນທີ່ມີຄຸນປະໂຫຍດເປັນສະມຸນໄພຊະນິດໜຶ່ງ ), ປັ່ນໃຫ້ລະອຽດແລ້ວທາໃຫ້ທົ່ວໃບໜ້າ ຍົກເວັ້ນບໍລິເວນອ້ອມຮອບດວງຕາ ຫລື ໃຊ້ທາສະເພາະບໍລິເວນທີ່ເປັນສິວ ປະໄວ້ 10-15 ນາທີ ແລ້ວລ້າງອອກດ້ວຍນ້ຳສະ ອາດ. ທາດກຳມະຖັນໃນໝາກຖົ່ວລຽນຈະຊ່ວຍໃຫ້ສິວແຫ້ງໄວ.