ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ໝົດປີ 2019 ແຂວງ ໄຊຍະບູລີ ມີລາຍຮັບສະເລ່ຍຕໍ່ຫົວຄົນໄດ້ 3.113 ໂດລາສະຫະລັດ

ໃນຕອນບ່າຍຂອງວັນທີ 21 ກຸມພາ 2020 ນີ້, ທ່ານ ພັນ​ຄໍາ ວິ​ພາ​ວັນ ກຳມະການກົມການເມືອງສູນກາງພັກ, ຜູ້​ປະ​ຈໍາ​ການ​ຄະ​ນະ​ເລ​ຂາ​ທິ​ການ​ສູນ​ກາງ​ພັກ, ຮອງ​ປະ​ທານ​ປ​ະເທດ ພ້ອມດ້ວຍຄະນະໄດ້ຢ້ຽມຢາມ ແລະ ເຮັດວຽກຢູ່ແຂວງ ໄຊຍະບູລີ, ໃຫ້ການຕ້ອນຮັບໂດຍ ທ່ານ ພົງສະຫວັນ ສິດທະວົງ ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ ພ້ອມດ້ວຍການນໍາທຸກພາກສ່ວນຂອງແຂວງໃຫ້ການຕ້ອນຮັບຢ່າງພ້ອມພຽງ ທີ່ສະໂມສອນຫ້ອງວ່າການແຂວງ.

ກ່ອນອື່ນຄະນະຂອງ ທ່ານຮອງປະທານປະເທດແມ່ນໄດ້ຮັບຟັງການລາຍງານຫຍໍ້ກ່ຽວກັບການພັດທະນາ ເສດຖະກິດ-ສັງຄົມຂອງແຂວງຈາກ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ໂດຍລວມແລ້ວ ເສດຖະກິດຂອງແຂວງ ໄຊຍະບູລີ ປີ 2019 ແມ່ນສືບຕໍ່ຂະຫຍາຍຕົວໃນລະດັບ 8%, ລວມຍອດຜະລິດຕະພັນພາຍໃນບັນລຸ 10.229 ຕື້​ກີບ, ສະ​ເລ່ຍ​ຕໍ່​ຫົວ​ຄົນ​ເທົ່າ​ກັບ 25,52 ລ້ານກີບ ຫຼື ເທົ່າກັບ 3.113 ໂດລາສະຫະລັດ, ດ້ານລາຍຮັບເຂົ້າງົບປະມານ ລວມທັງພູດສູນກາງ ແລະ ທ້ອງຖິ່ນປະຕິບັດໄດ້ 913,43 ຕື້ກີບ, ເທົ່າກັບ 94, 98%, ໃນນີ້: ພູດທ້ອງຖິ່ນປະຕິບັດໄດ້ 213,68 ຕື້ກີບ ເທົ່າກັບ 84,41% ແລະ ໄດ້ຄຸ້ມຄອງລາຍຈ່າຍໃຫ້ໄປຕາມລະບຽບກົດໝາຍ, ມູນຄ່າການສົ່ງອອກ 33,92 ລ້ານໂດລາສະຫະລັດ, ມູນຄ່າການນໍາເຂົ້າສິນຄ້າ 77,21 ລ້ານໂດລາສະຫະລັດ, ສາມາດຜະລິດເຂົ້າໄດ້ທັງໝົດ 152,000 ກວ່າໂຕນ, ການປູກພືດເປັນສິນຄ້າເຊັ່ນ: ປູກສາລີແຂງ ຜົນຜະລິດໄດ້ 189,343 ກວ່າໂຕນ, ມັນຕົ້ນ ຜົນຜະລິດໄດ້ 872.385,21 ໂຕນ, ໜາກເດືອຍ ຜົນຜະລິດໄດ້ 62,083 ໂຕນ, ຖົ່ວແດງ ຜົນຜະລິດ 12,202 ໂຕນ, ໝາກງາ ຜົນຜະລິດ 3,076 ກວ່າໂຕນ, ການລົງທຶນຂອງລັດປີຜ່ານມາໄດ້ຮັບເພດານການລົງທຶນບ້ວງປົກກະຕິທັງໝົດ 67,45 ຕື້ກີບ, ມີ 516 ໂຄງການ, ໃນນີ້ ໂຄງການລົງທຶນຂອງແຂວງຄຸ້ມຄອງ 40,78 ຕື້ກີບ ມີ 362 ໂຄງການ, ພື້ນຖານໂຄງລ່າງທີ່ຈໍາເປັນເຊັ່ນ: ຖະໜົນຫົນທາງ, ໄຟຟ້າ, ນໍ້າປະປາ ແມ່ນຮັບການແກ້ໄຂໂດຍພື້ນຖານ, ແຕ່ລະບ້ານມີຕາຂ່າຍໄຟຟ້າເຂົ້າເຖິງ, ອັດຕາການຊົມໃຊ້ໄຟຟ້າຄົວເຮືອນກວມ 97,87%, ອັດຕາການຊົມໃຊ້ນໍ້າສະອາດ ກວມ 87%, ໄດ້ເອົາໃຈໃສ່ໃນການປັບປຸງຍົກລະດັບຄຸນນະພາບການຮຽນ-ການສອນຂອງຄູ ແລະ ນັກຮຽນ, ມາຮອດປັດຈຸບັນໄດ້ຮັບຮອງຄອບຄົວພັດທະນາແລ້ວ 64.779 ຄອບຄົວ ກວມເອົາ 87,4% ແລະ ຮັບຮອງເປັນບ້ານພັດທະນາແລ້ວ 292 ບ້ານກວມ 87,47%, ຄອບຄົວທຸກຍາກຕາມດໍາລັດ 309/ນຍ ຍັງເຫຼືອ 1.202 ຄອບຄົວ ກວມເອົາ 1,6%, ບ້ານທຸກຍາກຍັງ 12 ບ້ານກວມເອົາ 2,77% ຂອງຈໍານວນບ້ານທັງໝົດ 433 ບ້ານ, ສໍາລັບປີ 2020 ແຂວງ ໄຊຍະບູລີ ຈະສືບຕໍ່ເຮັດໃຫ້ເສດຖະກິດຂະຫຍາຍຕົວບໍ່ໃຫ້ຫຼຸດ 8,2%, ລວມຍອດຜະລິດຕະພັນບັນລຸ 11.537 ຕື້ກີບ, ສະເລ່ຍຕໍ່ຫົວຄົນໃຫ້ໄດ້ 3.315 ໂດລາສະຫະລັດ, ສົ່ງອອກສິນຄ້າໃຫ້ໄດ້ 42,7 ລ້ານໂດລາ, ມູນຄ່າການນໍາເຂົ້າສິນຄ້າໃຫ້ຢູ່ໃນລະດັບ  24,2 ລ້ານໂດລາ, ຈາກນັ້ນ ທ່ານ ພັນ​ຄໍາ ວິ​ພາ​ວັນ ຮອງປະທານປະເທດ ກໍ່ໄດ້ໃຫ້ກຽດໂອ້ລົມຕໍ່ການນໍາຂອງແຂວງ, ກ່ອນອື່ນແມ່ນໄດ້ຍ້ອງຍໍຊົມເຊີຍຕໍ່ຜົນງານທີ່ແຂວງຍາດມາໄດ້ໃນໄລຍະຜ່ານມາ, ພ້ອມທັງໄດ້ຮຽກຮ້ອງໃຫ້ການນໍາຂອງແຂວງທຸກພາກສ່ວນຈົ່ງສືບຕໍ່ຮັກສາວັດທະນະທໍາ ແລະ ຮີດຄອງປະເພນີອັນດີງາມໄວ້ໃຫ້ໝັ້ນຄົງ, ຮັກສາຄວາມສາມັກຄີໃຫ້ເປັນປຶກແຜ່ນ, ສືບຕໍ່ເຮັດໃຫ້ຊາຍແດນມີຄວາມສະຫງົບໂດຍພື້ນຖານ, ເອົາໃຈໃສ່ແກ້ໄຂບັນຫາປະກົດການຫຍໍ້ທໍ້ໃນສັງຄົມໃຫ້ມີຄວາມຍຸຕິທໍາ, ຊຸກຍູ້ປະຊາຊົນບັນດາເຜົ່າໃນການຜະລິດເປັນສິນຄ້າ ດ້ວຍການປູກ-ການລ້ຽງ ຕິດພັນກັບການປຸງແຕ່ງເພື່ອສົ່ງອອກໃຫ້ຫຼາຍ, ແບ່ງຂັ້ນຄຸ້ມຄອງໃຫ້ຄະນະພັກແຕ່ລະຂັ້ນຢ່າງລະອຽດຊັດເຈນເພື່ອຄຸ້ມຄອງການຈັດເກັບລາຍຮັບເຂົ້າງົບປະມານ, ເຮັດໃຫ້ເສດຖະກິດຂະຫຍາຍຕົວຕາມແຜນການ ແລະ ສືບຕໍ່ດໍາເນີນກອງປະຊຸມໃຫຍ່ 3 ຂັ້ນໃຫ້ສໍາເລັດຕາມລະດັບຄາດໝາຍ.

ຂ່າວ-ພາບໂດຍ: ອຸ່ນເຮືອນ ໂພທິລັກ

ນັກຂ່າວຫ້ອງວ່າການແຂວງ ໄຊຍະບູລີ