ວັນທີ 27 ພະຈິກ 2021 ສປປ ລາວ ກວດພົບຜູ້ຕິດເຊື້ອ ໂຄວິດ 19 ທັງໝົດ 1,491 ຄົນ, ເສຍຊີວິດ 7 ຄົນ.

2. ເພດຍິງ, ອາຍຸ 50 ປີ, ອາຊີບ: ຄ້າຂາຍ, ບ້ານຫາດສະ, ເມືອງປາກທາ, ແຂວງບໍ່ແກ້ວ

– ພະຍາດປະຈໍາຕົວ: ຄວາມດັນເລືອດສູງ, ເຄີຍຜ່າຕັດໜີ້ວໄຂ່ຫຼັງໄດ້ 10 ປີ

– ຜ່ານມາບໍ່ໄດ້ສັກວັກຊີນກັນໂຄວິດ -19

– ວັນທີ 24 ພະຈິກ 2021 : ມາໂຮງໝໍດ້ວຍອາການຊຸດໂຊມທາງລະບົບຫາຍໃຈ,ຕົນຕົວກໍ່າແຫຼ້,

ກະວົນກະວາຍໄດ້ເກັບຕົວຢ່າງກວດຊອກຫາເຊື້ອcovid-19ພົບເຊື້ອ

ຄົນເຈັບເຂົ້າມາປິ່ນປົວຢູ່ຫ້ອງມໍລະສຸມ, ດ້ວຍລະບົບຫາຍໃຈຊຸດໂຊມ, ຕົນຕົວກໍ່າ

ແຫຼ້,ກະວົນກະວາຍ,ວັດແທກຄວາມດັນບໍ່ໄດ້ ແລະ ອົກຊີຕໍ່າ.

-ຮອດ ວັນທີ 25 ພະຈິກ 2021.ຄົນເຈັບມີໄດ້ເສຍ ຊີວິດ.

3. ເພດຊາຍ, ອາຍຸ 49 ປີ, ອາຊີບ: ເຮັດນາ, ບ້ານໂພນສະຫວ່າງ, ເມືອງຫ້ວຍຊາຍ, ແຂວງບໍ່ແກ້ວ

– ພະຍາດປະຈໍາຕົວ: ໄຂ່ຫຼັງຊຸດໂຊມ.

– ຜ່ານມາໄດ້ສັກວັກຊີນກັນໂຄວິດ -19 ຄົບ.

– ວັນທີ 19 ພະຈິກ 2021: ຜູ້ກ່ຽວໄດ້ເຂົ້າມານອນປິ່ນປົວຢູ່ໂຮງໝໍແຂວງດ້ວຍອາການງ່ວງຊືມແລະບໍ່ໄດ້ສະຕິໄດ້ເກັບຕົວຢ່າງກວດຊອກຫາເຊື້ອcovid-19 ພົບເຊື້ອ.

– ໄລຍະທີ່ນອນປິ່ນປົວຢູ່ມໍລະສຸມຂອງໂຮງໝໍດັ່ງກ່າວເປັນເວລາ 07 ວັນ

– ມາເວລາ 19:30 ໂມງຂອງວັນທີ 25 ພະຈິກ 2021: ຄົນເຈັບໄດ້ເສຍຊີວິດ.

4. ເພດຊາຍ, ອາຍຸ 73 ປີ, ບ້ານທົ່ງສ້າງນາງ, ເມືອງຈັນທະບູລີ, ນະຄອນຫລວງ

– ພະຍາດປະຈໍາຕົວ: 10 ປີຫລັງເປັນວັນນະໂລກປອດກິນຢາຄົບ, ເປັນເບົາຫວານແລະຄວາມດັນເລືອດສູງ

– ໄດ້ຢາສັກຢາວັກຊີນຄົບ

– ວັນທີ 15 ພະຈິກ 2021: ຄົນເຈັບມີໄອແຕ່ບໍ່ໄດ້ໄປກວດ

– ວັນທີ 18 ພະຈິກ 2021: ໄດ້ເກັບຕົວຢ່າງເພື່ອກວດຊອກຫາພະຍາດໂຄວິດ-19 ພົບເຊື້ອແລ້ວສົ່ງໄປສົ່ງສູນລ້ານຊ້າງ

– ວັນທີ 19 ພະຈິກ 2021: ຜູ້ກ່ຽວມີອາການຫນັກລົງຫາຍໃຈຝືດ, ໄອ, ອົກຊີຕໍ່າ, ກະວົນກະວາຍຈຶ່ງໄດ້ຍ້າຍມາ ຕິດຕາມຢູ່ໂຮງຫມໍມິດຕະພາບ

– ໄລຍະເວລາປີ່ນປົວຢູ່ໂຮງໝໍດັ່ງກ່າວເປັນເວລາ 8 ວັນ

– ຮອດເວລາ 06:10 ວັນທີ 26 ພະຈິກ 2021: ຄົນເຈັບໄດ້ເສຍຊີວິດ

5. ເພດຍິງ, ອາຍຸ 42 ປີ, ອາຊີບແມ່ເຮືອນ, ບ້ານດົງນາທອງ, ເມືອງສີໂຄດຕະບອງ, ນະຄອນຫຼວງວຽງຈັນ

-ບໍ່ມີພະຍາດປະຈໍາຕົວ ແລະ ບໍ່ໄດ້ສັກຢາວັກຊີນ

– ວັນທີ 22 ພະຈິກ 2021 ກວດພົບຕິດເຊື້ອໂຄວິດ-19

– ຮັບຄົນເຈັບທີ່ສົ່ງມາແຕ່ໂຮງໝໍເມືອງປາກງື່ມ (ຫຼັງການຜ່າຕັດເກີດລູກເວລາ

00:00 ໂມງ 24 ພະຈິກ 2021 ທີ່ໂຮງໝໍເມືອງປາກງື່ມ). ໄດ້ສົ່ງຕໍ່ປິ່ນປົວທີ່ໂຮງໝໍມິດຕະພາບ

o ເວລາຕໍ່ມາມີອາການຫາຍໃຈບໍ່ອິ່ມ,ຊັກ, ຄົນເຈັບກະວົນກະວາຍແລະບໍ່ໄດ້ສະຕິໄດ້ແຍ່ທໍ່ຊ່ວຍຫາຍໃຈ

o ເວລາ 15:30 ນທີຂອງວັນທີ 26 ພະຈິກ 2021: ຄົນເຈັບໄດ້ເສຍຊີວິດ

6. ເພດຊາຍ, ອາຍ72ປີ, ບ້ານທ່ານາແລ້ງ, ເມືອງຫາດຊາຍຟອງ, ນະຄອນຫລວງ

– ພະຍາດປະຈໍາຕົວ: ເບົາຫວານ

– ໄດ້ຮັບສັກຢາວັກຊີນຄົບສອງເຂັມ

– ຄົນເຈັບມີອາການບໍ່ສະບາຍມາໄດ້ປະມານສອງອາທິດແລະໄດ້ໄປຫາໝໍຫຼາຍຄຣິນິກແຕ່ອາການບໍ່ດີຂື້ນ

ວັນທີ26ພະຈິກ2021: ຜູ້ກ່ຽວມາກວດຢູ່ໂຮງໝໍກະເສມລາດດ້ວຍອາການຖອກທ້ອງໄດ້ເກັບຕົວຢ່າງເພື່ອກວດຊອກຫາເຊື້ອພະຍາດໂຄວິດ-19ພົບເຊື້ອແລະເວລາຕໍ່ມາຄົນເຈັບໜັກລົງແພດໄດ້ຊ່ວຍປ້ຳຫົວໃຈ ແລະ ເຊີດຊູ ແຕ່ຄົນເຈັບບໍ່ຕອບສະໜອງແລະ ໄດ້ເສຍຊີວິດລົງ.

7. ເພດຊາຍ, ອາຍ72ປີ, ບ້ານທ່ານາແລ້ງ, ເມືອງຫາດຊາຍຟອງ, ນະຄອນຫລວງ

– ພະຍາດປະຈໍາຕົວ: ເບົາຫວານຫລາຍກວ່າ03ປີແລະຄວາມດັນເລືອດສູງກິນຢາປະຈໍາ

– ໄດ້ສັກຢາວັກຊີນຄົບ

– ວັນທີ11ພະຈິກ2021: ຜົນກວດຢັ້ງຢືນພົບເຊື້ອພະຍາດໂຄວິດ-19ແລະໄດ້ກັກໂຕຢູ່ໂຮງແຮມລະອອງດາວ

– ມາຮອດທີ13ພະຈິກ2021: ຄົນເຈັບມີອາການເມື່ອຍແລະຫາຍໃຈບໍ່ສະດວກຈີ່ງສົ່ງເຂົ້າມາປົວຢູ່ໂຮງໝໍເສດຖາທິລາດເປັນເວລາ12ວັນ

– ມາຮອດເວລາ10:35ນາທີຂອງວັນທີ26ພະຈິກ2021: ຄົນເຈັບໄດ້ເສຍຊີວິດ

ຂໍສະແດງຄວາມເສຍໃຈນຳຄອບຄົວຜູ້ທີ່ເສຍຊີວິດ ມານະທີ່ນີ້ດ້ວຍ.

ຕໍ່ໄປ ຂ້າພະເຈົ້າຂໍແຈ້ງຈຸດບໍລິການເກັບຕົວຢ່າງ ເພື່ອກວດຫາເຊືື້ອ ໂຄວີດ-19 ທົ່ວປະເທດ

• ສໍາລັບຢູ່ຕ່າງແຂວງທ່ານສາມາດໄປເກັບຕົວຢ່າງກວດຊອກຫາເຊືື້ອໂຄວິດ-19ໄດ້ຢູ່ໂຮງໝໍແຂວງ, ໂຮງໝໍເມືອງ ຫຼື ຈຸດກວດເພີ້ມເຕີມທີ່ທາງຄະນະສະເພາະກິດຂອງແຂວງໄດ້ກຳນົດໄວ້ ພ້ອມດຽວກັນ ແຂວງກໍ່ຍັງມີບໍລິການກວດເຄື່ອນທີ່ ໃນຈຸດ ຫຼື ບ້ານ ທີ່ມີການລະບາດພາຍໃນເພື່ອຄົ້ນຫາຜູ້ຕິດເຊືື້ອໃໝ່.

• ສໍາລັບຈຸດກວດຢູ່ນະຄອນຫຼວງວຽງຈັນລາຍລະອຽດ ດັ່ງນີ້:

 ຈຸດກວດຄົງທີ່(ກວດວັນຈັນ ຫາ ອາທິດ) ເວລາ 9:00–11:30 ໂມງມີ:

-ສະໜາມກິລາໃນຮົ່ມ ບຶງຂະຫຍອງ

– ມັດທະຍົມ ຕົ້ນ ເຈົ້າອານຸວົງ

 ທີມກວດເຄື່ອນທີ່:

– ມີທີມກວດເຄື່ອນທີ່ ໃນເມືອງ ໄຊທານີ, ສີສັດຕະນາກ, ສີໂຄດຕະບອງ ເມືອງລະ 1 ທີມ

– ສ່ວນເມືອງນາຊາຍທອງ ແລະ ພະແນກສາທາລະນະສຸກນະຄອນຫຼວງວຽງຈັນ ມີ 02 ທີມ

• ສໍາລັບຈຸດບໍລິການສັກວັກຊີນຢູ່ນະຄອນຫຼວງວຽງຈັນມີຄື :

1. ໂຮງໝໍສູນກາງ (ມິດຕະພາບ, ມະໂຫສົດ, ເສດຖາທິລາດ, ໂຮງໝໍສູນກາງ 103 ກອງທັບ, ໂຮງໝໍ5 ເມສາ, ແມ່ ແລະ ເດັກເກີດໃໝ່, ໂຮງໝໍເດັກ).

2. ໂຮງໝໍເມືອງ 9 ຕົວເມືອງ

3. ນອກຈາກນັ້ນກໍ່ມີໜ່ວຍບໍລິການສັກວັກຊີນນອກສະຖານທີ່ ຄື: ວັດຈີນ, ບ້ານ ດົງປາແລບ, ເມືອງຈັນທະບູລີ (ເປີດ ວັນຈັນ ຫາ ວັນສຸກ ໃນໂມງລັດຖະການ)

• ສຳລັບຈຸດບໍລິການວັກຊີນຢູ່ບັນດາແຂວງມີຄື: ໂຮງໝໍແຂວງ, ໂຮງໝໍເມືອງແລະຈຸດທີ່ຄະນະສະເພາະກິດກໍານົດໄວ້

ມາຮອດປັດຈຸບັນ ທົ່ວປະເທດມີບ້ານແດງທັງໝົດ:

• ບ້ານແດງໃນທົ່ວປະເທດມີ:1,042 ບ້ານ, 89 ເມືອງ ແລະ 17 ແຂວງ

• ບ້ານທີ່ກໍານົດເປັນເຂດແດງໃໝ່ມື້ວານນີ້ ມີ 9ບ້ານໃນ7 ເມືອງ4ແຂວງ

• ບ້ານແດງກາຍເປັນບ້ານເຫຼືອງໃນນະຄອນຫຼວງວຽງຈັນມີ 1 ບ້ານ : ບ້ານ ທ່າດອກຄຳ ເມືອງໄຊທານີ.

ອີກເທື່ອນື່ງສໍາລັບລາຍລະອຽດບັນດາຊື່ຂອງບ້ານແດງຕ່າງໆຂໍໃຫ້ບັນດາທ່ານຕິດຕາມໄດ້ໃນເຟສບຸກຂອງສູນຂ່າວສານການແພດ ແລະ ສຸຂະສຶກສາໄດ້

 ການເດີນທາງເຂົ້າມາ ສປປ ລາວ ຕາມຈຸດຜ່ານແດນໃນຂອບເຂດທົ່ວປະເທດ

ວັນທີ 26ພະຈິກ 2021 ມີຜູ້ເດີນທາງຜ່ານດ່ານເຂົ້າມາ ສປປ ລາວ ຈໍານວນ ທັງໝົດ 2,823ຄົນ.

ຮອດປະຈຸບັນທົ່ວປະເທດມີຜູ້ຈຳກັດບໍລິເວນທັງໝົດ4,388ຄົນ (ສູນ 2,731ຄົນແລະ ໂຮງແຮມ1,657ຄົນ) ໃນ86 ສູນ ແລະ 59 ໂຮງແຮມ.

ບັນດາທ່ານທີ່ນັບຖື ແລະ ຮັກແພງທັງຫຼາຍ

ມື້ນີ້ສະພາບຂອງການລະບາດພະຍາດໂຄວິດຢູ່ສປປລາວຍັງມີລາຍງານຕົວເລກເກີນ 1000 ຄົນ, ຊຶ່ງເປັນເວລາຊາວກ່ວາວັນ, ນະຄອນຫຼວງວຽງຈັນ, ແຂວງວຽງຈັນ, ຫຼວງພະບາງ, ຈຳປະສັກແລະໄຊຍະບຸລີແມ່ນມີລາຍງານຕົວເລກເພີ້ມຂື້ນສູງເປັນ3 ຕົວເລກສ່ວນແຂວງອື່ນນັ້ນແມ່ນຍັງມີຕົວເລກລາຍງານໃໝ່ແຕ່ລະວັນຊຶ່ງສາມາດສັງລວມໄດ້ວ່າທ່າອ່ຽງຂອງພະຍາດໂຄວິດ19 ແມ່ນຍັງຢູ່ແນວຂາຂື້ນແລະຍັງບໍ່ທັນເຖີງຈຸດສູງສຸດເທື່ອ! ແລະ ມື້ນີ້ກໍ່ເປັນອີກວັນທີ່ມີຄົນເຈັບເສຍຊີວິດພຽງມື້ດຽວເຖີງ 7 ຄົນ.ດັ່ງນັ້ນ,ໃຫ້ທຸກຄົນໃນສັງຄົມຍັງສືບຕໍ່ປ້ອງກັນຕົນເອງແລະໄປຮັບວັກຊີນດ່ວນຖ້າບໍ່ທັນໄດ້ຮັບ.

ພິທີເປີດການສັກຢາວັກຊີນໃຫ້ແກ່ກຸ່ມອາຍຸແຕ່12-17ປີໃນທ່ົວປະເທດແມ່ນເລີ່ມແຕ່ອາທິດຜ່ານມາ, ຊຶ່ງເປັນນິມິດໝາຍໃນການເພີ້ມອັດຕາການປົກຄຸມດ້ວຍສັກຊີນປ້ອງກັນໂຄວິດ19ໃຫ້ສູງຂື້ນ, ປະສິດທິພາບຂອງວັກຊີນທີ່ສັກໃຫ້ເດັກນ້ອຍແມ່ນເທົ່າທຽມກັບວັກຊີນທີ່ສັກໃຫ້ຜູ້ໃຫ່ຍແລະຜົນຂ້າງຄຽງກໍ່ແມ່ນໜ້ອຍແລະຄ້າຍຄືກັບໃນຜູ້ໃຫຍ່! ດັ່ງນັ້ນຈຶ່ງແຈ້ງໃຫ້ຜູ້ປົກຄອງແລະບັນດາທ່ານທີ່ກຳລັງຕິດຕາມແລະຮັບຊົມແມ່ນມີຄວາມໝັ້ນໃຈຕໍ່ຄວາມປອດໄພຂອງວັກຊິນທີ່ທາງກະຊວງສາທາລະນະສຸກໄດ້ຮອງຮັບ.

. ຕາມຂໍ້ມູນຂອງຜົນການສຶກສາໄດ້ຢັ້ງຢືນໃຫ້ເຫັນວ່າຜູ້ທີ່ບໍ່ໄດ້ສັກວັກຊີນແມ່ນມີໂອກາດເສຍຊີວິດຍ້ອນພະຍາດໂຄວິດ-19 ສູງເຖີງ14ເທົ່າເມື່ອສົມທຽບກັບຄົນທີ່ໄດ້ຮັບຢາວັກຊິນ. ນອກຈາກນັ້ນຄົນທີ່ບໍ່ໄດ້ຮັບວັກຊີນແມ່ນມີໂອກາດຕິດເຊື້ອໂຄວິດສູງເຖີງ6ເທົ່າເມື່ອສົມທຽບກັບຄົນທີ່ໄດ້ສັກຢາວັກຊິນ. ສະນັ້ນ ສັງລວມໄດ້ວ່າຄົນທີ່ໄດ້ຮັບການສັກຢາວັກຊີນມີໂອກາດຕິດເຊື້ອ ແລະ ເສຍຊີວິດໄດ້ໜ້ອຍ ເມື່ອສົມທຽບໃສ່ຄົນທີ່ບໍ່ໄດ້ສັກຢາວັກຊີນ.

ໃນປັດຈຸບັນສັງຄົມມັກຕັ້ງຄຳຖາມຂື້ນວ່າ: ການລະບາດຂອງພະຍາດໂຄວິດ19 ເມື່ອໃດຈະສີ້ນສຸດແລະຍາມໃດທີ່ເຮົາສາມາດກັບຄືນສູ່ຊີວິດປົກກະຕີ? ຕໍ່ຄຳຖາມດັ່ງກ່າວລັດຖະບານຫຼາຍໆປະເທດໄດ້ມີຄວາມເຫັນທີ່ຄ້າຍຄືກັນວ່າພວກເຮົາບໍ່ສາມາດຢຸດຕິການລະບາດໄດ້ຢ່າງສີ້ນເຊີງໄດ້, ພວກເຮົາຈະຕ້ອງໄດ້ຢູ່ຮ່ວມກັບໂຄວິດ-19ແຕ່ຈະຕ້ອງຊອກຫາວິທີຫຼືຍຸດທະສາດວ່າພວກເຮົາຈະອອກຈາກການລະບາດຄັ້ງນີ້ໄດ້ແນວໃດ? ເພາະການປິດຫຼືລ໊ອກດາວເມືອງຊຶ່ງເປັນມາດຕະການທີ່ເຄີຍປະຕິບັດຜ່ານມາແມ່ນບໍ່ແທດເໝາະສຳຫຼັບໄລຍະຍາວ, ເພາະຜົນກະທົບດ້ານເສດຖະກິດແລະສັງຄົມແມ່ນອາດຈະສູງເກີນຈະຮັບໄດ້. ແຕ່ມາຮອດປັດຈຸບັນຍັງບໍ່ທັນມີປະເທດໃດທີ່ມີຍຸດທະສາດເພື່ອອອກຈາກການລະບາດພະຍາດນີ້ໄດ້ເທື່ອ! ເຖີງຢ່າງໃດກໍ່ຕາມມີ 4ຢ່າງທີ່ພວກເຮົາຈະຕ້ອງເອົາໃຈໃສ່ປະຕິບັດ:

1) ການສັກຢາວັກຊີນ

2) ປະຊາຊົນຕິດເຊື້ອແມ່ນຖ້າຫາຍດີຈະສ້າງພູມປ້ອງກັນຕົນເອງ,

3) ການປ່ຽນແປງພຶດຕິກຳຫຼືເຮົາເອີ້ນວ່າວິຖີຊີວິດໃໝ່.

4) ປະຕິບັດຕາມຄຳແນະນຂອງຄະນະສະເພາະກິດວາງອອກໃນແຕ່ລະໄລຍະ

ແລະຖ້າປະຕິບັດໄດ້4ຢ່າງແມ່ນຈະເຮັດໃຫ້ເຊື້ອໂຄວິດເຖີງຈະຍັງຢູ່ແຕ່ຈະບໍ່ສາມາດແຜ່ສູ່ຊຸມຊົນໄດ້ໄວ!ແລະສີ່ງທີ່ຂະແໜງສາທາລະນະສຸກທຸກຂັ້ນກຳລັງສຸມໃສ່ແມ່ນເຮັດແນວໃດບໍໃຫ້ຄົນເຈັບລົ້ນໂຮງໝໍ,ໂດຍສະເພາະຕຽງໃນຫ້ອງICU ເພື່ອຫຼຸດຜ່ອນການເສັຍຊີວິດ! ພວກເຮົາຈະນຳໃຊ້ທຸກມາດຕະການເພື່ອຢຸດຢັ້ງການລະບາດດ້ວຍມາດຕະການຕ່າງໆທີ່ໄດ້ປະກາດອອກໃຊ້, ສີ່ງສຳຄັນແມ່ນດ້ວຍວັກຊີນແລະມາດຕະການປ້ອງກັນຕົນເອງແລະພວກເຮົາຈະຄ່ອຍຂະຫຍັບໃຫ້ເກີດມີພູມປ້ອງກັນໝູ່ຂອງຊຸມຊົນເກີດຂື້ນແລະກ້າວເຖີງຈະມີຈຳນວນຄົນຈຳນວນໜ້ອຍທີ່ຕິດເຊື້ອເທົ່ານັ້ນ, ຊຶ່ງແມ່ນເປົ້າໝາຍໄລຍະຍາວ.

ສຸດທ້າຍນີ້ ຄະນະສະເພາະກິດ ຂໍໃຫ້ທ່ານຕິດຕາມຂ່າວສານລະອຽດດ້ານອື່ນໆ ກ່ຽວກັບພະຍາດໂຄວິດ 19 ແລະ ສະຖານນະການຂອງປະເທດ ພ້ອມຄໍາແນະນໍາຕ່າງໆທີ່ເປັນປະໂຫຍດ ແລະ ຖືກຕ້ອງ ໄດ້ທີ່:

– ເວັບໄຊຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ພະຍາດໂຄວິດ-19 ກໍຄື www.covid19.gov.la ແລະ ເວັບໄຊ້ຂອງກົມຄວບຄຸມພະຍາດຕິດຕໍ່, ກະຊວງສາທາລະນະສຸກ www.cdc.gov.la

– ເຟດບຸກຂອງສູນຂ່າວສານການແພດ ແລະ ສຸຂະສຶກສາ, ກະຊວງສາທາລະນະສຸກ

– ວິທະຍຸກະຈາຍສຽງ, ໂທລະພາບ, ໜັງສືພິມ ແລະ ສື່ຕ່າງໆ ຂອງລັດຖະບານ

– ນອກຈາກນັ້ນ ຍັງສາມາດໂທສອບຖາມ ສາຍດ່ວນ 165 ຫຼື 166 ສໍາລັບສູນກາງ ແລະ ສາຍດ່ວນແຂວງ (ລະຫັດແຂວງ ຕາມດ້ວຍ 165 ຫຼື 166) ເພື່ອຂໍຄໍາແນະນຳ ແລະ ລາຍງານເຫດການ. ສໍາລັບຜູ້ທີ່ຕິດເຊື້ອສະໝັກໃຈປິ່ນປົວຢູ່ເຮືອນ ສາມາດສອບຖາມຂໍ້ແນະນໍາເພີ່ມເຕີມ ສາຍດ່ວນ 164.