10 ບ້ານ, 1.331 ຄອບຄົວ, ພົນລະເມືອງທັງໝົດ 5.857ຄົນຂອງເມືອງຄອບໄດ້ຮັບຜົນກະທົບ ຈາກໄພນ້ຳຖ້ວມ.
ນັບແຕ່ຕົ້ນເດືອນສິງຫາ ຫາວັນທີ21 ສິງຫາ 2024 ທີ່ຜ່ານມານີ້. ໄດ້ເກີດມີຝົນຕົກໜັກຫຼາຍວັນ ເຮັດໃຫ້ເກີດມີນ້ຳໄຫລຊຸ ແລະ ຖ້ວມບ້ານເຮືອນຂອງພໍ່ແມ່ປະຊາຊົນຢູ່ໃນຫລາຍບ້ານຂອງເມືອງຄອບ ແຂວງໄຊຍະບູລີ.
ບ້ານທີ່ຖືກຜົນກະທົບລວມມີທັງຫມົດ 10 ບ້ານ, 1.331 ຄອບຄົວ, ພົນລະເມືອງທັງໝົດ 5.857ຄົນ, ເຮືອນຖືກນ້ຳໄຫລຊຸບໍ່ສາມາດຢູ່ອາໄສໄດ້ 4 ຫລັງ, ສູນຫາຍ 1 ຄົນ, ຖ້ວມສຳນັກ ງານອົງການ 14 ແຫ່ງ, ໂຮງຮຽນ 4 ແຫ່ງ.
ສ່ວນມູນຄ່າຄວາມເສຍຫາຍ ພື້ນທີ່ໆໄດ້ຮັບຜົນກະທົບຫຼາຍໜ້ອຍປານໃດນັ້ນ ປັດຈຸບັນຄະນະຄວບຄຸມໄພພິບັດຂັ້ນເມືອງ ພວມລົງໄປສຳຫຼວດ ແລະ ເກັບກຳຂໍ້ມູນຜົົນກະທົບຈາກໄພ ພິບັດຄັ້ງນີ້ຢູ່.
ພາບ-ຂ່າວ: ພົມມະນີ ອິນສະຫວັນ
