ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

14 ເມສາ ບໍ່ມີຜູ້ຕິດເຊື້ອພະຍາດໂກວິດ 19 ຄົນເຈັບ 1ຄົນໄດ້ອອກໂຮງໝໍແລ້ວ

ສູນປະຕິບັດງານຄະນະສະເພາະກິດ ຄວບຄຸມ ພະຍາດໂກວິດ 19 ກະຊວງສາທາລະນະສຸກ ຖະແຫລງໃນຕອນບ່າຍວັນທີ 14 ເມສາ ນີ້ວ່າ: ມື້ນີ້ບໍ່ມີຜູ້ຕິດເຊື້ອພະຍາດໂກວິດ 19

ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ທັງເປັນຜູ້ປະຈຳການຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂພະຍາດໂຄວິດ 19 ໃຫ້ຮູ້ວ່າ : ໃນວັນທີ 13 ເມສາ 2020, ໄດ້ ເກັບຕົວຢ່າງມາກວດທັງໝົດ 50 ຄົນ, ໃນນັ້ນ ມີຜູ້ສຳຜັດໃກ້ຊິດ ກັບຜູ້ຕິດເຊື້ອ 6 ຄົນ, ກໍລະນີມີອາການສົງໄສ 44 ຄົນ, (ໃນນີ້ແຮງງານລາວ ທີ່ກັບມາແຕ່ໄທ 17 ຄົນ).ຜົນກວດທັງໝົດ 50 ກໍລະນີ ແມ່ນບໍ່ພົບເຊື້ອ

  • ການຕິດຕາມປີ່ນປົວຄົນເຈັບຢູ່ໂຮງໝໍ 19 ຄົນນັ້ນ
    • ຈຳນວນ 3 ຄົນຢູ່ໂຮງໝໍແຂວງຫຼວງພະບາງ ເຫັນວ່າມີອາການຄົງຕົວ ຂັ້ນເບົາບາງ ຍັງຕິດຕາມການກວດຫາເຊື້ອເພື່ອຢັ້ງຢືນ
    • ຈຳນວນ 16 ຄົນຢູ່ໂຮງໝໍມິດຕະພາບ ເຫັນວ່າ 1 ຄົນມີອາການປານກາງ, 15 ຄົນ ມີອາການເບົາບາງ ໃນນີ້ 1 ຄົນໄດ້ກວດວິເຄາະບໍ່ພົບເຊື້ອ 2 ຄັ້ງແລ້ວ ຊື່ງຈະພິຈາ ລະນາໃຫ້ອອກໂຮງໝໍ ໄປຕິດຕາມຕົນເອງ 14 ວັນ