ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

18ມື້ຜ່ານມາ ສປປ ລາວ ບໍ່ມີຜູ້ຕິດເຊື້ອພະຍາດໂກວິດ19, ຄົນເຈັບຈໍານວນ19ຄົນ ປິ່ນປົວຫາຍດີແລ້ວ 8ຄົນ.

ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດ ຄວບຄຸມພະຍາດໂກວິດ 19 ຖະແຫລງຕອນບ່າຍວັນທີ 30 ເມສານີ້ ເຖິງສະພາບການຄວບຄຸມພະຍາດໂກວິດ 19 ຢູ່ລາວວ່າ: ໃນວັນທີ 29 ເມສາ 2020, ໄດ້ເກັບຕົວຢ່າງມາກວດທັງໝົດ 10 ຄົນ, ໃນນັ້ນ ຜູ້ມີອາການສົງໄສມາກວດຢູ່ໂຮງໝໍ 8 ຄົນ, ເກັບຕົວຢ່າງຜູ້ຕິດເຊື້ອມາກວດຄືນ 2 ຄົນ,ໃນຈໍານວນຜູ້ມີອາການສົງໄສ 8 ຄົນ ມີນະຄອນຫຼວງວຽງຈັນ 6 ຄົນ,ຈຳປາສັກ 1 ຄົນ, ບໍລິຄຳໄຊ 1 ຄົນ, ຜົນກວດທັງໝົດ 10 ຄົນ ບໍ່ພົບເຊື້ອ. ໝາຍຄວາມວ່າໃນວັນທີ 29 ເມສາ 2020 ບໍ່ມີກໍລະນີໃໝ່.

ປະຈຸບັນ ມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍແຕ່ 11 ຄົນ ທີ່ນອນປິ່ນປົວຢູ່ທັງໝົດມີອາການເບົາບາງ, ຍັງຕິດຕາມເພື່ອກວດວິເຄາະຢັ້ງຢືນການບໍ່ພົບເຊື້ອ ຈຶ່ງໃຫ້ອອກໂຮງໝໍ.

ເຫັນວ່າ 18 ມື້ທີ່ບໍ່ມີຜູ້ຕິດເຊື້ອໃໝ່. ໃນຈໍານວນຜູ້ຕິດເຊື້ອສະສົມ 19 ຄົນ ກໍ່ໄດ້ອອກໂຮງໝໍແລ້ວ 8 ຄົນ ແລະ ຍັງເຫຼືອ 11 ຄົນ ທີ່ຈະໄດ້ສືບຕໍ່ຕິດຕາມ ປິ່ນປົວຕາມອາການຢ່າງໃກ້ຊິດ. ເຖິງສະພາບການລະບາດຜ່ອນຄາຍລົງຄືແນວນີ້ ແຕ່ພວກເຮົາກໍ່ບໍ່ໄດ້ປະໝາດ ແລະ ມີການເຝົ້າລະວັງຢ່າງໃກ້ຊິດ ເພື່ອສະກັດກັ້ນ ບໍ່ໃຫ້ມີການລະບາດຄືນຄັ້ງທີ 2.

ສຳລັບທຸກຄົນທີ່ເດີນທາງມາຈາກຕ່າງປະເທດ ເຂົ້າມາໃນ ສປປ ລາວ ລວມທັງແຮງງານລາວ ພວກເຮົາກໍ່ໄດ້ເກັບຕົວຢ່າງໄປກວດວິເຄາະຊອກຫາເຊື້ອ ແລະ ສົ່ງໄປຢູ່ສູນຈຳກັດບໍລິເວນ ຈົນຄົບກຳນົດ 14 ວັນ. ພວກເຮົາຍັງຈະໄດ້ສືບຕໍ່ປະຕິບັດຄຳສັ່ງເລກທີ 06/ນຍ ນີ້ ຈົນກວ່າຈະຮອດວັນທີ 3 ພຶດສະພາ 2020.

ຮອດວັນທີ 30 ເມສາ ທົ່ວໂລກມີຜູ້ຕິດເຊື້ອທັງໝົດ 3.218.401ຄົນ. ເສຍຊີວິດ 227.944 ຄົນ, ປົວຫາຍດີ 971.891ຄົນ. ໃນນັ້ນອາເມລິກາ ມີຜູ້ຕິດເຊື້ອ 1.063.255ຄົນ, ເສຍຊີວິດ 61.043ຄົນ. ລັດ ນິວຢອກເກີດສະພາບພະຍາດໜັກໜ່ວງທີ່ສຸດໃນທົ່ວປະເທດມີຜູ້ຕິດເຊື້ອພະຍາດເຖິງ 306.478 ຄົນ.

ສປ ຈີນ ມີຜູ້ຕິດເຊື້ອທັງໝົດ 62.868 ຄົນ, ເສຍຊີວິດ 4.633ຄົນ, ປົວຫາຍດີ 77.610ຄົນ.

ໄທ ມີຜູ້ຕິດເຊື້ອ 2.947ຄົນ, , ປົວຫາຍດີ 2.655ຄົນ, ເສຍຊີວິດ 54ຄົນ