ທ່ານ ດຣ ວຽງສີ ສຸພັກດີ ຫົວໜ້າພະ ແນກສາທາລະນະສຸກແຂວງ ໄດ້ຕາງໜ້າຄະນະສະເພາະກິດປ້ອງກັນ,ຄວບຄຸມ ແລະແກ້ໄຂການລະບາດພະຍາດໂຄວິດ- 19 ແຂວງຈໍາປາສັກ ໄດ້ຖະແຫຼງຂ່າວກ່ຽວກັບການຄວບຄຸມການລະຍາດພະຍາດໂຄວິດ -19 ວ່າ: ຜ່ານການກວດວິເຄາະທົ່ວແຂວງມີຜູ້ຕິດເຊື້ອໂຄວິດ -19 ໃໝ່ ຈໍານວນ 30 ຄົນ,ເຊິ່ງມີ ແຮງງານເດີນທາງເຂົ້າມາໃໝ່ 9 ຄົນ,ແຮງງານທີ່ສູນກັກກັນກວດຮອບທີສອງ ພົບເຊື້ອ 13 ຄົນຈາກນີ້ແມ່ນພະນັກງານເຈົ້າໜ້າທີ່ໆປະຈໍາສູນຫຼັກ 21 ຈໍານວນ 4 ຄົນ, ແພດ -ໝໍເຈໄ້າໜ້າທີ່ປະຈໍາດ່ານສາກົນວັງເຕົ່າ ຈໍານວນ 4 ຄົນ,ຕົວເລກສະສົມທົ່ວແຂວງມີຜູ້ຕິດເຊື້ອ 1.048 ຄົນ,ປົວຫາຍດີແລ້ວ 416 ຄົນ,ຍັງສືບຕໍ່ປິ່ນປົວຢູ່ໂຮງໝໍບໍລະເວນ 106 ກອງທັບ,ໂຮງໝໍພາກສະໜາມວິທະຍາໄລການເງິນພາກໃຕ້ ແລະ ຢູ່ໂຮງໝໍເມືອງໂພນທອງລວມຈໍານວນທັງໝົດ 632 ຄົນ.
ເພື່ອເປັນການປ້ອງກັນການລະບາດໄປສູ່ຊຸມຊົນ ທ່ານ ດຣ ວຽງສີ ສຸພັກດີ ໄດ້ຕາງ ໜ້າຄະນະສະເພາະກິດປ້ອງກັນ, ຄວບ ຄຸມ ແລະແກ້ໄຂການບະບາດພະຍາດໂຄວິດ-19 ແຂວງຈໍາປາສັກ ຍັງໄດ້ຮຽກຮ້ອງໃຫ້ ປະຊາຊົນບັນດາເຜົ່າທຸກພາກສ່ວນໃນສັງຄົມເປັນເຈົ້າການປະຕິບັດຄໍາສັ່ງເລກທີ 09 ຂອງທ່ານເຈົ້າແຂວງຈໍາປາສັກຢ່າງເຄັ່ງຄັດ, ສືບຕໍ່ປິດກິດຈະການຮ້ານກິນດື່ມບັນເທີງ,ຢຸດຂາຍສິ່ງມືນເມົາ, ຫຼີກ ເວັ້ນການພົບປະຊຸມແຊວໃນໄລຍະນີ້ ຂະນະດຽວກັນກໍຕ້ອງສືບຕໍ່ໃສ່ຜ້າປິດປາກ-ດັງ,ໝັ່ນລ້າງມືດ້ວຍສະບູ ຫຼື ເຈວລ້າງມືໃຫ້ເປັນນິໄສ ຈິ່ງຈະເຮັດໃຫ້ເປັນການປ້ອງກັນທີ່ດີ ແລະ ບໍ່ມີການຕິດເຊື້ອໄປສູ່ຊຸມຊົນຫຼາຍຂຶ້ນ.
ສ່ວນການສັກວັກຊິນຮອບໃໝ່ໃກ້ແກ່ປະຊາຊົນ ເຊັ່ນ:ວັກຊິນ ຈອນຊັນ ແອນ ຈອນຊັນ ຄາດວາວ່າ ຈະເລີມໃນອາທິດໜ້າ ເຊິ່ງສາມາດໄປລົງທະບຽນໄວ້ທີ່ສໍາງານແຕ່ລະເມືອງ,ນະຄອນ ເພື່ອຄວາມເປັນລະບຽບແລະ ບໍ່ແອອັດໃນເວລາສັກວັກຊິນ.
ເກດສະໜາ ແກ້ວສຸວັນນະແສງ
Loading...