ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

2 ສະຖາບັນການເງິນຈຸລະພາກຢູ່ແຂວງຫຼວງພະບາງ ເປີດການບໍລິການ ຜ່ານລະບົບທະນາຄານ

ພິທີເຊັນສັນຍາ ວ່າດ້ວຍການບໍລິການ ຜ່ານລະບົບທະນາຄານຂອງສະ ຖາບັນການເງິນຈຸລະພາກ ທີ່ຮັບເງິນຝາກສິນຊັບເມືອງເໜືອ ຈຳກັດ ແລະ ສະຖາບັນການເງິນຈຸລະພາກທີ່ຮັບເງິນຝາກ ຈຳປາລາວ ກັບ ທະນາຄານພັດທະນາລາວສາຂາແຂວງຫຼວງພະບາງ ຈັດຂຶ້ນໃນວັນທີ 1 ກັນຍາ 2020 ທີ່ຫ້ອງປະຊຸມຂອງທະນາຄານພັດທະນາລາວ.

ການເຊັນສັນຍາຄັ້ງນີ້ ເປັນການສ້າງບົດບາດການຮ່ວມມື ລະຫວ່າງທະ ນາຄານພັດທະນາລາວ ກັບຂົງເຂດສະຖາບັນການເງິນຈຸລະພາກ, ດ້ວຍການນໍາເອົາເຕັກໂນໂລຊີທີທັນສະໄໝເຂົ້າໃນການບໍລິການ ປະກອບສ່ວນໝູນໃຊ້ເຂົ້າໃນວຽກງານ, ການຄຸ້ມຄອງພະນັກງານ ແລະການຊໍາລະສິນເຊື່ອ ສໍາລັບລູກຄ້າຂອງສະບັນການເງິນຈຸລະພາກ, ເປັນຕົ້ນ: ການໃຫ້ບໍລິ ການຝາກ-ຖອນ ໃຫ້ແກ່ລູກຄ້າທະນາຄານພັດທະນາລາວ ແນໃສ່ສ້າງຄວາມສະດວກໃຫ້ແກ້ພະນັກງານ ແລະລູກຄ້າ ຂອງແຕ່ລະຝ່າຍ ໃຫ້ສາ ມາດດຳເນີນທຸລະກຳ ທາງດ້ານການເງິນໄດ້ສະດວກ ວ່ອງໄວ ແລະ ເຂົ້າມາໃຊ້ບໍລິການຫຼາຍຂື້ນ, ປະກອບສ່ວນກະຕຸກຊຸກຍູ້ປະຊາຊົນ ຫັນໄປສູ່ການນໍາໃຊ້ລະບົບເອເລັກໂຕນິກ ທີທັນສະໄໝໃນການຊຳລະສະສາງຫຼາຍຂື້ນ ຕາມແນວທາງນະໂຍບາຍຂອງພັກ-ລັດວາງອອກ, ທັງຮັບປະກັນຄວາມຖືກ ຕ້ອງ, ວອງໄວ ແລະປອດໄພ.

ຮ່ວມລົງນາມໃນພິທີຄັ້ງນີ້ ມີ ທ່ານ ສົມແພງ ລັດຕະນະວົງ ຫົວໜ້າທະ ນາຄານພັດທະນາລາວ ສາຂາແຂວງຫຼວງພະບາງ, ທ່ານ ສັນຕິ ອູ່ສິດທິເດດ ອຳນວຍການສະຖາບັນການເງິນຈຸລະພາກທີ່ຮັບເງິນຝາກສິນຊັບເມືອງເໜືອ ຈຳກັດ ແລະ ທ່ານ ສຸພົນ ຣາຊພົນ ອຳນວຍການກັບສະຖາບັນການເງິນຈຸລະພາກທີ່ຮັບເງິນຝາກ ຈຳປາລາວ ໂດຍມີພາກສ່ວນກ່ຽວຂ້ອງເຂົ້າ ຮ່ວມເປັນສັກຂີພະຍານ.

Cr: ແຫຼ້ ສຸລີນພອນ