ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

2 ເດືອນຜ່ານມາ ສປປ ລາວ ບໍ່ພົບຜູ້ຕິດເຊື້ອພະຍາດໂຄວິດ19

ປະຈຸບັນ ທົ່ວໂລກມີຜູ້ຕິດເຊື້ອພະຍາດໂຄວິດ19 ທັງໝົດ 7.424.067 ຄົນ, ເພີ່ມຂຶ້ນ 118.159 ຄົນ, ເສຍຊີວິດທັງໝົດ 417.605ຄົນ.

ດຣ. ສີສະຫວາດ ສຸດທານີລະໄຊ, ຮອງຫົວໜ້າ ກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຖະແຫລງຕໍ່ສື່ມວນຊົນ ຕອນເຊົ້າວັນທີ 11 ມິຖຸນານີ້ ທີ່ກະຊວງສາທາລະນະສຸກ ເຖິງສະພາບການເຝົ້າລະວັງ COVID-19 ຢູ່ ສປປ ລາວວ່າ: ມື້ຜ່ານມາຈໍານວນຜູ້ເດີນທາງເຂົ້າມາລາວ ມີທັງໝົດ 2,198 ຄົນ, ໃນນັ້ນຜ່ານດ່ານລາວ-ໄທ 1,240 ຄົນ , ຜ່ານດ່ານລາວ – ຫວຽດນາມ 597 ຄົນ,  ທຸກຄົນໄດ້ແທກອຸນຫະພູມຮ່າງກາຍ, ກວດຫາອາການຜິດປົກກະຕິ, ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກ​ໆຄົນມາກວດ ແລ້ວຈຶ່ງນຳສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ດຣ ສີສະຫວາດ ສຸດທານິລະໄຊ ໃຫ້ຮູ້ເຖິງວຽກງານກວດວິເຄາະຫາເຊື້ອວ່າ: ວັນທີ 10 ມິຖຸນາ 2020, ໄດ້ເກັບຕົວຢ່າງມາກວດວິເຄາະທັງໝົດ 207 ຄົນ, ໃນນັ້ນ ແຮງງານລາວກັບມາແຕ່ໄທ 182 ຄົນ, ແຮງງານຫວຽດນາມ 17 ຄົນ ແລະ ກໍລະນີສົງໄສ 8 ຄົນ.ແຕ່ຜົນກວດທັງໝົດແມ່ນບໍ່ພົບເຊື້ອ. ສະເພາະຢູ່ ສປປ ລາວ 60 ມື້ແລ້ວ ບໍ່ມີຜູ້ຕິດເຊື້ອໃໝ່, ຜູ້ຕິດເຊື້ອສະສົມ 19 ຄົນ ແມ່ນປິ່ນປົວດີ ແລະ ອອກໂຮງໝໍໝົດທຸກຄົນແລ້ວ.