ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມຄົບຄະນະບໍລິຫານງານພັກແຂວງຈຳປາສັກຄັ້ງທີ 11 ສະໄໜທີ VII ໄຂຂຶ້ນຢ່າງເປັນທາງການ

ກອງປະຊຸມຄົບຄະນະບໍລິຫານງານພັກແຂວງຈຳປາສັກຄັ້ງທີ 11 ສະໄໜທີ VII ໄຂຂື້ນຢ່າງເປັນທາງການໃນຕອນເຊົ້າວັນທີ 21 ມັງກອນ 2020 ຢູ່ທີ່ສຳນັກງານຫ້ອງວ່າການແຂວງ ໂດຍພາຍໃຕ້ການເປັນປະທານຂອງສະຫາຍ ປອ ບຸນຖອງ ດີວິໄຊ ກຳມະການສູນການພັກ ເລຂາພັກແຂວງ #ເຈົ້າແຂວງໆຈຳປາສັກ,ມີສະຫາຍຄະນະບໍລິຫານງານພັກແຂວງ,ເລຂາຄະນະພັກນະຄອນ,ເມືອງ,ຫົວໜ້າພະແນກການກົມກອງອອ້ມຂ້າງ,ອົງການຈັດຕັ້ງພາຄີຂອງພັກ,ອົງການຈັດຕັ້ງມະຫາຊົນ,ສັງຄົມ ແລະ ພະນັກງານການນຳກ່ຽວຂ້ອງຂອງແຂວງເຂົ້າຮ່ວມ. ກອງປະຂຸມຄົບຄະນະບໍລິຫານງານພັກແຂວງຄັ້ງທີ 11 ສະໄໝທີ VII ຄັ້ງນີ້,ໄຂຂື້ນເພື່ອສະຫຼຸບຕິລາຄາຄືນການຈັດຕັ້ງປະຕິບັດມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 9,ຄັ້ງທີ 10 ແລະມະຕິກອງປະຊຸມໃຫ່ຍຄັ້ງທີ VII ຂອງອົງຄະນະພັກແຂວງໃນໄລຍະ 4 ປີທີ່ຜ່ານມາ ແລະ ທິດທາງຈຸດສຸມໃນທ້າຍສະໄໝ,ຕີລາຄາການແກ້ໄຂຄວາມຫຸ້ຍງຍາກທາງດ້ານເສດຖະກິດ ~ ການເງີນ ແລະສ້າງຄວາມເຂັ້ມແຂງຂອງການຄຸ້ມຄອງມະຫາພາກ,ສະຫຼຸບວຽກງານພັດທະນາຊົນນະບົດແລະແກ້ໄຂຄວາມທຸກຍາກ,ການປັບປຸງກໍ່ສ້າງຮາກຖານການເມືອງ,ໃຫ້ເຂັ້ມແຂງໜັກແໜ້ນປະຈຳປີ2019 ແລະ ຄົ້ນຄ້ວາປະກອບຄຳເຫັນໃສ່ບັນດາວຽກງານສຳຄັນອື່ນໆອີກ ຊອກໃຫ້ໄດ້ບັນຫາຈຸດອອ່ນ,ຂໍ້ຄົງຄ້າງ ເພື່ອປັບປຸງແກ້ໄຂໃຫ້ດີຂື້ນ,ແນ່ໃສ່ເຮັເໃຫ້ທົ່ວແຂວງສືບຕໍ່ມີສະຖຽນລະພາບໝັກແໝ້ນທາງດ້ານການເມືອງ,ສັງຄົມມີຄວາມສະຫງົບໂດຍພື້ນຖານເສດຖະກິດ-ສັງຄົມຂະຫຍາຍຕົວ ແລະ ກ້າວຂື້ນບັນລຸໄດ້ຕາມຄາດໜາຍມະຕິກອງປະຊຸມໃຫ່ຍອົງຄະນະພັກແຂວງຄັ້ງທີVIIໄດ້ວາງອອກ. ກອງປະຊຸມຄົບຄະນະບໍລິຫານງານພັກແຂວງຈຳປາສັກຄັ້ງທີ 11 ສະໄໝທີ VII ນີ້ຈະດຳເນີນໄປຮອດວັນທີ24ມັງກອນຈື່ງສຳເລັດ.

ຂ່າວ: ເກດສະໜາ ແກ້ວສຸວັນນະແສງ