ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

101 ມື້ຜ່ານມາ ສ ປປ ລາວ ບໍ່ມີຜູ້ຕິດເຊື້ອໂຄວິດ19

ສາທາລະນະສຸກ ນອກຈາກ ຄວບຄຸມໂຄວິດ19 ແລ້ວຍັງເຝົ້າລະວັງພະຍາດໄຂ້ເລືອດອອກ ທີ່ພວມລະບາດຢູ່ໃນປະຈຸບັນ. ດຣ. ສີສະຫວາດ ສຸດທານີລະໄຊ, ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ.  ໃຫ້ຮູ້ໂອກາດຖະແຫລງຂ່າວປະຈໍາວັນທີ 22 ກໍລະກົດນີ້ວ່າ: ການເຝົ້າລະວັງ COVID-19 ຢູ່ ສປປ ລາວ ຮອດ !17 ໂມງ ວັນທີ 21 ກໍລະກົດ 2020  ທົ່ວປະເທດມີຜູ້ເດີນທາງເຂົ້າມາ ທັງໝົດ 2,017 ຄົນ, ໃນນັ້ນຈຸດຜ່ານດ່ານລາວ-ໄທ 1,296 ຄົນ ມີແຮງງານລາວກັບມາແຕ່ໄທ 110 ຄົນ; ຈຸດຜ່ານດ່ານລາວ – ຈີນ 46 ຄົນ ໃນນີ້ມີ ຄົນຈີນ 24 ຄົນ ເຫຼືອນັ້ນ ແມ່ນຄົນຂັບລົດສົ່ງສິນຄ້າ ຈຸດຜ່ານດ່ານລາວ – ຫວຽດນາມ 675 ຄົນ ໃນນີ້ ມີນັກສຶກສາລາວ 10 ຄົນ ແລະ ພະນັກງານການທູດ 2 ຄົນ ເຫຼືອນັ້ນ ແມ່ນຄົນຂັບລົດສົ່ງສິນຄ້າ ທຸກຄົນແມ່ນໄດ້ແທກອຸນຫະພູມຮ່າງກາຍ, ແລະ ໄດ້ເກັບຕົວຢ່າງມາກວດ ແລ້ວສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ: ວັນທີ 21 ກໍລະກົດ 2020, ໄດ້ເກັບຕົວຢ່າງມາກວດວິເຄາະທັງໝົດ 66 ຄົນ, ໃນນັ້ນແຮງງານລາວມາແຕ່ໄທ 32 ຄົນ, ບຸກຄົນທົ່ວໄປມີອາການ 3 ຄົນ ແລະ ບຸກຄົນທົ່ວໄປທີ່ບໍ່ມີອາການ 31 ຄົນ; ຜົນກວດທັງໝົດແມ່ນ ບໍ່ພົບເຊື້ອ,   ສັງລວມ ແຕ່ເດືອນມັງກອນ ຮອດ ວັນທີ 21 ກໍລະກົດ 2020 ໄດ້ເກັບຕົວຢ່າງມາກວດທັງໝົດ 23,825 ຕົວຢ່າງ, 101 ມື້ແລ້ວທີ່ບໍ່ພົບຜູ້ຕິດເຊື້ອໃໝ່.

ຮອງຫົວໜ້າກົມຄວບຄຸມພະຍາດຕິດຕໍ່ ໃຫ້ຮູ້ເຖິງ ສະພາບຂອງພະຍາດໄຂ້ຍຸງລາຍວ່າ: ວັນທີ 21 ກໍລະກົດ 2020  ສປປ ລາວ ມີຜູ້ຕິດເຊື້ອທັງໝົດ 63 ກໍລະນີ, ນັບແຕ່ວັນທີ 01/01/2020-21/07/2020 ມີຜູ້ຕິດເຊື້ອກໍລະນີສະສົມທັງໝົດ 3,504 ຄົນ ຫຼາຍກວ່າໝູ່ແມ່ນ ນະຄອນຫຼວງວຽງຈັນ ມີເຖິງ 736 ຄົນ, ຖັດລົງມາແມ່ນແຂວງ ວຽງຈັນ 409 ກໍລະນີ, ບໍລິຄຳໄຊ 399 ກໍລະນີ  ແລະ ແຂວງອັດຕະປື 360 ກໍລະນີ ມີຜູ້ເສຍຊີວິດຍ້ອນພະຍາດໄຂ້ຍຸງລາຍ ທັງໝົດ 8 ຄົນ ໃນນັ້ນນະຄອນຫຼວງວຽງຈັນ 3 ຄົນ, ບໍລິຄຳໄຊ 2 ຄົນ, ຄຳມ່ວນ 1 ຄົນ, ໄຊຍະບູລີ 1 ຄົນ ແລະ ຊຽງຂວາງ 1 ຄົນ.