ໃນຕອນເຊົ້າຂອງວັນທີ 25 ພຶດສະພາ 2021, ກຸ່ມບໍລິສັດ ພົງຊັບທະວີ ກໍ່ສ້າງເຂື່ອນໄຟຟ້ານ້ຳຕ່າຍ ໄດ້ນຳເອົາອຸປະ ກອນຕ້ານການລະບາດພະຍາດໂຄວິດ 19 ມາມອບໃຫ້ຄະນະສະເພາະກິດ ເມືອງທ່າໂທມ ຊຶ່ງເຄື່ອງທີ່ນຳມາມອບ ໃນຄັ້ງນີ້ ປະກອບມີ: ຜ້າປິດປາກ-ດັງ ຈຳນວນ 5 ແກັດ, ເຈວລ້າງມື ຈຳນວນ 100 ກ່ອງ, ເຄື່ອງວັດແທກອຸນຫະພູມແບບຕັ້ງ 5 ຊຸດ ແລະ ແບບມືຖື ຈຳນວນ 5 ເຄື່ອງ ລວມມູນຄ່າທັງໝົດ ຈຳນວນ 20.000.000 ກວ່າກີບ ຊຶ່ງມອບໂດຍທ່ານ ອຸ່ນຄຳ ພອນພູໄຊ, ຫົວໜ້າໂຄງການກໍ່ສ້າງເຂື່ອນໄຟຟ້ານ້ຳຕ່າຍ ຕາງໜ້າໃຫ້ກຸ່ມບໍລິສັດ ພົງຊັບທະວີ ຈຳກັດ ຜູ້ດຽວ. ແລະ ກ່າວຮັບ ໂດຍ ທ່ານ ບຸນໜັກ ຈັນທະເສນ ຕາງໜ້າໃຫ້ຄະນະນຳ ຂອງເມືອງ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມເປັນສັກຂີພິຍານ.
ໂອກາດດັ່ງກ່າວ ຄະນະສະເພາະກິດ ຕ້ານການລະບາດຂອງພະຍາດໂຄວິດ 19 ຂັ້ນເມືອງ ໄດ້ກ່າວສະແດງຄວາມຂອບອົກຂອບໃຈ ຕໍ່ກຸ່ມບໍລິສັດ ພົງຊັບທະວີ ຈຳກັດຜູ້ດຽວ ທີ່ໄດ້ເປັນຫ່ວງເປັນໃຍ ພ້ອມທັງນຳເອົາເຄື່ອງຈຳນວນດັ່ງກ່າວ ມາມອບໃຫ້ຄະນະສະເພາະກິດ ຂັ້ນເມືອງໃນຄັ້ງນີ້ ແລະ ຈະນຳໃຊ້ເຂົ້າໃນວຽກງານຕ້ານການລະບາດ ຂອງພະຍາດໂຄວິດ 19 ໃຫ້ເກີດປະໂຫຍດສູງສຸດ ເພື່ອເຮັດໃຫ້ເມືອງທ່າໂທມ ຮັບປະກັນດ້ານຄວາມປອດໄພ ຢ່າງໜັກແໜ້ນ ແລະ ກ້າວເຂົ້າສູ່ສະພາບປົກກະຕິໂດຍໄວ.
ພາບ-ຂ່າວ: ນັກຂ່າວ ເມືອງທ່າໂທມ
Loading...