ຮ່ວມສະເຫຼີມສະຫຼອງ ວັນຄົບຮອບ 10 ປີ ຂອງກິດຈະກໍາແລ່ນຫຼວງພະບາງ ຮາຟມາຣາທອນ “ເເລ່ນເພື່ອເດັກນ້ອຍ” (Luang Prabang Half Marathon “Run For Children”) ເຊິ່ງຈະຈັດຂຶ້ນໃນວັນທີ 26 ຕຸລາ 2024, ທີ່ນະຄອນຫຼວງພະບາງ ເພື່ອລະດົມທຶນຊ່ວຍເຫຼືອເດັກນ້ອຍຢູ່ປະເທດລາວ
ກິດຈະກໍາແລ່ນຂອງພວກເຮົາມີໄລຍະທາງເເລ່ນທີ່ເໝາະສົມໃຫ້ກັບຜູ້ເຂົ້າຮ່ວມ (ນັກເເລ່ນ) ທຸກເພດ ທຸກໄວ ທຸກລະດັບ ນັບຕັ້ງເເຕ່ໄລຍະ 7 ກິໂລເເມັດ (7km), 14km ແລະ 21km. ຂໍເຊີນທຸກໆທ່ານມາເຂົ້າຮ່ວມກິດຈະກໍາແລ່ນຂອງພວກເຮົາ ເພື່ອມາສໍາຜັດກັບປະສົບການທີ່ໜ້າປະທັບໃຈ ແລະ ສະໜັບສະໜູນກິດຈະກໍາທີ່ໃຫ້ຜົນປະໂຫຍດດີໆເເກ່ສັງຄົມ
ທ່ານຄວນເຂົ້າຮ່ວມກິດຈະກໍາເເລ່ນຂອງພວກເຮົາຍ້ອນວ່າ ຄ່າທໍານຽມ ຫຼື ລາຍໄດ້ທັງໝົດທີ່ໄດ້ຈາກການລົງທະບຽນ 100% ເເມ່ນຈະມອບໃຫ້ກັບໂຮງໝໍເພື່ອນລາວສໍາລັບເດັກນ້ອຍ (Lao Friends Hospital for Children) ເຊິ່ງເປັນໂຮງໝໍເດັກແຫ່ງດຽວໃນປະເທດລາວ ທີ່ໃຫ້ການປິ່ນປົວເດັກນ້ອຍໂດຍບໍ່ເສຍຄ່າໃຊ້ຈ່າຍໃດໆ ໂດຍໃນເເຕ່ລະປີ ໂຮງໝໍຂອງພວກເຮົາ ໄດ້ໃຫ້ການປິ່ນປົວຮັກສາຊີວິດເດັກນ້ອຍຫຼາຍກວ່າ 40,000 ຄົນຕໍ່ປີ.
ປີ 2023 ຜ່ານມານີ້, ກິດຈະກໍາເເລ່ນຂອງພວກເຮົາໄດ້ຕ້ອນຮັບຜູ້ເຂົ້າຮ່ວມ (ນັກເເລ່ນ) ຫຼາຍກວ່າ 2,300 ຄົນ. ປີ 2024 ນີ້, ພວກເຮົາທຸກຄົນມາຮ່ວມກັນທໍາລາຍສະຖິຕິອັນເກົ່າ ແລະ ສ້າງຜົນກະທົບທີ່ຍິ່ງໃຫຍ່ກວ່າເກົ່າ! ຢ່າພາດໂອກາດດີໆເເບບນີ້, ເພື່ອເຂົ້າຮ່ວມກິດຈະກໍາເເລ່ນປະກອບສ່ວນ ໃນການຊ່ວຍຊີວິດເດັກນ້ອຍຢູ່ປະເທດລາວ ແລະ ສ້າງຄວາມຊົງຈໍາດີໆໄປດ້ວຍກັນ.
ສອບຖາມຂໍ້ມູນເພີ່ມຕື່ມກ່ຽວກັບການລົງທະບຽນ: +8562092763338
ແລ້ວພົບກັນໄວໆນີ້!
ທີ່ມາ: ໜັງສືພິມເສດຖະກິດ-ສັງຄົມ
