ວັນທີ 24 ມີຖຸນາ 2021 ນີ້ຢູ່ທີ່ກອງບັນຊາການທະຫານແຂວງ ໄດ້ມີພິທີມອບ-ຮັບ ຜູ້ຖືກຫາທີ່ຂົນສົ່ງສິ່ງເສບຕິດປະເພດກັນຊາ ພ້ອມເຄື່ອງຂອງກາງກັນຊາຈຳນວນ 18 ແທ່ງ(ສິບແປດແທ່ງ) ແລະ ຢາເສບຕິດ(ຢາບ້າ)ຈໍານວນ 32 ຖົງນ້ອຍ ລະຫວ່າງ ເຈົ້າໜ້າທີ່ກອງບັນຊາ ການທະຫານແຂວງສະຫວັນນະເຂດ ກັບກອງບັນຊາການ ປກສ ແຂວງສະຫວັນນະເຂດ ເຊິ່ງກ່າວມອບໂດຍນ ທ່ານ ພັທ ພັນວິໄຊ ລາດສະຍົນ ຫົວໜ້າຫ້ອງເສນາ ກອງບັນຊາການທະຫານ ແຂວງ ແລະ ກ່າວຮັບໂດຍທ່ານ ພັທ ບຸນເລີດ ຂະທຸມພົມ ຮອງກອງບັນຊາການ ປກສ ແຂວງ ມີຄະນະຫ້ອງ ປກຊ-ປກສ ແຂວງ, ພະແນກຕຳຫຼວດສະກັດກັ້ນແລະຕ້ານຢາເສບ ຕິດ, ເຈົ້າໜ້າທີ່ທະຫາຊາຍແດນ324ແລະພາກສ່ວນທີ່ກ່ຽວຂ້ອງເຂົ້າຮວ່ມ.
ທ່ານ ພັນໂທ ບຸນເລີດ ຂະທຸມພົມ ຮອງກອງບັນຊາການ ປກສ ແຂວງສະ ຫວັນນະເຂດ ໃຫ້ຮູ້ຕື່ມອີກວ່າ: ຜູ້ຖືກຫາແລະເຄື່ອງຂອງກາງປະເພດກັນຊາຈໍານວນດັ່ງກ່າວ ແມ່ນທາງເຈົ້າໜ້າທີ່ວິຊາສະເພາະກອງບັນຊາການທະຫານແຂວງໄດ້ຢຶດມາໄດ້ ໃນວັນທີ 24 ມິຖຸນາ 2021 ເວລາປະມານ 06 ໂມງ ເຈົ້າໜ້າທີ່ທະຫານຊາຍແດນ 324 ໄດ້ອອກເຄື່ອນ ໄຫວກວດກາ ລາດຕະເວນຕາມຂອບ ເຂດຄວາມຮັບຜິດຊອບ ເວລາ 09 ໂມງ 30 ນາທີຂອງວັນດຽວກັນ ໄດ້ພົບເຫັນເຮືອ ທີ່ຕ້ອງສົງໃສແລ່ນອອກ ຈາກທ່ານໍ້າປະປາ ຂອບເຂດບ້ານ ນາແກ ນະຄອນໄກສອນ ພົມວິຫານ ແຂວງ ສະຫວັນນະເຂດ ແລ່ນເວັ້ນດອນກາງຂອງຈຸດ ກວດກາ ຂອງເຈົ້າໜ້າທີ່ທະຫານຊາຍແດນ ມຸ້ງຫນ້າຂ້າມໄປຝັ່ງປະເທດໄທດັ່ງນັ້ນ ເຈົ້າ ໜ້າທີ່ຈິ່ງລັດສະກັດເຮືອລໍາດັ່ງກ່າວໃຫ້ຈອດເພື່ອ ກວດກາ ພາຍຫຼັງຢຸດເຮືອໄດ້ແລ້ວພົບເຫັນເປົ້າໝາຍສົງໃສເປັນຄົນຂັບເຮືອ 01 ຄົນຄື: ທ້າວ ພອນສະຫວັນ ຫຼື ຫຳ ອາຍຸ 24 ປີ, ກໍາມະກອນ ບ້ານ ວຽງສະຫວັນ ນະຄອນໄກສອນ ພົມວິຫານ ແຂວງ ສະຫວັນນະເຂດ ກວດຄົ້ນໃນເຮືອພົບເຫັນ ກັນຊາ ແຫ້ງອັດແທ່ງ ຈໍານວນ 18 ແທ່ງ(ສິບແປດແທ່ງ) ກັບ 06 ໂຄ້ນ(ຫົກໂຄ້ນ), ສ່ວນຢາເສບຕິດ(ຢາບ້າ)ຈໍານວນ 32 ຖົງນ້ອຍ ດັ່ງກ່າວແມ່ນທາງເຈົ້າໜ້າທີ່ທະຫານກອງຮອ້ຍຊາຍ ແດນ 324ຢຶດມາໄດ້ , ຈາກນັ້ນທາງກອງບັນຊາການທະຫານແຂວງ ຈິ່ງໄດ້ປະສານສົມທົບ ກັບ ກອງບັນຊາການ ປກສ ແຂວງ ເພື່ອມອບຕົວຜູ້ຖືກຫາ ແລະ ເຄື່ອງຂອງກາງປະເພດກັນຊາແລະຢາບ້າ ໃຫ້ພະແນກວິຊາສະເພາະປກສແຂວງ ເພື່ອດໍາເນີນການສືບສວນ-ສອບສວນ ຕາມຂັ້ນຕອນຂອງກົດຫມາຍ, ປະຈຸບັນເຄື່ອງຂອງກາງ ກັນຊາ ຈໍານວນດັ່ງກ່າວ ທາງເຈົ້າໜ້າທີ່ ປກສ ແຂວງ ເກັບຮັກສາໄວ້. ສ່ວນ ເຮືອຈັກ(ເຮືອໄມ້) ພ້ອມຈັກເຮືອ 01 ເຄື່ອງ ຄວາມແຮງ 13 ແຮງມ້າ ທາງເຈົ້າໜ້າທີ່ ທະຫານຊາຍແດນຮັກສາໄວ້.
Loading...