ວັນທີ 28 ຕຸລາ 2020 ທີ່ບໍລິສັດ ລາວ ໂທລະຄົມມະນາຄົມ ມະຫາຊົນ, ນະຄອນຫລວງວຽງຈັນ ໄດ້ຈັດພິທີເຊັນສັນຍາວ່າດ້ວຍການເປັນຄູ່ຮ່ວມທຸ ລະກິດ ລະຫວ່າງ ບໍລິສັດ ລາວ ໂມບາຍມັນນີ ຈໍາກັດຜູ້ດຽວ, ບໍລິສັດ ພິທີທີ (ລາວ) ຈຳກັດ ແລະ ບໍລິສັດ ລາວ ເບເວີເຣຊ ຈຳກັດຜູ້ດຽວ ເພື່ອເຊື່ອມຕໍ່ລະ ບົບການຊຳລະຜ່ານ ບໍລິການ ເອັມມັນນີ (M Money) ກະເປົາເງິນເທິງມືຖື ໂດຍມີ ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ, ທ່ານ ມົນໄຊ ບຸນອິ່ມ ຜູ້ອຳນວຍການບໍລິສັດ ພີທີທີ ລາວ ຈຳກັດ ແລະ ທ່ານ ວີເພັດ ສີຫາຈັກຣ໌ ປະທານ ບໍລິສັດ ລາວ ເບເວີ ເຣຊ ຈຳກັດຜູ້ດຽວ ແລະ ພະນັກງານທີ່ກ່ຽວຂ້ອງເຂົ້າຮ່ວມ.

ຈຸດປະສົງການເຊັນສັນຍາຄັ້ງນີ້ ເພື່ອເປີດຕົວຄູ່ຮ່ວມທຸລະກິດ ທັງ 02 ບໍ ລິສັດ ຄື: ບໍລິສັດ ພິທີທີ ລາວ ຈໍາກັດ ແລະ ບໍລິສັດ ລາວ ເບເວີເຣຊ ຈຳກັດຜູ້ດຽວ ຢ່າງເປັນທາງການ ໂດຍເຊື່ອມຕໍ່ລະບົບການຊຳລະຜ່ານ ກະເປົາເງິນເທິງມືຖື M Money ເພື່ອແນໃສ່ຕອບສະຫນອງຄວາມຕ້ອງການຂອງລູກ ຄ້າ, ອຳນວຍຄວາມສະດວກໃຫ້ລູກຄ້າ ແລະຄູ່ຮ່ວມທຸລະກິດໃນການຊຳລະເງິນຮູບແບບໃຫມ່ ຜ່ານກະເປົາເງິນດິຈິຕ້ອນເທິງມືຖື M Money ທີ່ມີຄວາມທັນສະໄຫມ, ສະດວກ, ງ່າຍ, ວ່ອງໄວ ແລະປອດໄພ ໄດ້ມາດຕະຖານສາກົນ ພາຍໃຕ້ຄຳຂວັນໃຫ້ຊີວິດງ່າຍຂຶ້ນ ຕາມຍຸກດິຈິຕ້ອນ.

ຮ່ວມລົງນາມໃນພິທີຄັ້ງນີ້ ມີ ທ່ານ ທັນສະໄໝ ຊາມຸນຕີ ຜູ້ອຳນວຍ ການ ບໍລິສັດ ລາວ ໂມບາຍມັນນີ ຈຳກັດຜູ້ດຽວ, ທ່ານ ມົນໄຊ ບຸນອິ່ມ ຜູ້ອຳນວຍການບໍລິສັດ ພີທີທີ ລາວ ຈຳກັດ ແລະ ທ່ານ ວີເພັດ ສີຫາຈັກຣ໌ ປະທານ ບໍລິສັດ ລາວ ເບເວເຣດຊ ຈຳກັດຜູ້ດຽວ.

ບໍລິການຂອງ ບໍລິສັດ ພີທີທີ ລາວ ຈຳກັດ ທີ່ຮັບຊຳລະຜ່ານ ກະເປົາເງິນເທິງມືຖື ເອັມມັນນີ ລວມມີ ການຕື່ມນໍ້າມັນ ທີ່ປ້ຳນໍ້າມັນ ພີທີທີ ທຸກປ້ຳທົ່ວປະເທດ, ການປ່ຽນນ້ຳມັນເຄື່ອງ PTT Lubrican, ສູນບໍລິການລົດຍົນ Fit Auto, ສູນບໍລິການລົດຍົນ Pro Check, ຮ້ານ ຄ່າເຟ ອາເມຊອນ, ຮ້ານເຂົ້າປຽກປູປາກເຊ, ຮ້ານຊານົມໄຂ່ມຸກ ເພີລີ້ທີ.

ສ່ວນ ບໍລິການຂອງ ບໍລິສັດ ລາວ ເບເວີເຣຊ ຈຳກັດຜູ້ດຽວ ທີ່ຮັບຊຳລະຜ່ານ ກະເປົາເງິນເທິງມືຖື ເອັມມັນນີ ລວມມີ ຮ້ານອາຫານ MK (ສາຂາ 1, 2), ຮ້ານ Daiso ( ສາຂາ 1, 2 ), ຮ້ານ Miyazaki, ຮ້ານ Delilao Coffee ແລະ ຮ້ານ Hard Rock Cafe.

ການຮ່ວມມືທາງທຸລະກິດໃນຄັ້ງນີ້ ເປັນບາດກ້າວນຶ່ງທີ່ສຳຄັນ ແລະເປັນບາດກ້າວທຳອິດໃນການຫັນການຊຳລະເງິນຮູບແບບໃຫມ່ ຜ່ານກະເປົາເງິນດິຈິຕ້ອນເທິງມືຖື M Money ເຂົ້າໃນຫົວຫນ່ວຍທຸລະກິດທີ່ທັນສະໄຫມ ແລະມີຄວາມຈຳເປັນໃນການດຳລົງຊີວິດປະຈຳວັນຂອງຜູ້ຄົນໃນທົ່ວປະເທດ ເປັນສ່ວນຫນື່ງໃນການສ້າງທ່າແຮງ, ຊຸກຍູ້, ເສີມສ້າງ ແລະຜັນຂະຫຍາຍເສດຖະກິດດິຈິຕ້ອນ, ຫລຸດຜ່ອນການນຳໃຊ້ເງິນສົດ ຕາມແຜນພັດທະນາເສດຖະກິດດິຈິຕ້ອນ ຂອງພັກ-ລັດ ໃຫ້ປະກົດຜົນເປັນຈິງ ຕາມວິໄສທັດຂອງ ບໍລິສັດ ລາວໂມບາຍມັນນີ ຈຳກັດຜູ້ດຽວ ເປັນຜູ້ນຳດ້ານການບໍ ລິການການເງິນດິຈິຕ້ອນ ໃນ ສປປ ລາວ.

 

ຂ່າວ: LTC
ພາບ: ຄຳນ້ອຍ

Loading...