ພິທີລົງນາມບົດບັນທຶກຮ່ວມ ວ່າດ້ວຍການກຳນົດກົນໄກປະສານງານ ລະຫວ່າງ ອົງການໄອຍະການປະຊາຊົນແຂວງອັດຕະປື ກັບ ສະພາການຄ້າ ແລະ ອຸດສາຫະກຳແຂວງ ແລະ ອົງການໄອຍະການປະຊາຊົນແຂວງ ກັບ ທະນາຄານການຄ້າຕ່າງປະເທດລາວ ມະຫາຊົນ ສາຂາ ແຂວງອັດຕະປື ໄດ້ຈັດຂຶ້ນໃນວັນທີ 14 ສິງຫາ 2024 ທີ່ຫ້ອງປະຊຸມທະນາຄານການຄ້າມະຫາຊົນ ສາຂາອັດຕະປື.
ວັດຖຸປະສົງ ຂອງການລົງນາມບົດບັນທຶກຮ່ວມ ວ່າດ້ວຍການກຳນົດກົນໄກປະສານງານ ລະຫວ່າງ ອົງການໄອຍະການປະຊາຊົນແຂວງ ກັບ ສະພາການຄ້າ ແລະ ອຸດສາຫະກຳແຂວງ ແລະ ອົງການໄອຍະການປະຊາຊົນແຂວງ ກັບ ທະນາຄານການຄ້າຕ່າງປະເທດລາວ ມະຫາຊົນ ສາຂາ ແຂວງອັດຕະປື ຄັ້ງນີ້ ແມ່ນເພື່ອປະຕິບັດຕາມທິດຊີ້ນໍາ ກໍ່ຄືບົດບັນທຶກຮ່ວມຂອງອົງການໄອຍະການປະຊາຊົນສູງສຸດ ກັບ ສໍານັກງານໃຫຍ່ ທະນາຄານການຄ້າຕ່າງປະເທດລາວ ມະຫາຊົນ ໃນຄັ້ງວັນທີ 19 ກັນຍາ 2023 ຜ່ານມາ ແລະ ແຈ້ງການຂອງຫ້ອງວ່າການປົກແຂວງ ອັດຕະປື ກໍ່ຄືການຕົກລົງເປັນເອກະພາບຂອງ ທັງ 3 ພາກສ່ວນຄື ອົງການໄອຍະການປະຊາຊົນແຂວງ, ສະພາການຄ້າ ແລະ ອຸດສາຫະກໍາແຂວງ ແລະ ທະນາຄານການຄ້າຕ່າງປະເທດລາວ ມະຫາຊົນ ສາຂາອັດຕະປື ໃນການຮ່າງບົດບັນທຶກຮ່ວມ ວ່າດ້ວຍການກໍານົດກົນໄກປະສານງານ ເຊິ່ງກັນ ແລະກັນ ໃນການເຄື່ອນໄຫວວຽກງານ ຕາມພາລະບົດບາດ, ສິດ ແລະ ໜ້າທີ່ ໃຫ້ມີປະສິດທິຜົນສູງ ແລະ ສອດຄ່ອງກັບລະບຽບກົດໝາຍ.
ຂ່າວ: ສິດຕິພອນ.
