ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນວັນທີ 11 ມັງກອນ 2024, 3 ພາກ ສ່ວນ ໄດ້ນຳເອົາມອບເງິນອຸປະຖໍາ ໃຫ້ກະຊວງປ້ອງກັນປະເທດ, ໃນນີ້ມີບໍລິສັດ ສະຕາໂທລະຄົມ ຈໍາກັດ ມອບເງິນ ຈຳນວນ 1.000.000 ໂດລາສະຫະລັດ, ກ່າວມອບໂດຍ ສະຫາຍ ພົນຈັດຕະວາ ບີມົວ ໄຟດາເຢຍຈ່າ ຮອງຜູ້ອໍານວຍການໃຫຍ່ ຈັດຕັ້ງ-ບໍລິຫານ ບໍລິສັດ ສະຕາໂທລະຄົມ ຈໍາກັດ ພ້ອມດ້ວຍຄະນະ; ບໍລິສັດ ເບສ ເທເລຄອມ ຈໍາກັດ ມອບເງິນຈຳນວນ 12 ຕື້ກວ່າກີບ, ກ່າວມອບໂດຍ ທ່ານ ລິດທິກອນ ພູມມະສັກ ຜູ້ອໍານວຍການໃຫຍ່ ບໍລິສັດ ເບສ ເທເລຄອມ ຈໍາກັດ ພ້ອມດ້ວຍຄະນະ ແລະ ບໍລິສັດ ເອັດເອັມຈີ ກຼຸບ ຈໍາກັດຜູ້ດຽວ ມອບເງິນ 2 ຕື້ກີບ, ກ່າວມອບໂດຍທ່ານ ເອກະພັນ ພະພິທັກ ປະທານ ບໍລິສັດ ເອັດເອັມຈີ ກຼຸບ ຈໍາກັດ ຜູ້ດຽວ ພ້ອມດ້ວຍຄະນະ ເພື່ອປະກອບສ່ວນຊຸກຍູ້ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ໂດຍການກ່າວຮັບຂອງສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີ ກະຊວງປ້ອງກັນປະເທດ, ມີບັນດາສະຫາຍຕາງໜ້າຈາກ 4 ກົມໃຫຍ່ ແລະ ຫ້ອງວ່າການ ກະຊວງປ້ອງກັນປະເທດ ເຂົ້າຮ່ວມ.
ໂອກາດນີ້, ສະຫາຍ ລັດຖະມົນຕີກະຊວງປ້ອງກັນປະເທດ ໄດ້ກ່າວສະແດງຄວາມຂອບໃຈມາຍັງ 3 ພາກສ່ວນດັ່ງກ່າວ ທີ່ໄດ້ມອບອຸປະຖໍາ ໃນຄັ້ງນີ້, ເພື່ອເປັນການປະກອບສ່ວນເຂົ້າໃນການ ສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໃຫ້ມີບັນຍາກາດຄືກຄື້ນ ແລະ ມີຜົນສຳເລັດສູງ.
ໂດຍ: ນາງ ນົກ ບຸນມາເລີດ