ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

32ມື໊ຜ່ານມາ ສປປ ລາວບໍ່ພົບຜູ້ຕິດເຊື້ອພະຍາດໂຄວິດ19ເພີ່ມ ຂະນະທີ່ທົ່ວໂລກມີຜູ້ຕິດເຊື້ອທັງໝົດ 4ລ້ານກວ່າຄົນ..

32 ມື້ຜ່ານມາ ສປປ ລາວ ບໍ່ມີຜູ້ຕິດເຊື້ອພະຍາດໂຄວິດ19ເພີ່ມ ຂະນະທີ່ທົ່ວໂລກມີຜູ້ຕິດເຊື້ອເຖິງ 4ລ້ານກວ່າຄົນ, ເສຍຊີວິດເກືອບ 3ແສນຄົນ. ຄົນເຈັບທີ່ຕິດເຊື້ອຢູ່ ສປປ ລາວທັງໝົດ 19ຄົນ, ປົວດີແລ້ວ14ຄົນ, ປິ່ນປົວຢູ່ໂຮງໝໍ ມິດຕະພາບ 5ຄົນ ຄາດວ່າອີກບໍ່ດົນຈະອອກໂຮງໝໍແລ້ວ:

ສຈ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດຄວບຄຸມໂຄວິດ19 ຖະແຫລງຕໍ່ສື່ມວນຊົນ ຕອນບ່າຍວັນທີ 14 ພຶດສະພານີ້ທີ່ສູນປະຕິບັດງານວ່າ:  ວຽກງານເຝົ້າລະວັງ ແລະ ວິເຄາະ ມື້ຜ່ານມາ ໄດ້ເກັບຕົວຢ່າງມາກວດທັງໝົດ 117 ຄົນ, ໃນນັ້ນ ມີກໍລະນີສົງໄສ 38 ຄົນ ແລະ ແຮງງານລາວທີ່ກັບມາຈາກປະເທດໄທ 79 ຄົນ, ກວດທັງໝົດແມ່ນບໍ່ພົບເຊື້ອ. ໝາຍຄວາມວ່າໃນວັນທີ 13 ພຶດສະພາ 2020 ບໍ່ມີຜູ້ຕິດເຊື້ອໃໝ່.

ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 13 ພຶດສະພາ 2020 ໄດ້ເກັບຕົວຢ່າງມາກວດທັງໝົດ ມີ 4,092 ຕົວຢ່າງ, ກວດພົບເຊື້ອສະສົມ 19 ຄົນ (32 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).

ທ່ານພູທອນ ເມືອງປາກ ໃຫ້ຮູ້ອີກວ່າ: ການຈັດຕັ້ງປະຕິບັດແຈ້ງການ 524/ຫສນຍ ກ່ຽວກັບການຜ່ອນຜັນບາງມາດຕະການ ຮອດວັນທີ 17 ພຶດສະພາ ນີ້ກໍ່ຍັງພຽງແຕ່ 2-3 ວັນ ແຕ່ຍັງມີຄວາມຈຳເປັນທີ່ຈະຕ້ອງໄດ້ເອົາໃຈໃສ່ ວິທີປ້ອງກັນການຕິດເຊື້ອ ແລະ ວິທີປ້ອງກັນການແຜ່ເຊື້ອພະຍາດ ເພື່ອສະກັດກັ້ນບໍ່ໃຫ້ມີກໍລະນີໃໝ່ເກີດຂຶ້ນ. ປັດໄຈສໍາຄັນທີ່ສຸດ ແມ່ນຂຶ້ນກັບຄວາມຮັບຜິດຊອບຂອງທຸກພາກສ່ວນທີ່ເປີດການບໍລິການຄືນໃໝ່ ວ່າຈະປະຕິບັດມາດຕະການໄດ້ຖືກຕ້ອງ ເຂັ້ມງວດສ່ຳໃດ ແລະ ຂື້ນກັບພຶດຕິກໍາຂອງພວກເຮົາໝົດທຸກຄົນທີ່ຈະປັບປຸງວິຖີຊີວິດໃໝ່ຂອງຕົນ ຕາມຄຳແນະນຳຂອງຄະນະສະເພາະກິດ.

ມາຮອດວັນທີ 14 ພຶດສະພາ ທົ່ວໂລກມີຜູ້ຕິດເຊຶ້ອ 4.422.833 ຄົນ, (ເພີ່ມຂຶ້ນ 85.033 ຄົນ), ເສຍຊີວິດ 297.800 ຄົນ, (ເພີ່ມ 5.204 ຄົນ), ປົວດີ 1.583.385 ຄົນ. ອາເມລິກາ : ຕິດເຊື້ອ 1.423.874 ຄົນ, (ເພີ່ມຂຶ້ນ 20.614 ຄົນ) ຫຼາຍເປັນອັນດັບ 1 ຂອງໂລກ (ເສຍຊີວິດ 83.041 ຄົນ (ເພີ່ມ 1.725 ຄົນ) – ຈີນແຜ່ນດິນໃຫຍ່ : ຕິດເຊື້ອ 82.929 ຄົນ, ເສຍຊີວິດ 4.633 ຄົນ, ປົວດີ 78.717 ຄົນ.

ສ່ວນປະເທດສະມາຊິກອາຊຽນ ມີຜູ້ຕິດເຊື້ອຄື: ສິງກະໂປ: ຕິດເຊື້ອ 25.346 ຄົນ, ເສຍຊີວິດ 21 ຄົນ, ປົວດີ 4.809 ຄົນ, ອິນໂດເນເຊຍ: ຕິດເຊື້ອ 15.438 ຄົນ, ເສຍຊີວິດ 1.028 ຄົນ, ປົວດີ 3.287 ຄົນ, ຟິລິປິນ: ຕິດເຊື້ອ 11.618 ຄົນ, ເສຍຊີວິດ 772 ຄົນ, ປົວດີ 2.251 ຄົນ, ມາເລເຊຍ: ຕິດເຊື້ອ 6.779 ຄົນ, ເສຍຊີວິດ 111 ຄົນ, ປົວດີ 5.281 ຄົນ ,ໄທ: ຕິດເຊື້ອ 3.017 ຄົນ, ເສຍຊີວິດ 56 ຄົນ, ປົວດີ 2.844 ຄົນ ຫວຽດນາມ: ຕິດເຊື້ອ 288 ຄົນ, ບໍ່ມີຜູ້ເສຍຊີວິດ , ປົວດີ 252 ຄົນ,  ມຽນມາ: ຕິດເຊື້ອ 181 ຄົນ, ເສຍຊີວິດ 6 ຄົນ, ປົວດີ 79 ຄົນ ບຣູໄນ: ຕິດເຊື້ອ 141 ຄົນ, ເສຍຊີວິດ 1 ຄົນ, ປົວດີ 134 ຄົນ, ກຳປູເຈຍ: ຕິດເຊື້ອ 122 ຄົນ, ບໍມີຜູ້ເສຍຊີວິດ, ປົວດີ 121 ຄົນ, ແລະຕີມໍເລສເຕ: ຕິດເຊື້ອ 24 ຄົນ, ບໍ່ມີຜູ້ເສຍຊີວິດ , ປົວດີ 21 ຄົນ