ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຜົນກວດວິເຄາະຫາເຊື້ອ ຄົນເຈັບ 5ຄົນ ທີ່ປິ່ນປົວຢູ່ໂຮງໝໍ ມື້້ວານນີ້ບໍ່ພົບເຊື້ອທັງ5ຄົນ

ໂອກາດຖະແຫລງຂ່າວຮ່ວມ ທ່ານພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການຄະນະສະເພາະກິດ ຄວບຄຸມໂຄວິດ19 ຖະແຫລງຕໍ່ສື່ມວນຊົນ ຕອນບ່າຍວັນທີ 20 ພຶດສະພານີ້ວ່າ: ວຽກງານຈຸດຜ່ານດ່ານ ມີຜູ້ເດີນທາງເຂົ້າມລາວທັງໝົດ 2,529 ຄົນ, ໃນນັ້ນ ຈຸດຜ່ານດ່ານລາວ-ໄທ ທັງໝົດ 1,655 ຄົນ, ມີແຮງງານລາວກັບມາຈາກປະເທດໄທທັງໝົດ 115 ຄົນ ເຊິ່ງຜ່ານດ່ານສາກົນຂົວມິດຕະພາບ ແຫ່ງທີ 1 ມີ 59 ຄົນ; ຜ່ານດ່ານສາກົນນໍໍ້າເຫືອງ, ແຂວງໄຊຍະບລີ 35 ຄົນ; ຜ່ານດ່ານສາກົນວັງເຕົົ່າ-ຊ່ອງເມັກ, ແຂວງຈໍາປາສັກ 21 ຄົນ; ເຫຼືອນັ້ນແມ່ນຄົນຂັບລົດສົົ່ງສິນຄ້າ.

ຈຸດຜ່ານດ່ານລາວຈີນ ທັງໝົດ 7 ຄົນ, ໃນນີ້ ມີຄົນລາວ 1 ຄົນ , ຄົນຈີນມາເຮັດວຽກຢູ່ເຂດເສດຖະກິດພິເສດ 4 ຄົນ ເຊິ່ງທັງໝົດ ເຂົ້າມາຜ່ານດ່ານບໍ່ເຕັນ, ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ.

ຈຸດຜ່ານດ່ານລາວຫວຽດ ທັງໝົດ 867 ຄົນ, ໃນນີ້ ຄົນຫວຽດນາມ ເຂົ້າມາວຽກທາງລັດຖະການ 12 ຄົນ ມາຜ່ານດ່ານນໍໍ້າກັ່ນ, ແຂວງຊຽງຂວາງ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ.

ໃນທຸກດ່ານ ແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້., ແຮງງານທັງໝົດໄດ້ເກັບຕົວຢ່າງມາກວດ ແລະ ນຳສົ່ງໄປຈຳກັດບໍລິເວນຢູ່ສູນຂອງແຂວງ ຈົນກ່ວາຈະຄົບກຳນົດ 14 ວັນ.

ທ່ານພູທອນ ເມືອງປາກ ໃຫ້ຮູ້ເຖິງວຽກງານການເຝົ້າລະວັງ ແລະ ວິເຄາະວ່າ: ວັນທີ 19 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 90 ຄົນ, ໃນນັ້ນ ມີກໍລະນີສົງໄສ 2 ຄົນ, ແຮງງານລາວທີ່ກັບມາແຕ່ໄທ 83 ຄົນ, ຜູ້ຕິດເຊື້ອນອນປິ່ນປົວຢູ່ໂຮງໝໍມິດຕະພາບ 5 ຄົນ. ຄືກໍລະນີທີ 7, 10, 16, 17 ແລະ 18. ຜົນກວດທັງໝົດຂອງມື້ວານນີ້ ບໍ່ພົບເຊື້ອ. ໝາຍຄວາມວ່າ ໃນວັນທີ 19 ພຶດສະພາ 2020 ບໍ່ມີຜູ້ຕິດເຊື້ອໃໝ່.

ຂະນະທີ່ທົ່ວໂລກມີຜູ້ຕິດເຊື້ອທັງໝົດ 4.976.855ຄົນ, ເພີ່ມຂຶ້ນ 90.780ຄົນ, ເສຍຊີວິດ323.607  ຄົນ, ປົວດີ 1.883.683   ຄົນ.

-ປະເທດອາເມລິກາ ຜູ້ຕິດເຊື້ອ 1,561,776 ຄົນ, ເສຍຊີວິດ 92,251 ຄົນ, -ຣັດເຊຍ ຜູ້ຕິດເຊື້ອ 299,941 ຄົນ, ເສຍຊີວິດ 2,837 ຄົນ, -ອິຕາລີ ຜູ້ຕິດເຊື້ອ 226,699 ຄົນ, ເສຍຊີວິດ 32,169 ຄົນ, -ແອັສປາຍ ຜູ້ຕິດເຊື້ອ 278,803 ຄົນ, ເສຍຊີວິດ 27,778 ຄົນ, -ຝຣັ່ງ ຜູ້ຕິດເຊື້ອ 180,809 ຄົນ, ເສຍຊີວິດ 28,022 ຄົນ, -ອັງກິດ ຜູ້ຕິດເຊື້ອ 248,818 ຄົນ, ເສຍຊີວິດ 35,341 ຄົນ.

ສ່ວນປະເທດສະມາຊິກອາຊຽນ: ສິງກະໂປ: ຕິດເຊື້ອ 28.794 ຄົນ, ເສຍຊີວິດ 22 ຄົນ, ປົວດີ 10.365 ຄົນ, ກວດຫາເຊື້ອທັງໝົດ 246.254 ຄົນ, ອິນໂດເນເຊຍ: ຕິດເຊື້ອ 18.496 ຄົນ, ເສຍຊີວິດ 1.221 ຄົນ, ປົວດີ 4.467 ຄົນ, ກວດຫາເຊື້ອທັງໝົດ 202.936 ຄົນ. ຟິລິປິນ: ຕິດເຊື້ອ 12.942 ຄົນ, ເສຍຊີວິດ 837 ຄົນ, ປົວດີ 2.843 ຄົນ, ກວດຫາເຊື້ອທັງໝົດ 244.800 ຄົນ. ມາເລເຊຍ: ຕິດເຊື້ອ 6.978 ຄົນ, ເສຍຊີວິດ 114 ຄົນ, ປົວດີ 5.646 ຄົນ, ກວດຫາເຊື້ອທັງໝົດ 462.257 ຄົນ. ໄທ: ຕິດເຊື້ອ 3.033 ຄົນ, ເສຍຊີວິດ 56 ຄົນ, ປົວດີ 2.857 ຄົນ, ກວດຫາເຊື້ອທັງໝົດ 286.008 ຄົນ. ຫວຽດນາມ: ຕິດເຊື້ອ 324 ຄົນ, ບໍ່ມີຜູ້ເສຍຊີວິດ, ປົວດີ 263 ຄົນ, ກວດເຊື້ອທັງໝົດ 275.000 ຄົນ. ມຽນມາ: ຕິດເຊື້ອ 193 ຄົນ, ເສຍຊີວິດ 6 ຄົນ, ປົວດີ 104 ຄົນ, ກວດເຊື້ອທັງໝົດ 15.137 ຄົນ. ບຣູໄນ: ຕິດເຊື້ອ 141 ຄົນ, ເສຍຊີວິດ 1 ຄົນ, ປົວດີ 136 ຄົນ, ກວດຫາເຊື້ອທັງໝົດ 17.636 ຄົນ. ກຳປູເຈຍ: ຕິດເຊື້ອ 122 ຄົນ, ປົວດີໝົດແລ້ວ, ກວດເຊື້ອທັງໝົດ 15.447 ຄົນ. ຕີມໍເລສເຕ: ຕິດເຊື້ອ 24 ຄົນ,  ປົວດີໝົດແລ້ວ, ກວດເຊື້ອທັງໝົດ 738 ຄົນ.