ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

4 ວິທີເພີ່ມຄວາມງາມແບບງ່າຍໆ ດ້ວຍນໍ້າກ້ອນ

ນໍ້າກ້ອນເຢັນໆ ນອກຈາກຈະຊ່ວຍດັບຄວາມຮ້ອນໃຫ້ເຮົາໄດ້ແລ້ວ ນໍ້າກ້ອນຍັງມີປະໂຫຍດກັບການແຕ່ງໜ້ານຳອີກດ້ວຍຖ້າຢາກໃຫ້ການແຕ່ງໜ້າງ່າຍຂຶ້ນ ແລະ ຜິວໜ້າໃຫ້ລຽບນຽນລອງໃຊ້ນໍ້າກ້ອນເປັນຕົວຊ່ວຍງ່າຍໆສາມາດເຮັດຕາມນີ້ໄດ້ເລີຍ

  1. ນໍ້າກ້ອນເຮັດໃຫ້ຊ່ວຍຫລຸດຮອຍແດງ ແລະ ຊໍ້າຈາການບີບສິວ

ສາວໆທີ່ຫ້າມໃຈຈາກການບີບສິວບໍ່ໄດ້ບີບຈົນເກີດຮອຍແດງຊໍ້າ ກ່ອນແຕ່ງໜ້າລອງໃຊ້ນໍໍ້າກ້ອນມາປະຄົບຕາມຮອຍແດງຊໍ້າປະມານ 5 ນາທີ ຈະຊ່ວຍໃຫ້ຮອຍແດງຈາງລົງໄດ້

  1. ນໍ້າກ້ອນຊ່ວຍຫລຸດຮິ້ວຮອຍຂອບຕາດຳໄດ້

ຫຼັງຈາກຄືນອັນໂຫດຮ້າຍສິ່ງທີ່ເຫຼືອໄວ້ຄືຮອຍດຳໃຕ້ຕາລອງໃຊ້ນໍ້າກ້ອນປະຄົບໃຕ້ຕາດຳຄໍ້າຄືໝີແພນດ້າຂອງທ່ານເບິ່ງ ແລະຫາກຢາກໃຫ້ໄດ້ຜົນດີລອງຊອຍໝາກແຕງເປັນປ່ຽງບາງໆວາງເທິງນໍ້າກ້ອນແລ້ວວາງໃສ່ໃຕ້ຕາມັນຈະຊ່ວຍລົດຮອຍດຳໄດ້ແລ້ວຍັງຊ່ວຍປຸກໃຫ້ທ່ານຕື່ນແບບສົດຊື່ນອີກດ້ວຍ

  1. ເປີດຜິວກ່ອນທາຄີມດ້ວຍນໍ້ຳກ້ອນ

ກ່ອນຈະທາຄີມ ຫຼື ລົງຮອງພື້ນກ່ອນແຕ່ງໜ້າຖ້າຢາກໃຫ້ຜິວໜ້າລຽບນຽນ ແລະ ຮອງພື້ນຕິດນຽນໄປກັບຜິວໜ້າໂດຍບໍ່ເກີດຄາບເຄັດລັບອີກຢ່າງໜຶ່ງທີ່ງ່າຍໆພຽງແຕ່ໃຊ້ນໍ້າກ້ອນວາງ ແລະ ອ້ອມເທິງໜ້າຄວາມເຢັນຈາກນໍ້າກ້ອນຈະຊ່ວຍກະຊັບຮູຂຸມຂົນໃຫ້ຊຶມຊັັບ ແລະ ຮັບເນື້ອຄີມໄດ້ດີກ່ວາ ຄີມ ຫລື ຮອງພື້ນທີ່ທ່ານທາຈະບໍ່ຕິດເປັນຄາບ ແລະ ນຽນກວ່າປົກກະຕິ

  1. ສະຄັບໜ້າຈາກນໍ້າກ້ອນ

ເພື່ອຜິວໜ້າທີ່ກະຈ່າງໃສນໍ້າກ້ອນຊ່ວຍໄດ້ເຊັ່ນກັນທ່ານສາມາດນຳນໍ້າກ້ອນມາເຮັດເປັນສະຄັບງ່າຍໆໃຊ້ໄດ້ອີກດ້ວຍໃຊ້ໝາກໄມ້ເຊັ່ນວ່າ: ໝາກແຕງ, ສະຕໍເບິຣີ່ ແຊ່ໃນນໍ້າສຳລັບເຮັດນໍ້າກ້ອນຈາກນັ້ນເມື່ອເປັນນໍ້າກ້ອນແລ້ວໃຫ້ນຳນໍ້າກ້ອນນັ້ນມາສະຄັບໜ້າຈະໃຫ້ຄວາມສົດຊື່ນ ແລະ ກົດອ່ອນໆ ຈາກໝາກໄມ້ຈະຊ່ວຍກຳຈັດເຊວຜິວເກົ່າທີ່ໝອງຄໍ້າເທິງໃບໜ້າໄດ້ອີກດ້ວຍ