ຕາມຂໍ້ມູນຈາກກອງເລຂາຕ້ານໄພພິບັດຂັ້ນເມືອງຊົນນະບູລີ ໃນວັນທີ 19 ຕຸລາ 2020 ນີ້ ໃຫ້ຮູ້ວ່າ: ປັດຈຸບັນເມືອງຊົນນະບູລີ ກໍາລັງປະສົບກັບໄພນໍ້າຖ້ວມຢ່າງໜັກບ້ານທີ່ໄດ້ຮັບຜົນກະທົບມີທັງໝົດ 40 ບ້ານ, 3.668 ຫຼັງ ຄາ, ພົນລະເມືອງ 24.450 ຄົນ, ເນື້ອທີ່ຖືກຖ້ວມ 5.735 ເຮັກຕາ, ສວນພຶດຜັກຖືກຖ້ວມ 176 ເຮັກຕາ, ໜອງປາ 235 ໜອງ, ລະບົບຊົນລະປະທານ 9 ແຫ່ງ, ປະຕູນໍ້າ 3 ແຫ່ງ, ໂຮງຮຽນທີ່ໄດ້ຮັບຜົນກະທົບ ແລະຕ້ອງໂຈະການຮຽນຊົ່ວຄາວມີ: ໂຮງຮຽນປະຖົມ 9 ແຫ່ງ, ໂຮງຮຽນມູນ 6 ແຫ່ງ, ມັດທະຍົມຕົ້ນ 2 ແຫ່ງ ລວມທັງໝົດ 17 ແຫ່ງ, ບ້ານທີ່ຕ້ອງລະງັບການໃຊ້ໄຟຟ້າຊົ່ວຄາວເພື່ອຄວາມປອດໄພມີ 9 ບ້ານ: ບ້ານບຶງຊ້າງ, ກອງປະທຸມວັນ, ບ້ານທ່າຄໍາເຫຼື້ອມ, ບ້ານດອນຍາໂນງ, ບ້ານໜອງສອງຫ້ອງ, ບ້ານ ເມືອງໂຮງ, ບ້ານດົງໜອງແຄນ ແລະບ້ານຕັ່ງຫວາຍນໍ້າ.

ນອກຈາກນີ້ ຍັງມີເສັ້ນທາງຖືກນໍ້າຖ້ວມ ແລະ ຕັດຂາດຈໍານວນຫລາຍ. ປັດຈຸບັນ ການນໍາຂອງເມືອງພ້ອມດ້ວຍຄະນະຕ້ານໄພພິບັດຂັ້ນເມືອງອົງການຈັດຕັ້ງມະຫາຊົນກໍາລັງ ປກຊ-ປກສ ສົມທົບກັບກໍາລັງກອງຮ້ອຍ ຄໍ 35 ລົງໃຫ້ການຊ່ວຍເຫຼືອອົບພະຍົບປະຊາຊົນຂົນວັດຖຸເຄື່ອງຂອງຕ່າງໆອອກຈາກພື້ນທີ່ສ່ຽງ ເພື່ອຄວາມປອດໄພທາງດ້ານຊີວິດ ແລະຊັບສີນຂອງປະຊາຊົນ.

ສ່ວນຄວາມເສຍຫາຍດ້ານຕ່າງໆ ຍັງບໍ່ສາມາດປະເມີນໄດ້ເທື່ອ. ຂະນະທີ່ຄວາມຈຳເປັນທີ່ຕ້ອງການໃນປັດຈຸບັນແມ່ນອາຫານການກິນ, ນ້ຳດື່ມ, ເຂົ້າສານ, ອາຫານແຫ້ງ,ຢາປົວພະຍາດ, ນ້ຳມັນເຊື້ອໄຟ ແລະ ເຮືອ.

Cr: Savannakhet media laos

Loading...