ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

5 ປີ ເສດຖະກິດຂອງເມືອງ ແກ່ນທ້າວ ຂະຫຍາຍຕົວສະເລ່ຍ 8,2% ຕໍ່ປີ

ເມືອງ ແກ່ນທ້າວ ແມ່ນເມືອງໜຶ່ງໃນຈໍານວນ 11 ເມືອງຂອງແຂວງ ໄຊຍະບູລີ, ເຊິ່ງຕັ້ງຢູ່ທາງທິດໃຕ້ຂອງແຂວງ, ປະກອບມີ 47 ບ້ານ, ມີ 666 ໜ່ວຍຄຸ້ມຄອງ, ມີພົນລະເມືອງ 42.450 ຄົນ, ຍິງ 20.913 ຄົນ, ອາຊີບຂອງປະຊາຊົນສ່ວນໃຫຍ່ແມ່ນປູກຝັງ-ລ້ຽງສັດ, ບວກກັບຄວາມອຸດົມສົມບູນຂອງດິນ ແລະ ນໍ້າ ທີ່ສາມາດກໍ່ສ້າງຊົນລະປະທານເໝາະສົມແກ່ການຜະລິດ, ອັນເປັນພື້ນຖານຍູ້ດັນໃຫ້ແກ່ການຂະຫຍາຍຕົວເສດຖະກິດຂອງເມືອງ ໂດຍເລ່ຍແມ່ນ 8,2% ຕໍ່ປີ.

ທ່ານ ສີຄານ ແກ່ນມະນີ ຮອງເຈົ້າເມືອງ ແກ່ນທ້າວ ໄດ້ໃຫ້ຮູ້ວ່າ: ໃນ 5 ປີຜ່ານມາເສດຖະກິດໂດຍລວມຂອງເມືອງມີການຂະຫຍາຍຕົວຢ່າງຕໍ່ເນື່ອງສະເລ່ຍ 8,2% ຕໍ່ປີ, ລວມຍອດຜະລິດຕະພັນພາຍໃນ ບັນລຸ 1.040,87 ຕື້ກີບ, ສະເລ່ຍລາຍຮັບຕໍ່ຫົວຄົນບັນລຸໄດ້ 24,52 ລ້ານກີບ, ຫຼືເທົ່າກັບ 2.885 ໂດລາ, ໂຄງປະກອບເສດຖະກິດໄດ້ຫັນປ່ຽນໄປຕາມທິດຫັນເປັນອຸດສາຫະກໍາ ແລະ ທັນສະໄໝ, ເຊິ່ງສະແດງອອກ: ກະສິກໍາ ເພີ່ມຂຶ້ນ 3,8%, ກວມເອົາ 39%, ອຸດສາຫະກໍາເພີ່ມຂຶ້ນ 15,7%, ກວມເອົາ 23% ແລະ ການບໍລິການເພີ່ມຂຶ້ນ 12%, ກວມເອົາ 38%, ທົ່ວເມືອງມີເນື້ອທີ່ປູກເຂົ້າທັງໝົດ 6.215,83 ເຮັກຕາ, ຜົນຜະລິດໄດ້ 30.482 ໂຕນ, ໄດ້ຂາຍເປັນສິນຄ້າ 9.500 ໂຕນ, ການປູກພືດສະບຽງອາຫານມີເນື້ອທີ່ 901,8 ເຮັກຕາ, ຜົນຜະລິດໄດ້ 5.880 ໂຕນ, ເຊິ່ງປະກອບມີ: ສາລີຫວານ, ເຜືອກ-ມັນ ແລະ ພືດຜັກຕ່າງໆ, ການຜະລິດເປັນສິນຄ້າ ມີເນື້ອທີ່ 25.116,2 ເຮັກຕາ, ຜົນຜະລິດໄດ້ 566.292 ໂຕນ, ປະກອບມີ: ສາລີແຂງ, ໝາກເດືອຍ,​ ໝາກງາ, ມັນຕົ້ນ, ຖົ່ວຕ່າງໆ ແລະ ພືດອື່ນໆ, ການລ້ຽງສັດແມ່ນມີລັກສະນະເປັນກຸ່ມ, ເປັນຟາມ, ຕິດພັນກັບການປູກຫຍ້າ, ພ້ອມທັງໄດ້ຮັບການຝຶກອົບຮົມດ້ານເຕັກນິກການລ້ຽງ, ວິທີຮັກສາສຸຂະພາບຂອງສັດ ແລະ ໄດ້ຈັດຕັ້ງເປັນກຸ່ມລ້ຽງ, ໂດຍໄດ້ແບ່ງເປັນ 10 ກຸ່ມ, ມີ 364 ຄອບຄົວ, ໃນນັ້ນ: ກຸ່ມລ້ຽງໝູ 2 ກຸ່ມ ແລະ ກຸ່ມລ້ຽງງົວ-ຄວາຍ 8 ກຸ່ມ, ມີຫົວໜ່ວຍອຸດສາຫະກໍາ ແລະ ການຄ້າ 487 ຫົວໜ່ວຍ, ໄດ້ຊຸກຍູ້ພູມປັນຍາຂອງຊາວບ້ານເພື່ອຜະລິດສິນຄ້າໂອດ໊ອບເປັນສິນຄ້າເຊັ່ນ: ກວນໝາກຂາມ, ສົ້ມໝູ ແລະ ໜັງຍໍາ, ມູນຄ່າສົ່ງອອກສິນຄ້າ 67,26 ລ້ານໂດລາສະຫະລັດ, ປະຊາຊົນໄດ້ຊົມໃຊ້ໄຟຟ້າ 100%, ຊົມໃຊ້ນໍ້າປະປາ 8 ບ້ານ, ເທົ່າກັບ 17%, ອອກໃບຕາດິນຖາວອນໄດ້ 3.539 ຕອນ, ແກ້ໄຂຂໍ້ຂັດແຍ່ງກ່ຽວກັບທີ່ດິນ 44 ຕອນ, ອອກໃບຢັ້ງຢືນສິ່ງແວດລ້ວມ 420 ຫົວໜ່ວຍ, ສ່ວນວຽກງານວັດທະນະທໍາ-ສັງຄົມແມ່ນໄດ້ຂະຫຍາຍຕາໜ່າງການສຶກສາລົງສູ່ຊົນນະບົດ, ແກ້ໄຂໄດ້ສະພາບນັກຮຽນອອກໂຮງຮຽນກາງປີ, ສ້າງໂອກາດໃຫ້ຜູ້ດ້ວຍໂອກາດຢູ່ຊົນນະບົດໄດ້ເຂົ້າຮຽນຢ່າງທົ່ວເຖິງ, ພ້ອມທັງສ້າງເປັນບ້ານສາທາລະນະສຸກແບບຢ່າງໄດ້ 100%, ຮັບຮອງເປັນບ້ານວັດທະນະທໍາ 97,87%, ບ້ານພັດທະນາ 72,34%, ສາມາດລືບລ້າງຄອບຄົວທຸກຍາກຕາມດໍາລັດ 384/ລບ, ມີຄອບຄົວບໍ່ທັນພົ້ນທຸກ 165 ຄອບຄົວ, ກວມເອົາ 1,92%.

ຂ່າວ-ພາບໂດຍ: ອຸ່ນເຮືອນ ໂພທິລັກ ນັກຂ່າວ ຫ້ອງວ່າການ

ແຂວງ ໄຊຍະບູລີ