ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

50ມື້ ຜາ່ນມາ ສປປ ລາວ ບໍ່ມີລາຍງານພົບຜູ້ຕິດເຊື້ອພະຍາດໂຄວິດ19ເພີ່ມ

ປະຈຸບັນທົ່ວໂລກມີຜູ້ຕິດເຊື້ອພະຍາດໂຄວິດ19ເຖິງ 6.257.598ຄົນ ເພີ່ມຂຶ້ນຈາກມື້ວານນີ້ 105.448ຄົນ ເສຍຊີວິດ 373.402ຄົນ.

ທ່ານພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການຄະນະສະເພາະກິດ ຄວບຄຸມໂຄວິກ19 ຖະແຫລງຕໍ່ສື່ມວນຊົນ ຕອນບ່າຍວັນທີ 1 ມິຖຸນານີ້ ເຖິງການຄວບຄຸມໂຄວິດ19ຢູ່ ສປປ ລາວວ່າ:  ການຕິດຕາມຜູ້ເດີນທາງຢູ່ຈຸດຜ່ານແດນຕ່າງໆທີ່ເດີນທາງເຂົ້າມາລາວມີທັງໝົດ 1,688 ຄົນ, ໃນນັ້ນຈຸດຜ່ານດ່ານລາວ-ໄທ 976 ຄົນ, ທັງໝົດແມ່ນຄົນຂັບລົດຂົນສົົ່ງສິນຄ້າ,ຈຸດຜ່ານດ່ານລາວ-ຈີນ 22 ຄົນ, ໃນນັ້ນ ມີຄົນລາວ 2 ຄົນ, ເປັນນັກສຶກສາລາວ 1 ຄົນ, ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ ,ຈຸດຜ່ານດ່ານລາວ-ຫວຽດນາມ 690 ຄົນ, ໃນນັ້ນ ມີຄົນລາວກັບມາແຕ່ວຽກລັດຖະການ 7 ຄົນ  ເຫຼືອນັ້ນແມ່ນຄົນຂັບລົດຂົນສົ່ງສິນຄ້າ, ທຸກຄົນໄດ້ແທກອຸນຫະພູມຮ່າງກາຍ ແລະ ກວດຫາອາການຜິດປົກກະຕິ, ບໍ່ພົບຜູ້ມີອາການເປັນໄຂ້, ທັງໝົດໄດ້ເກັບຕົວຢ່າງມາກວດແລ້ວນຳສົ່ງໄປຈຳກັດບໍລິເວນຢູ່ສະຖານທີ່ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ໃນວັນທີ 31 ພຶດສະພາ 2020, ໄດ້ເກັບຕົວຢ່າງມາກວດວິເຄາະທັງໝົດ 252 ຄົນ, ໃນນັ້ນມີແຮງງານລາວທີ່ກັບມາແຕ່ໄທ 44 ຄົນ, ແຮງງານຈີນທີ່ເຂົ້າມາລາວ 45 ຄົນ, ແຮງງານໄທເຂົ້າມາລາວ 129 ຄົນ, ກໍລະນີສົງໃສ 34 ຄົນ. ຜົນກວດທັງໝົດ ແມ່ນບໍ່ພົບເຊື້ອ.

ການຕິດຕາມປີ່ນປົວຄົນເຈັບຢູ່ໂຮງໝໍ :ປະຈຸບັນ, ມີຜູ້ນອນຕິດຕາມຢູ່ໂຮງໝໍມິດຕະພາບ 3 ຄົນ, ຍິງ 2 ຄົນ, ທັງໝົດມີອາການປົກກະຕິ ແຕ່ໄດ້ຍ້າຍຈາກຫ້ອງຕິດຕາມປິ່ປົວ ໄປຢູ່ຫ້ອງພັກຜ່ອນພິເສດ ແລະຈະໄດ້ຕິດຕາມເກັບຕົວຢ່າງມາກວດຈົນກ່ວາບໍ່ພົບເຊື້ອຈີ່ງພິຈາລະນາໃຫ້ອອກໂຮງໝໍ.

ທ່ານພູທອນ ເມືອງປາກໃຫ້ຮູ້ອີກວ່າ: ເລີ່ມແຕ່ວັນທີ 2 ເຖີງ ວັນທີ່ 30 ມິຖຸນາ 2020 ພວກເຮົາຈະໄດ້ຈັດຕັ້ງປະຕິບັດ ແຈ້ງການສະບັບໃໝ່ຂອງຫ້ອງວ່າການສຳນັກງານນາຍົກລັດຖະມົນຕີ ເລກທີ 597/ຫສນຍ, ລົງວັນທີ 29 ພຶດສະພາ 2020 ​ຊຶ່ງແມ່ນການຜ່ອນຜັນໄລຍະທີ່ III.

ອີກດ້ານໜຶ່ງ ກໍ່ແມ່ນຄວາມສ່ຽງທີ່ຈະເກີດມີການລະບາດຮອບໃໝ່ຂຶ້ນມາ ຍ້ອນວ່າ ພວກເຮົາໄດ້ ຜ່ອນຜັນຫຼາຍມາດຕະການພາຍໃນປະເທດ ແລະໄດ້ອະນຸຍາດໃຫ້ແຮງງານຈາກຕ່າງປະເທດກັບຄືນເຂົ້າມາປະຕິບັດໜ້າທີ່, ຂໍໃຫ້ພວກເຮົາຕ້ອງມີຄວາມຮັບຜິດຊອບຮ່ວມກັນເປັນເຈົ້າການປະຕິບັດມາດຕະການປ້ອງກັນການຕິດເຊື້ອຢ່າງເຂັ້ມງວດ.

ສໍາລັບລາຍລະອຽດຂໍ້ມູນທີ່ເປັນທາງການ ທ່ານສາມາດຕິດຕາມໄດ້ຈາກເວັບໄຊ້ www.covid19.gov.la ແລະ ເຟດບຸກຂອງສູນຂ່າວສານການແພດ ແລະ ສຸຂະສຶກສາ.

ເນື່ອງໃນໂອກາດວັນເດັກສາກົນ ແລະ ວັນປູກຕົ້ນໄມ້ແຫ່ງຊາດ ວັນທີ 01 ມິຖຸນາ 2020 ນີ້ ທ່ານພູທອນ ເມືອງປາກ ໄດ້ສະແດງຄວາມເປັນຫ່ວງເປັນໄຍຕໍ່ລູກຫຼານລາວບັນດາເຜົ່າ ຕໍ່ໜ້າສະພາບການທີ່ມີການລະບາດຂອງພະຍາດ COVID-19 ຢູ່ປະເທດເຮົາ ກໍ່ຄືຢູ່ໃນໂລກ. ແລະຮຽກຮ້ອງເຖິງຜູ້ປົກຄອງ, ຜູ້ບໍລິຫານການສຶກສາ, ຄູອາຈານ ຈົ່ງເອົາໃຈໃສ່ເປັນພິເສດ ໃນການປ້ອງກັນລູກຫຼານ ບໍ່ໃຫ້ຕິດເຊື້ອ COVID-19 ຍ້ອນວ່າ ເດັກບໍ່ຮູ້ຮັບຜິດຊອບຕົນເອງ.

ໃນໄລຍະເລິ່ມຕົ້ນລະດູຝົນນີ້ ພະຍາດຕາມລະດູການກໍ່ຈະເກີດຂຶ້ນ ຂໍໃຫ້ເພິ່ມຄວາມເອົາໃຈໃສ່ໃນການປ້ອງກັນພະຍາດໄຂ້ຍຸງລາຍ, ໄຂ້ຫວັດ, ພະຍາດຖອກທ້ອງ ແລະ ພະຍາດອື່ນໆ.