ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

54 ບ້ານພາຍໃນ 8 ເມຶອງຂອງແຂວງໄຊຍະບູລີ ໄດ້ຮັບຜົນກະທົບຈາກນໍ້າຖ້ວມ

ປະຊາຊົນ 8 ເມືອງຄື: ເມືອງໄຊຍະບູລີ, ບໍ່ແຕນ, ເມືອງເງິນ, ເມືອງຄອບ, ເມືອງພຽງ, ແກ່ນທ້າວ, ທົ່ງມີໄຊ ແລະເມືອງໄຊສະຖານ ແຂວງໄຊຍະບູລີ ຈຳນວນ 54 ບ້ານ, 1.740 ຄອບຄົວ ກວມເອົາ 8.000 ກວ່າຄົນ ໄດ້ຮັບຜົນກະ ທົບໜັກສົມຄວນຈາກສະພາບນໍ້າຖ້ວມຊຸ ຍ້ອນພາຍຸຊິນລາກູພັດຜ່ານ ລະຫວ່າງວັນທີ 1 ຫາ 4 ສິງຫານີ້ ລວມມູນຄ່າເສຍຫາຍເບື້ອງຕົ້ນຫລາຍກວ່າ 2 ຕື້ 880 ລ້ານກີບ.

ທ່ານ ນາງ ບຸນພັກ ອິນທະປັນຍາ, ຮອງເຈົ້າແຂວງໆໄຊຍະບູລີ ທັງເປັນຫົວໜ້າຄະນະກຳມະການປ້ອງກັນໄພພິບັດຂັ້ນແຂວງ ໃຫ້ສຳພາດວ່າ: ເມືອງທີ່ໄດ້ຮັບຜົນກະທົບໜັກແມ່ນເມືອງພຽງມີເນື້ອທີ່ນາຖືກນໍ້າຖ້ວມຫລາຍກວ່າ 300 ເຮັກຕາ, ເມືອງບໍ່ແຕນມີເສັ້ນທາງຂາດຫລາຍຈຸດ, ຂົວອູ່ 2 ແຫ່ງບໍ່ສາ ມາດນໍາໃຊ້ໄດ້, ສະເພາະເທດສະບານແຂວງຄືເມືອງໄຊຍະບູລີແມ່ນປະຊາຊົນທີ່ອາໃສຢູ່ລຽບແຄມແມ່ນໍ້າຮຸ່ງກວມເອົາ 12 ບ້ານ. ມາຮອດປະຈຸບັນຫລາຍເມືອງລະ ດັບນໍ້າໄດ້ຫລຸດລົງ ແລະເລີ່ມເຂົ້າສູ່ສະພາບປົກກະຕິແລ້ວ ຕໍ່ສະພາບການດັ່ງກ່າວອົງການປົກຄອງແຂວງ ແລະເມືອງພວມລະດົມການຊ່ວຍເຫລືອປະຊາຊົນທີ່ໄດ້ຮັບຜົນກະ ທົບໃນເບື້ອງຕົ້ນຕາມເງື່ອນໄຂຕົວຈິງ.

ຮອງເຈົ້າແຂວງໆໄຊຍະບູລີ ທັງເປັນຫົວໜ້າຄະນະກຳມະ ການປ້ອງກັນໄພພິ ບັດຂັ້ນແຂວງ ໃຫ້ຮູ້ຕື່ມວ່າ: ປະຈຸບັນອົງ ການປົກຄອງແຂວງໄດ້ແຕ່ງຕັ້ງຄະນະກຳມະການປ້ອງກັນໄພພິບັດຂັ້ນແຂວງ, ຂັ້ນເມືອງ ລົງຕິດຕາມສະພາບການຢູ່ບັນດາເມືອງຢ່າງໃກ້ຊິດ ເພື່ອປະເມີນຜົນເກັບກຳສະພາບຄວາມເສຍຫາຍລະອຽດ ແລະແກ້ໄຂສຸກເສີນບ່ອນທີ່ມີຄວາມຈຳເປັນຕ້ອງການຊ່ວຍເຫລືອຮີບດ່ວນ ເປັນຕົ້ນການສະໜອງເຂົ້າສານ, ເຄື່ອງໃຊ້ຄົວເຮືອນສຳລັບຄອບ ຄົວທີ່ເກັບມ້ຽນບໍ່ທັນ ພ້ອມທັງເຕືອນປະຊາຊົນເພີ່ມຄວາມລະມັດລະວັງຕື່ມ ໂດຍສະເພາະເຮືອນທີ່ອາໃສຢູ່ແຄມນໍ້າ ເພື່ອຫລຸດຜ່ອນເສຍຫາຍໃຫ້ໜ້ອຍລົງ.

ໂດຍ: ຈັນທະສອນ ສີຫານາດ