ອີງຕາມຂໍ້ມູນຈາກກອງປະຊຸມສະຫລຸບການຈັດຕັ້ງປະຕິບັດວຽກງານທ່ອງທ່ຽວ ຕິດພັນກັບກິດຈະກໍາປີທ່ອງທ່ຽວລາວ 2024 ຢູ່ແຂວງບໍ່ແກ້ວ ຈັດຂຶ້ນໃນວັນທີ 4 ກັນຍາ 2024 ທີ່ຫ້ອງວ່າການແຂວງບໍ່ແກ້ວ ໃຫ້ຮູ້ວ່າ: ໄລຍະ 6 ເດືອນຕົ້ນປີ 2024 ແຂວງບໍ່ແກ້ວ ສາມາດດຶງດູດນັກທ່ອງທ່ຽວມາທ່ຽວ ພາຍໃນແຂວງ 171,022 ເທື່ອຄົນ ໃນນີ້, ນັກທ່ອງທ່ຽວພາຍໃນ 11,480 ເທື່ອຄົນ, ທຽບໃສ່ໄລຍະດຽວກັນຂອງປີ 2023 ຜ່ານມາເພີ່ມຂຶ້ນ 36,603 ເທື່ອຄົນ ເທົ່າກັບ 49,47% ສາມາດສ້າງລາຍຮັບໄດ້ທັງໝົດ 8,551,100 ໂດລາສະຫະລັດ.
ປັດຈຸບັນທົ່ວແຂວງບໍ່ແກ້ວ ມີແຫລ່ງທ່ອງທ່ຽວ 77 ແຫ່ງ, ດ້ານທໍາມະຊາດ 54 ແຫ່ງ, ດ້ານວັດທະນະທໍາ 19 ແຫ່ງ, ດ້ານປະຫວັດສາດ 04 ແຫ່ງ ແລະ ໄດ້ເປີດບໍລິ ການແລ້ວ 24 ແຫ່ງ, ໄດ້ຈັດແບ່ງລະດັບແຫລ່ງທ່ອງທ່ຽວອອກເປັນ ລະດັບຊາດມີ 1 ແຫ່ງ (ປ່າສະຫງວນແຫ່ງຊາດນໍ້າກ່ານ), ລະດັບແຂວງມີ 20 ແຫ່ງ ແລະ ລະດັບເມືອງ ມີ 56 ແຫ່ງ. ທົ່ວແຂວງມີບໍລິສັດທ່ອງທ່ຽວ 23 ແຫ່ງ ໃນນີ້, ມີ 2 ສາຂາ, 1 ໜ່ວຍບໍລິການພື້ນທີ່ສະເພາະ, ມີໂຮງແຮມ 24 ແຫ່ງ, ຣີສອດ 5 ແຫ່ງ, ເຮືອນພັກ 184 ແຫ່ງ ໃນນີ້, ແຂວງຄຸ້ມຄອງ 11 ແຫ່ງ, ມີຮ້ານອາຫານ, ສວນອາຫານ ແລະ ພັດຕະຄານ 101 ແຫ່ງ, ແຂວງຄຸ້ມຄອງ 24 ແຫ່ງ, ຮ້ານບັນເທີງ -ຄາຣາໂອເກະ 98 ແຫ່ງ, ແຂວງຄຸ້ມຄອງ 08 ແຫ່ງ.
ປັດຈຸບັນທີ່ພັກແຮມ ທີ່ໄດ້ຈັດລະດັບມາດຕະຖານ 2 ດາວມີ 2 ແຫ່ງ, ມາດຕະ ຖານ 2 ດອກຈໍາປາມີ 01 ແຫ່ງ, 01 ດອກຈໍາປາ ມີ 02 ແຫ່ງ, ມາດຕະຖານທີ່ພັກແຮມສະອາດ ແລະ ປອດໄພ ມີ 8 ແຫ່ງ.
ຂອບໃຈພາບປະກອບຈາກ: All About Bokeo – ຄົນບໍ່ແກ້ວ ແຂວງບໍ່ແກ້ວ
