ໃນໄລຍະ 6 ເດືອນຕົ້ນປີ 2024 ເມືອງແກ່ນທ້າວ ແຂວງໄຊຍະບູລີ ມີຄະດີເກີດຂຶ້ນ 50 ກວ່າເລື່ອງ, ມີຜູ້ກະທໍາຜິດ 70 ກວ່າຄົນ ຍິງ 5 ຄົນ ໃນນີ້, ຄະດີມີຢາເສບຕິດໄວ້ໃນຄອບຄອງ (ປະເພດຢາບ້າ) 33 ເລື່ອງ ມີ 30 ກວ່າຄົນ ຍິງ 2 ຄົນ ຢຶດຂອງກາງຢາບ້າໄດ້ທັງໝົດ 22.245 ເມັດ ແລະ ຄະດີອາຍາ 21 ເລື່ອງ ກັກຕົວຜູ້ກະທໍາຜິດໄດ້ 40 ກວ່າຄົນ ຍິງ 3 ຄົນ ເດັ່ນກວ່າໝູ່ແມ່ນຄະດີທໍາຮ້າຍຮ່າງກາຍ ມີ 8 ເລື່ອງ, ກັກຕົວຜູ້ກະທໍາຜິດໄດ້ 20 ກວ່າຄົນ.
ທ່ານ ພັທ ທອງລິນ ໄຊອຸດົມ ຫົວໜ້າກອງບັນຊາການ ປ້ອງກັນຄວາມສະຫງົບ (ປກສ) ເມືອງແກ່ນທ້າວ ແຂວງໄຊຍະບູລີ ໄດ້ລາຍງານໃນກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 16 ສະໄໝທີ VII ເມື່ອບໍ່ດົນມານີ້ວ່າ: ສຳລັບຄະດີທໍາມິດສະຈານມີ 2 ເລື່ອງ ກັກຕົວຜູ້ກະທໍາຜິດ 4 ຄົນ ຍິງ 2 ຄົນ, ຄະດີຂົ່ມຂື່ນທໍາຊໍາເລົາ 2 ເລື່ອງ ກັກຕົວຜູ້ກະທໍາຜິດໄດ້ 2 ຄົນ, ຄະດີປິດບັງການກະທໍາຜິດຂອງຜູ້ອື່ນ 1 ເລື່ອງ ມີ 1 ຄົນ, ຄະດີທໍາລາຍຫລັກຖານ 1 ເລື່ອງ ກັກຕົວຜູ້ກະທໍາຜິດ 1 ຄົນ, ມີສ່ວນພົວພັນຄ້າ-ຂາຍຢາເສບຕິດ 1 ເລື່ອງ ກັກຕົວຜູ້ກະທໍາຜິດ 1 ຄົນ ຍິງ 1 ຄົນ, ຄະດີສໍ້ໂກງຊັບ 1 ເລື່ອງ ກັກຕົວຜູ້ກະທໍາຜິດ 1 ຄົນ, ຄະດີຄາດຕະກໍາ 1 ເລື່ອງ ກັກຕົວຜູ້ກະທໍາຜິດ 1 ຄົນ, ເຮັດໃຫ້ຜູ້ອື່ນເສຍຊີວິດດ້ວຍຄວາມບໍ່ລະມັດລະວັງ 1 ເລື່ອງ ກັກຕົວຜູ້ກະທໍາຜິດ 1 ຄົນ, ຄະດີລັກຊັບ 1 ເລື່ອງ ກັກຕົວຜູ້ກະທໍາຜິດ 1 ຄົນ, ຄະດີລັກງັດແງະ 1 ເລື່ອງ ກັກຕົວຜູ້ກະທໍາຜິດ 1 ຄົນ ແລະ ຄະດີຊີງຊັບ 1 ເລື່ອງ ກັກຕົວຜູ້ກະທໍາຜິດ 1 ຄົນ.
ນອກຈາກນີ້, ຍັງມີອຸບັດເຫດເກີດຂຶ້ນ 20 ກວ່າເລື່ອງ, ມີຜູ້ໄດ້ຮັບບາດເຈັບ 36 ຄົນ ຍິງ 18 ຄົນ, ພາຫະນະເປ່ເພ 41 ຄັນ ລວມມູນຄ່າເສຍຫາຍ 545 ລ້ານກີບ.
