ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

6 ເດືອນຕົ້ນປີ 2019 ຄະນະປະຈໍາສະພາແຫ່ງຊາດ, ສາມາດ ແກ້ໄຂຄໍາຮ້ອງຂໍຄວາມເປັນທໍາໃຫ້ປະຊາຊົນໄດ້ຈຳນວນ 100 ກວ່າເລື່ອງ ຈາກ 500 ເລື່ອງ

    ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8  ໃນວັນທີ 12 ມິຖຸນາ 2019, ທີ່ຫໍ ສະພາແຫ່ງຊາດຫລັກ 6 ນະຄອນຫລວງວຽງຈັນ ດຳເນີນພາຍໃຕ້ການເປັນປະທານຂອງທ່ານ ນາງ ປານີ ຢາທໍ້ຕູ້, ປະທານສະພາແຫ່ງຊາດ, ສະມາຊິກສະພາແຫ່ງຊາດໄດ້ຮັບ ຟັງການລາຍງານ ການຈັດ ຕັ້ງປະຕິບັດແຜນການເຄື່ອນໄຫວວຽກງານຂອງຄະນະປະຈຳສະພາແຫ່ງຊາດ ໃນລະຫວ່າງກອງປະຊຸມ ສະໄໝສາ ມັນເທື່ອທີ 6 ຫາກອງປະຊຸມສະໄໝສາມັນເທື່ອທີ 7 ແລະທິດທາງແຜນການຮອດ ກອງປະ ຊຸມສະ   ໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ທີ່ສະເໜີໂດຍ ທ່ານ ນາງ ສີໃສ ລືເດດ ມູນ ສອນ,ຮອງປະທານສະພາແຫ່ງຊາດ ທັງເປັນຜູ້ຊີ້ນໍາຄະນະເລຂາທິການສະພາແຫ່ງຊາດ ຊື່ງທ່ານໄດ້ຍົກ ໃຫ້ເຫັນການເຄື່ອນໄຫວວຽກງານຂອງຄະນະປະຈຳສະພາແຫ່ງຊາດປະຈຳ 6 ເດືອນຕົ້ນປີ 2019 ໃນ ແຕ່ລະດ້ານ ເປັນຕົ້ນດ້ານນິຕິບັນຍັດ, ວຽກງານສານປະຊາຊົນ ແລະອົງການໄອຍະການປະຊາຊົນ, ວຽກງານອົງການກວດສອບແຫ່ງລັດ, ກຳນົດແຜນການຕິດຕາມກວດກາແຜນວຽກຈຸດສຸມ 6 ເດືອນຕົ້ນປີ 2019 ຂອງຄະນະປະຈໍາສະພາແຫ່ງຊາດ, ການແກ້ໄຂຄໍາຮ້ອງຂໍຄວາມເປັນທໍາຈໍານວນ 100 ກວ່າເລື່ອງ ໃນຈຳນວນທັງໝົດ 500 ກວ່າເລື່ອງໃນໄລຍະ 6 ເດືອນຕົ້ນປີນີ້ ລວມເຖິງ ວຽກງານ ຕ່າງໆທີ່ຍາດໄດ້ຜົນສຳເລັດໃນຫລາຍດ້ານ ຄຽງຄູ່ກັນນີ້ການເຄື່ອນໄຫວ ວຽກງານ ຂອງຄະນະ ປະຈໍາສະ ພາແຫ່ງຊາດຍັງມີບາງຈຸດອ່ອນ, ຄົງຄ້າງຈຳນວນໜື່ງຕ້ອງສືບຕໍ່ປັບປຸງແກ້ໄຂ ເປັນຕົ້ນການຮຽບຮຽງ ບັນດາກົດໝາຍທີ່ຮັບຮອງໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ 8 ຈຳນວນໜື່ງຍັງຊັກຊ້າ, ກົນໄກໃນການຄົ້ນຄ້ວາລາຍງານ ຂໍທິດຊີ້ນໍາເພື່ອຮັບ ປະກັນການພິຈາລະ ນາບັນຫາສຳຄັນຂອງຄະນະປະຈຳຍັງບໍ່ທັນເປັນລະບົບຕາມຂັ້ນຕອນເທົ່າທີ່ຄວນ ແລະອື່ນໆ.

   ຈາກນັ້ນທ່ານ ພົງສະເໜ່ ຍຸດຕິທຳ, ຫົວໜ້າຄະນະຮັບຜິດຊອບວຽກງານເຂດເລືອກຕັ້ງ ໄດ້ສະເໜີ ຮ່າງມະຕິຂອງຄະນະປະຈຳສະພາແຫ່ງຊາດ ວ່າດ້ວຍລະບຽບການປະເມີນ ຕໍ່ການປະຕິບັດໜ້າ ທີ່ຂອງ ບຸກຄະລາກອນທີ່ສະພາແຫ່ງຊາດເລືອກຕັ້ງ ແລະຮັບຮອງເອົາການແຕ່ງຕັ້ງ ກອ່ນປະທານກອງປະຊຸມ ມີຄຳເຫັນເຈາະຈີ້ມ ແລະໃຫ້ທິດຊີ້ນໍາໃນການຄົ້ນຄ້ວາ, ປະກອບຄໍາເຫັນຕໍ່ບົດລາຍງານ ການເຄື່ອນໄຫວ ວຽກງານຂອງຄະນະປະຈຳສະພາແຫ່ງຊາດ ແລະຮ່າງມະຕິຂອງຄະນະຄະນະປະຈຳສະພາແຫ່ງຊາດ ວ່າ ດ້ວຍລະບຽບການປະເມີນຕໍ່ການປະຕິບັດໜ້າທີ່ຂອງບຸກຄະລາກອນທີ່ສະພາແຫ່ງຊາດເລືອກຕັ້ງ ແລະຮັບຮອງເອົາການແຕ່ງຕັ້ງ.

 ທ່ານ ສຸວັນນີ ໄຊຊະນະ ສະມາຊິກສະພາແຫ່ງຊາດເຂດເລືອກຕັ້ງທີ 11 ແຂວງບໍລິຄຳໄຊ ປະກອບຄຳ ເຫັນກ່ຽວກັບຄຸນນະພາບການພິຈາລະນາບັນຫາຕ່າງໆໃນກອງປະຊຸມສະພາແຫ່ງຊາດໃນແຕ່ລະຄັ້ງ ຊື່ງໄດ້ພິຈາລະນາ ແລະຮັບຮອງບັນຫາສຳຄັນຂອງຊາດ ລວມເຖິງບັນດາ ກົດໝາຍທີ່ນຳມາ ຜ່ານຕໍ່ ກອງປະ ຊຸມຍັງບໍ່ທັນລະອຽດ ແລະຮັດກຸມເທົ່າທີ່ຄວນ ເນື່ອງຈາກສະມາຊິກ ສະພາແຫ່ງ ຊາດມີເວລາ ໃນການຄົ້ນຄ້ວາເນື້ອໃນຈຳກັດ.

  ທ່ານ ນາງ ອິນມະນີ ຈັນທະຄຸນ, ສະມາຊິກສະພາແຫ່ງຊາດເຂດເລືອກຕັ້ງທີ 7 ແຂວງໄຊຍະບູລີ ສະ ເໜີໃຫ້ຄະນະປະຈຳສະພາແຫ່ງຊາດເບີ່ງຄືນກ່ຽວກັບການທາບທາມຮ່າງກົດໝາຍທີ່ຈະນໍາມາພິຈາລະ ນາໃນກອງປະຊຸມສະພາແຫ່ງຊາດແຕ່ລະຄັ້ງຄວນຜ່ານຂັ້ນທ້ອງຖີ່ນ ໂດຍສະເພາະບັນດາ ຮ່າງກົດໝາຍ ທີ່ຕິດພັນກັບການດຳລົງຊີວິດຂອງປະຊາຊົນ ເປັນຕົ້ນກົດໝາຍທີ່ດິນ, ປ່າໄມ້ ແລະອື່ນໆ.

  ພາຍຫລັງສະມາຊິກສະພາແຫ່ງຊາດສໍາເລັດການປະກອບຄໍາເຫັນຕໍ່ບົດລາຍງານກ່ຽວກັບວຽກງານສະພາແຫ່ງຊາດແລ້ວບັນດາກຳມາທິການຂອງສະພາແຫ່ງຊາດໄດ້ໃຫ້ຄວາມກະຈ່າງແຈ້ງຕໍ່ຄຳຖາມທີ່ສະ ມາຊິກສະພາແຫ່ງຊາດຕັ້ງຂື້ນຈາກນັ້ນປະທານກອງປະຊຸມສະຫລຸບສັງລວມການປະກອບຄຳເຫັນຕໍ່ບົດລາຍງານການເຄື່ອນໄຫວຂອງຄະນະປະຈຳສະພາແຫ່ງຊາດ, ສຳລັບຕອນບ່າຍມື້ນີ້ຕາມວາລະແລ້ວ ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8 ທ່ານ ນາງ ແສງເດືອນ ຫລ້າຈັນ ທະບູນ, ລັດຖະມົນຕີກະຊວງສຶກສາທິການ ແລະກິລາ ຈະສະເໜີຮ່າງກົດໝາຍວ່າດ້ວຍ ອະຊີວະສຶກສາ ສະບັບປຸງ ເພື່ອໃຫ້ສະມາຊິກສະພາແຫ່ງຊາດຄົ້ນຄ້ວາ ແລະພິຈາລະນາ ແນໃສ່ເຮັດໃຫ້ ຮ່າງກົດໝາຍ ສະບັບນີ້ມີເນື້ອໃນຄົບຖ້ວນ, ຈະແຈ້ງ, ຮັດກຸມ ແລະສາມາດຮັບຮອງເອົາໄດ້ໃນກອງປະຊຸມຄັ້ງນີ້.