ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

6 ເດືອນຕົ້ນປີ 2020 ເມືອງຕະໂອ້ຍຄຸ້ມຄອງການລົງທຶນຂອງລັດທັງໝົດ 10 ໂຄງການມູນຄ່າ 26,49 ຕື້ກີບ.

ທ່ານ ຂັນທີ ສີຫາເທບ ຫົວໜ້າຫ້ອງການ ແຜນການ ແລະ ການລົງທຶນເມືອງຕະໂອ້ຍ, ແຂວງສາລະວັນ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2020 ການລົງທຶນຂອງລັດ (ທຶນປົກກະຕິ) ທີ່ສະພາໄດ້ອະນຸມັດໃຫ້ຂັ້ນເມືອງຄຸ້ມຄອງທັງໝົດມີ 10 ໂຄງການ ມີມູນຄ່າຕາມສັນຍາທັງໝົດ 26,49 ຕື້ກີບ ທຽບໃສ່ປີຜ່ານມາເພີ່ມຂຶ້ນ 37,7%,ໃນນັ້ນມີ ໂຄງການສືບຕໍ່ 3 ໂຄງການ ມີມູນຄ່າຕາມສັນຍາ 11,73 ຕື້ກີບ ແລະ ໂຄງການສໍາລະໜີ້ມີ 7 ໂຄງການມູນຄ່າຕາມສັນຍາ14,76 ຕື້ກີບ; ໄດ້ອະນຸມັດຈ່າຍໃນປີ 2020 ມູນຄ່າ 690,90 ລ້ານກີບ.

ຜ່ານການຈັດຕັ້ງປະຕິບັດໃນ 6 ເດືອນຜ່ານມາໄດ້ອະນຸມັດຈ່າຍຈໍານວນ 10 ໂຄງການມີມູນຄ່າ 884 ລ້ານກີບ ທຽບໃສ່ແຜນປະຕິບັດໄດ້ 100% ປະກອບມີ: ໂຄງການບຸກເບີກເນື້ອທີນາ ບ້ານຕະຮວກ ມູນຄ່າຕາມສັນຍາ 2 ຕື້ກີບ (ອະນຸມັດແລ້ວ 1,69 ຕື້ກີບ), ໂຄງການກໍ່ສ້າງຂົວຫ້ວຍຂະຍ້ອງ ມູນຄ່າຕາມສັນຍາ 3,32 ຕື້ກີບ (ອະນຸມັດແລ້ວ 495 ລ້ານກີບ),ໂຄງການກໍ່ສ້າງຂົວຫ້ວຍລະຢີ ມູນຄ່າຕາມສັນຍາ 2,42 ຕື້ກີບ (ອະນຸມັດແລ້ວ 495 ລ້ານກີບ),ໂຄງການກໍ່ສ້າງທາງຕາຜ້າບ້ານປະຈູດອນ ມູນຄ່າຕາມສັນຍາ 1,96 ຕື້ກີບ (ອະນຸມັດແລ້ວ 1,23 ຕື້ກີບ), ໂຄງການກໍ່ສ້າງ ທາງດິນແດງແຄມເຊລະນອງ ມູນຄ່າຕາມສັນຍາ 1,20 ຕື້ກີບ (ອະນຸມັດແລ້ວ1,18 ລ້າກີບ), ໂຄງການກໍ່ສ້າງ ຮຮ ມຊ ຈໍານວນ 6 ຫ້ອງ ມູນຄ່າຕາມສັນຍາ 825 ລ້ານກີບ (ອະນຸມັດແລ້ວ 294 ລ້ານກີບ), ໂຄງການກໍ່ສ້າງອະນຸສອນສະຖານ ປະທານໄກສອນ ພົມວິຫານ ມູນຄ່າຕາມສັນຍາ 3,86 ຕື້ກີບ (ອະນຸມັດແລ້ວ 468 ລ້ານກີບ), ໂຄງການກໍ່ສ້າງ ອະນຸສາວະລີ ນັກຮົບນິລະນາມ ມູນຄ່າຕາມສັນຍາ 4,22 ຕື້ກີບ (ອະນຸມັດແລ້ວ 861 ລ້ານກີບ), ໂຄງການກໍ່ສ້າງຫ້ອງການແຜນການ-ການລົງທຶນ ມູນຄ່າ 3,36 ຕື້ກີບ (ອະນຸມັດແລ້ວ 1,54 ຕື້ກີບ) ແລະ ໂຄງການກໍ່ສ້າງ ຝາຍນໍ້າລົ້ນເຊປະກັນ ມູນຄ່າຕາມສັນຍາ 3,64 ຕື້ກີບ (ອະນຸມັດແລ້ວ 3,29 ລ້ານ ກີບ).

ນອກນັ້ນຍັງມີໂຄງການການລົງທຶນຂອງລັດ (ທຶນໄພພິບັດຈາກທໍາມະຊາດ) ມີ 2 ໂຄງການຄື: ໂຄງການໄພພິບັດ ແກ້ໄຂສຸກເສີນ ແລະ ໄພພິບັດຫຼັງຝົນ ເຊິງເປັນໂຄງການສ້ອມແປງເສັ້ນທາງຈາກບ້ານຊຶງຕະມອງໄປຫາບ້ານຕະປຶນພູ ໂດຍມີຄວາມຍາວ 20 ກິໂລແມັດ ມີມູນຄ່າ 1 ຕື້ກວ່າກີບ, ໂຄງການສ້ອມແປງຂົວຫ້ວຍຂະຍ້ອງມີຄວາມຍາວ 45 ແມັດມູນຄ່າ 1 ຮ້ອຍກວ່າລ້ານກີບ; ໂຄງການໄພພິບັດຫຼັງຝົນ(ທຶນໄພພິບັດ) ເຊິ່ງເປັນໂຄງການສ້ອມແປງເສັ້ນທາງ ແຕ່ແຍກທາງ 15 ຫາບ້ານປະເຕມ ມີຄວາມຍາວ 8 ກິໂລແມັດ ມີມູນຄ່າ 3 ຕື້ກວ່າກີບ ແລະ ມີແຜນສຳລະໃນປີ 2020 ມີມູນຄ່າ 700 ກວ່າລ້ານກີບ ສ່ວນການຈັດຕັ້ງປະຕິບັດຂອງໂຄງການມາຮອດປັດຈຸບັນນີ້ ແມ່ນມີຄວາມຄືບໜ້າແລ້ວ 50 %.

Cr: ສີສະຫວາດ ຄຳຫຼ້າວິຍະເກດ