ວຽກງານປົກປັກຮັກສາ ຄວາມເປັນລະບຽບຮຽບຮ້ອຍທາງສັງຄົມ ພາຍໃນ 06 ເດືອນຕົ້ນປີ 2024 ຜ່ານມາ ກອງບັນຊາການປ້ອງກັນຄວາມສະຫງົບ (ປກສ) ເມືອງທຸລະຄົມ ແຂວງວຽງຈັນ ມີຄະດີອາຍາເກີດຂຶ້ນທັງໝົດ 42 ເລື່ອງ, ຜົນເສຍຫາຍ 914 ລ້ານກວ່າກີບ, ສາມາດມ້າງໄດ້ 27 ເລື່ອງ, ກັກຕົວຜູ້ກະທໍາຜິດໄດ້ 26 ຄົນ ຍິງ 01 ຄົນ, ສາມາດເກັບກູ້ຜົນເສຍຄືນໄດ້ 320 ລ້ານກວ່າກີບ, ຄະດີພວມດໍາເນີນ 16 ເລື່ອງ, ຕ້ອງຫາມີ 09 ຄົນ, ສາມາດມ້າງຄະດີ ຊື້-ຂາຍຢາເສບຕິດໄດ້ 15 ລາຍ, ກັກ ຕົວຜູ້ກະທຳຜິດໄດ້ 26 ຄົນ ຍິງ 02 ຄົນ, ຢຶດຂອງກາງປະເພດຢາບ້າ 19.845 ເມັດ, ແກ້ໄຂປະກົດການຫຍໍ້ທໍ້ 8 ຄັ້ງ, ສະຫລຸບສົ່ງ ປກສ ແຂວງ 8 ເລື່ອງ, ມີຜູ້ຖືກຫາ 14 ຄົນ ຍິງ 2 ຄົນ, ຂອງກາງຢາບ້າ 3.014 ເມັດ, ລົງສອບຜູ້ຖືກຫາຈໍານວນ 36 ຄັ້ງ, ມີ 108 ແຮງງານ, ຄະດີພວມດໍາເນີນ 07 ເລື່ອງ, ຕ້ອງຫາມີ 10 ຄົນ.
ທ່ານ ພັທ ສິນນະຄອນ ແສງສັກດາ ຫົວໜ້າກອງບັນຊາການປ້ອງກັນຄວາມສະ ຫງົບ ເມືອງທຸລະຄົມ ແຂວງວຽງຈັນ ລາຍງານເມື່ອບໍ່ດົນມານີ້ວ່າ: ສຳລັບຄະດີອຸບັດ ເຫດເກີດຂຶ້ນ 19 ລາຍ, ມີລົດໃຫຍ່ຕໍາລົດຈັກ 07 ລາຍ, ລົດຈັກຕໍາລົດຈັກ 07 ລາຍ, ລົດໃຫຍ່ຕໍາລົດໃຫຍ່ 05 ລາຍ, ມີຜູ້ປະສົບອຸບັດເຫດ 48 ຄົນ ຍິງ 13 ຄົນ, ເຈັບເລັກ ນ້ອຍ 23 ຄົນ ຍິງ 11 ຄົນ, ເຈັບສົມຄວນ 17 ຄົນ, ເຈັບສາຫັດ 04 ຄົນ, ເສຍຊີວິດ 04 ຄົນ, ພາຫານະເປ່ເພ 34 ຄັນ, ເປ່ເພເລັກນ້ອຍ 26 ຄັນ, ເປ່ເພສົມຄວນ 8 ຄັນ, ພວມດໍາເນີນ 03 ລາຍ. ສ່ວນການສຶກສາອົບຮົມຕ້ອງຫາ-ນັກໂທດ ໄດ້ເອົາໃຈໃສ່ສຶກສາອົບຮົມ ຕ້ອງຫາ-ນັກໂທດ ຜູ້ຝາກດັດສ້າງໃຫ້ເຂົາເຈົ້າເຂົ້າໃຈ ຕໍ່ແນວທາງນະໂຍບາຍຂອງພັກ-ລະບຽບກົດໝາຍຂອງລັດ, ຮູ້ສຶກຄິດກິນແໜງແຄງໃຈ ຕໍ່ການກະທໍາຜິດຂອງຕົນ ແລ້ວກາຍເປັນຄົນດີໃນສັງຄົມ, ປັດຈຸບັນ ມີຕ້ອງຫາ 19 ຄົນ, ນັກໂທດ 06 ຄົນ, ຝາກດັດສ້າງ 05 ຄົນ; ວຽກງານຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ, ສະພາບການເໜັງຕີງຂອງພົນລະເມືອງ ມີຄົນເພີ່ມ 74 ຄົນ ຍິງ 34 ຄົນ, ເກີດໃໝ່ 69 ຄົນ ຍິງ 31 ຄົນ, ຍົກຍ້າຍເຂົ້າມາ 05 ຄົນ ຍິງ 03 ຄົນ, ຄົນຫລຸດມີ 91 ຄົນ ຍິງ 44 ຄົນ, ເສຍຊີວິດ 70 ຄົນ ຍິງ 26 ຄົນ, ຍົກຍ້າຍໄປ 26 ຄົນ ຍິງ 16 ຄົນ. ສ້າງບ້ານປ້ອງກັນຄວາມສະຫງົບໄດ້ 15 ບ້ານ, ມີ 3.853 ຄອບຄົວ.
