ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

7ມື້ ລຽນຕິດ ສປປ ບໍ່ພົບຜູ້ຕິດເຊື້ອພະຍາດໂກວິດ 19

ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ທັງເປັນຜູ້ປະຈຳການຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂພະຍາດໂຄວິດ 19 ຖະແຫລງຂ່າວຕໍ່ສື່ມວນຊົນ ເຖິງສະພາບການລະບາດຂອງພະຍາດ ໂກວິດ 19 ໃນຕອນບ່າຍວັນທີ 19 ເມສານີ້ 2020 ນີ້ວ່າ ໃນວັນທີ 18 ເມສາ 2020, ໄດ້ເກັບຕົວຢ່າງມາກວດທັງໝົດ 15 ຄົນ, ໃນນັ້ນມີຜູ້ສຳຜັດໃກ້ຊິດ ກັບຜູ້ຕິດເຊື້ອ 01 ຄົນ, ກໍລະນີມີອາການສົງໄສ 14 ຄົນ (ໃນນີ້ມີແຮງງານລາວທີ່ກັບມາແຕ່ໄທ 0 ຄົນ).

ໃນຈຳນວນ 15 ຄົນ ທີ່ມາກວດນັ້ນ ມີ ນະຄອນຫຼວງວຽງຈັນ 11 ຄົນ ແລະ ຕ່າງແຂວງ 04 ຄົນ (ຫຼວງພະບາງ 01 ຄົນ, ໄຊສົມບູນ 01 ຄົນ, ອັດຕະປຶ 01 ຄົນ, ໄຊຍະບູລີ 01 ຄົນ). ຜົນກວດທັງໝົດ 15 ກໍລະນີ ບໍ່ພົບເຊື້ອ. ໝາຍຄວາມວ່າໃນວັນທີ 18 ເມສາ 2020 ບໍ່ມີກໍລະນີໃໝ່.

ນັບແຕ່ເດືອນມັງກອນ ຮອດ ວັນທີ 18 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1,333 ຄົນ, ກວດພົບເຊື້ອທັງໝົດ 19 ຄົນ (07 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ)

ຈໍານວນຜູ້ສໍາຜັດໃກ້ຊິດທັງໝົດ ທີ່ໄດ້ຕິດຕາມ ແຕ່ວັນທີ 09 ມີນາ – 18 ເມສາ 2020 ມີ ທັງໝົດ 313 ຄົນ,  ໝົດກໍານົດຕິດຕາມ ທັງໝົດ 291 ຄົນ, ຍັງສືບຕໍ່ຕິດຕາມທັງໝົດ 22 ຄົນ ເຊິ່ງມີລາຍລະອຽດ ດັ່ງລຸມນີ້:

  • ນະຄອນຫຼວງວຽງຈັນ 21 ຄົນ (ໃນນັ້ນ 13 ຄົນ ແມ່ນຕິດຕາມຢູ່ໂຮງໝໍ 103, ຕິດ ຕາມຢູ່ເຮືອນ 08 ຄົນ, ​ໂດຍສະເຫຼ່ຍ ຍັງອີກ 07 ມື້ ຈຶ່ງຄົບກຳນົດຕິດຕາມ 14 ວັນ)
  • ແຂວງ ໄຊສົມບູນ 01 ຄົນ ຕິດຕາມຢູ່ ແຄ້ມພູຄຳ ແລະ ຄົບກຳນົດໃນການຕິດຕາມມື້ນີ້.