ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

7 ປະໂຫຍດຈາກເບບີ້ອອຍຕົວຊ່ວຍດີໆທີ່ຜູ້ຍິງຄວນມີໄວ້ຕິດກະເປົາ

ຜົມຟູຄຣີນຊິ້ງໝົດ ຜິວແຫ້ງ ແຕກ ສາລະພັດປັນຫາຂອງສາວໆຫຼາຍໆທ່ານຮູ້ບໍ່ວ່າສາມາດແກ້ໄດ້ ພຽງແຕ່ເຮົາມີເບບີ້ອອຍ ພຽງຂວດດຽວແມ່ນແລ້ວມັນຈະມີລັກສະນະເປັນນໍ້າໃສໆ ມັນໆ ທີ່ເຮົາເຫັນສາມາດແກ້ປັນຫາໄດ້ຫຼາຍຢ່າງເລີຍ ແຕ່ຈະມີຫຍັງແດ່ນັ້ນມາເບິ່ງກັນເລີຍ

  1. ຜົມຊີ້ຟູບໍ່ມີນໍ້າໜັກ

ສຳລັບສາວໆທີ່ຜົມແຫ້ງຊີ້ຟູລອງໃຊ້ເບບີ້ອອຍໝັກຜົມປະໄວ້ແລ້ວຄ່ອຍໄປສະອອກເບີ່ງແຕ່ຢ່າໃສ່ຫຼາຍຈົນເກີນໄປເພາະມັນອາດຈະເຮັດໃຫ້ໜັງຫົວຂອງເຮົານັ້ນມັນ

2. ຜິວແຫ້ງ

ສາວໆທີ່ຕ້ອງຢູ່ໃນຫ້ອງແອທຸກໆມື້ພຽງແຕ່ທາຄີມຢ່າງດຽວອາດຈະບໍ່ພໍ ກ່ອນ ຫຼື ຫຼັງອາບນໍ້າກໍ່ລົງເປັນເບບີ້ອອຍກ່ອນແລ້ວຕາມດ້ວຍໂລຊັ່ນກໍ່ຈະຊ່ວຍໃຫ້ຜິວເຮົານຸ້ມ ແລະ ຜິວບໍ່ແຫ້ງອີກດ້ວຍ

3. ເຊັດເຮັດຄວາມສະອາດເຄື່ອງສຳອາງ

ສຳລັບສາວໆທີ່ອາດຈະໃຊ້ເຊັດເຄື່ອງສຳອາງເຊັດບໍລິເວນຮອບດວງຕາແລ້ວຮູ້ສຶກແສບໆ ຫຼືຢ້ານວ່າຈະມີສ່ວນປະສົມຂອງແອວກໍຮໍປະສົມຢູ່ນຳ ລອງປ່ຽນມາໃຊ້ເບບີ້ອອຍລອງເບິ່ງເພາະເບບີ້ອອຍມີຄວາມອ່ອນໂຍນຕໍ່ຜິວ

4. ເບິ່ງແຍງຮອຍແຕກ

ຜິວທີ່ແຕກລາຍ ສົ້ນໜ່ອງແຕກໃຊ້ເບບີ້ອອຍທາໄດ້ເລີຍ ໝັ່ນທາ ໝັ່ນບໍາລຸງເພື່ອຄວາມຊຸ່ມຊື່ນໃຫ້ກັບຜິວ

5. ແກະຫູ

ສ່ວນສາວໆທີ່ອາດຈະຕ້ອງແກະຂີ້ຫູ ແຕ່ມັນແຂງຈົນແກະບໍ່ອອກລອງຢອດເບບີ້ອອຍລົງໄປຈັກຢອດສອງຢອດເພື່ອຈະຊ່ວຍແກະອອກໄດ້ງ່າຍຂຶ້ນ

6. ນວດບໍາລຸງນິ້ວມື

ພວກນິ້ວ ແລະ ເລັບກໍ່ຕ້ອງບໍາລຸງນຳ ຖ້າຮູ້ສຶກວ່າມືແຫ້ງໆ ເອົາເບບີ້ອອຍຂວດນ້ອຍໆຢອດຈັກໜຶ່ງຢອດແລ້ວນວດຄ່ອຍໆລະຫວ່າງມື້ກໍ່ໄດ້

7. ແທນເຈວເວລາໂກນຂົນຕ່າງໆ

ສ່ວນສາວໆທີ່ມັກໂກນຂົນແຂນຂົນຂາໂຕເອງເປັນປະຈຳລອງລົງເບບີ້ອອຍໄປກ່ອນຈະໄດ້ເປັນການເພີ່ມຄວາມຊຸ່ມຊື່ນຂອງຜິວຊ່ວຍໃຫ້ຜິວນຸ່ມ ແລະ ບໍ່ແຫ້ງແຕກລາຍ