ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

72 ມື້ຜ່ານມາ ສປປ ລາວ ບໍ່ມີຜູ້ຕິດເຊື້ອພະຍາດໂຄວິດ19 ແຕ່ຍັງມີຜູ້ຕິດເຊື້ອພະຍາດໄຂ້ເລືອດອອກ 2,037 ຄົນ, ເສຍຊີວິດ 5ຄົນ.

72 ມື້ຜ່ານມາ ສປປ ລາວ ບໍ່ມີຜູ້ຕິດເຊື້ອພະຍາດໂຄວິດ ແຕ່ຍັງມີຜູ້ຕິດເຊື້ອພະຍາດໄຂ້ເລືອດອອກ 2,037 ຄົນ, ເສຍຊີວິດ 5ຄົນໃນນັ້ນ ນະຄອນຫລວງວຽງຈັນ ຫລາຍກວ່າໝູ່

ດຣ. ຣັດຕະນະໄຊ ເພັດສຸວັນ, ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຄະນະສະເພາະກິດຄວບຄຸມໂຄວິດ19  ຖະແຫລງຕໍ່ສື່ມວນຊົນ ຕອນເຊົ້າ ວັນທີ 23 ມິຖຸນານີ້ ທີ່ກະຊວງສາທາລະນະສຸກ ເຖິງສະພາບການຄວບຄຸມໂຄວິດ19 ວ່າ: ມື້ຜ່ານມາມີຜູ້ເດີນທາງເຂົ້າ ສປປ ລາວ ທັງໝົດ 1,664 ຄົນ ໃນນັ້ນຜ່ານດ່ານລາວ-ໄທ 1,023 ຄົນ ມີແຮງງານລາວກັບມາແຕ່ໄທ 244 ຄົນ, ຜ່ານດ່ານລາວ – ຈີນ 29 ຄົນ , ຜ່ານດ່ານລາວ – ຫວຽດນາມ 416 ຄົນ, ຜ່ານດ່ານ ລາວ-ກຳປູເຈຍ ມີ3 ຄົນ ທັງໝົດແມ່ນຄົນ ອິນເດຍ ເຂົ້າມາເຮັດວຽກຢູ່ລາວ, ເດີນທາງຜ່ານສະໜາມບິນສາກົນວັດໄຕ 148 ຄົນ , ມີມາເລເຊຍ 5 ຄົນ ແລະ ຄົນຈີນ 143 ຄົນ ແຮງງານຈີນສ້າງທາງລົດໄຟ, ສ້າງໂຮງໝໍມະໂຫສົດ, ບໍລິສັດນໍ້າງືມ 4, ບໍລິສັດ MKE ແລະ YUNPIA. ທຸກຄົນແມ່ນໄດ້ແທກອຸນຫະພູມຮ່າງກາຍ ແລະ ໄດ້ເກັບຕົວຢ່າງທຸກ​ໆຄົນມາກວດ ແລ້ວນຳສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ວຽກງານວິເຄາະ ແລະກວດຫາເຊື້ອ ໃນວັນທີ 22 ມິຖຸນາ 2020, ໄດ້ເກັບຕົວຢ່າງມາກວດວິເຄາະທັງໝົດ 374 ຄົນ, ຜົນກວດທັງໝົດແມ່ນ ບໍ່ພົບເຊື້ອ 72 ມື້ແລ້ວທີ່ບໍ່ພົບຜູ້ຕິດເຊື້ອໃໝ່.

ຫົວໜ້າກົມຄວບຄຸມພະຍາດຕິດຕໍ່ ໃຫ້ຮູ້ອີກວ່າ:  ເຖີງວ່າ ປະຈຸບັນ ສປປ ລາວ ບໍ່ມີລາຍງານກໍລະນີໃໝ່ຂອງພະຍາດ COVID-19 ເປັນເວລາ 72 ວັນແລ້ວ ແລະ ຄົນ ເຈັບ 19 ຄົນ ກໍ່ໄດ້ປີ່ນປົວຫາຍດີ ອອກໂຮງໝໍໝົດແລ້ວກໍຕາມ, ແຕ່ພວກເຮົາບໍ່ຄວນປະໝາດເພາະສະພາບຂອງການລະບາດໃນທົ່ວໂລກຍັງບໍ່ທັນຢຸດນີ່ງ ລວມທັງປະເທດອ້ອມຂ້າງພວກເຮົາຍັງມີລາຍງານກໍລະນີຜູ້ຕິດເຊື້ອໃໝ່ຢູ່.

ຂະນະດຽວກັນ ພະຍາດໄຂ້ຍຸງລາຍກໍ່ເກີດຂື້ນໃນຫຼາຍແຂວງ  ຮອດວັນທີ່ 22 ມີຖຸນາ 2020  ສປປ ລາວ ມີຜູ້ຕິດເຊື້ອກໍລະນີສະສົມທັງໝົດ 2,037 ຄົນ, ຫຼາຍກວ່າໝູ່ແມ່ນ ນະຄອນຫຼວງວຽງຈັນ ມີ 448 ກໍລະນີ, ຖັດລົງມາແມ່ນແຂວງວຽງຈັນ 298 ກໍລະນີ ແລະ ແຂວງອັດຕະປື 227 ກໍລະນີ. ເສຍຊີວິດ 5 ຄົນ ໃນນັ້ນນະຄອນຫຼວງວຽງຈັນ 2 ຄົນ, ບໍລິຄຳໄຊ 1 ຄົນ, ຄຳມ່ວນ 1 ຄົນ ແລະ ໄຊຍະບູລີ 1 ຄົນ.